ಗಂಡು ಮಗುವಿಗೆ ಜನ್ಮ ನೀಡಿದ ಬ್ರಿಟನ್‌ ರಾಜಕುಮಾರಿ ಯೂಜೆನಿ

ಎರಡನೇ ರಾಣಿ ಎಲಿಜಬೆತ್ ಅವರ ಮೊಮ್ಮಗಳಾಗಿರುವ ಯೂಜೆನಿ ಹಾಗೂ ಆಕೆಯ ಪತಿ ಜ್ಯಾಕ್ ಬ್ರೂಕ್ಸ್‌ಬ್ಯಾಂಕ್‌ ಅವರು ಲಂಡನ್‌ನ ಪೋರ್ಟ್‌ಲ್ಯಾಂಡ್ ಆಸ್ಪತ್ರೆಯಲ್ಲಿ ಮಗುವನ್ನು ಸ್ವಾಗತಿಸಿದರು.

ನವಜಾತ ಶಿಶುವು 8 ಪೌಂಡ್‌, 1 ಔನ್ಸ್‌ನಷ್ಟಿದ್ದು, ಬ್ರೂಕ್ಸ್‌ಬ್ಯಾಂಕ್‌ ಹಾಗೂ ಯೂಜೆನಿ ದಂಪತಿಯ ಮೊದಲ ಮಗುವಾಗಿದೆ. ರಾಣಿಯ ಒಂಬತ್ತನೇ ಮೊಮ್ಮಗುವಾಗಿದೆ.

ಓದಿ:ಪೆಟ್ರೋಲ್‌–ಡೀಸೆಲ್‌ ದರ ಏರಿಕೆ ಬಗ್ಗೆ ಜನ ಏನಂತಾರೆ?

ತಾಯಿ ಮತ್ತು ಮಗು ಇಬ್ಬರೂ ಚೆನ್ನಾಗಿದ್ದಾರೆ ಎಂದು ಅರಮನೆ ಪ್ರಕಟಣೆ ತಿಳಿಸಿದೆ.

ಯೂಜೆನಿ ಅವರು 2018ರ ಅಕ್ಟೋಬರ್‌ನಲ್ಲಿ ಬ್ರೂಕ್ಸ್‌ಬ್ಯಾಂಕ್‌ ಅವರನ್ನು ವಿವಾಹವಾಗಿದ್ದರು.