ಡರ್ಬನ್ (ಎಎಫ್ಪಿ/ ರಾಯಿಟರ್ಸ್): ದಕ್ಷಿಣ ಆಫ್ರಿಕಾದ ಕ್ವಾಝುಲು–ನಟಾಲ್ ಪ್ರಾಂತ್ಯದಲ್ಲಿ ಉಂಟಾದ ಪ್ರವಾಹದಿಂದ ಮೃತಪಟ್ಟವರ ಸಂಖ್ಯೆ 395ಕ್ಕೆ ಏರಿಕೆಯಾಗಿದೆ. ಪೊಲೀಸ್ ಹಾಗೂ ರಕ್ಷಣಾ ಪಡೆಗಳ ಸಿಬ್ಬಂದಿ ಕಾಣೆಯಾದವರಿಗಾಗಿ ಹುಡುಕಾಟ ನಡೆಸಿದ್ದಾರೆ.
ಪ್ರವಾಹದಿಂದ 40 ಸಾವಿರಕ್ಕೂ ಅಧಿಕ ಜನರು ಸಂತ್ರಸ್ತರಾಗಿದ್ದಾರೆ. ತಕ್ಷಣದ ಪರಿಹಾರ ಕಾರ್ಯಗಳಿಗಾಗಿ 6.83 ಕೋಟಿ ಡಾಲರ್ (100 ಕೋಟಿ ರಾಂಡ್) ಮಂಜೂರು ಮಾಡಲಾಗಿದೆ ಎಂದುಹಣಕಾಸು ಸಚಿವ ಎನೋಚ್ ಗೊಂಡೊಂಗ್ವಾನಾ ತಿಳಿಸಿದ್ದಾರೆ.