ವಿಶ್ವಸಂಸ್ಥೆ(ರಾಯಿಟರ್ಸ್): ಚೀನಾ ಮೂಲದ ಒಂದು ಡೋಸ್ ಲಸಿಕೆಯಾಗಿರುವ 'ಕಾನ್ವಿಡೆಸಿಯಾ'ದ ತುರ್ತು ಬಳಕೆಗೆ ವಿಶ್ವ ಆರೋಗ್ಯ ಸಂಸ್ಥೆ ಅನುಮೋದನೆ ನೀಡಿದೆ. ಕೊರೊನಾ ವಿರುದ್ಧದ ಹೋರಾಟಕ್ಕೆ ವಿಶ್ವ ಆರೋಗ್ಯ ಸಂಸ್ಥೆಯಿಂದ ಅನುಮೋದನೆ ಪಡೆದ 11ನೇ ಲಸಿಕೆಯಾಗಿ ಕಾನ್ವಿಡೆಸಿಯಾ ಹೊರಹೊಮ್ಮಿದೆ.
ಈ ಲಸಿಕೆಯನ್ನು ಚೀನಾದ ಕ್ಯಾನ್ಸಿನೊ ಬಯೋಲಾಜಿಕ್ಸ್ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಈ ಲಸಿಕೆಯು ಕೋವಿಡ್ ಲಕ್ಷಣ ಇರುವ ಸೋಂಕಿತರಲ್ಲಿ ಶೇ 64ರಷ್ಟು ಹಾಗೂ ಹೆಚ್ಚು ತೀವ್ರತೆಯ ಸೋಂಕಿನ ವಿರುದ್ಧ ಶೇ 92ರಷ್ಟು ಪರಿಣಾಮಕಾರಿಯಾಗಿದೆ ಎಂದು ಸಂಸ್ಥೆ ಹೇಳಿದೆ.