ನನಗೆ ಮದುವೆಯಾಗಿ 35 ವಸಂತಗಳು ಕಳೆದಿವೆ. ನನ್ನ ಮಕ್ಕಳಿಗೆ ಈಗ ಪುಟ್ಟ ಮಕ್ಕಳಿವೆ. ಆದರೂ ನನಗೆ ಮನೆಗೆಲಸದಲ್ಲಿ ಆಸಕ್ತಿ ಕುಂದಿಲ್ಲ. ಈಗ ನನ್ನ ಪತಿ ಕೂಡ ಇದರಲ್ಲಿ ಭಾಗಿಯಾಗುತ್ತಾರೆ. ನಿವೃತ್ತಿಯ ನಂತರ ಅವರು ನನಗೆ ಸಹಾಯ ಮಾಡುತ್ತಾರೆ. ಮೊದಲು ಮಕ್ಕಳು ಶಾಲೆಗೆ ಹೋಗುವ ಮುನ್ನ ಸಹಾಯ ಮಾಡುತ್ತಿದ್ದರು. ರುಚಿಕಟ್ಟಾದ ಅಡುಗೆ, ಅಂದವಾಗಿ ಅಲಂಕರಿಸಿದ ಮನೆ, ಇದಕ್ಕೆ ಬೇಕಾದ ಸಮಯ ಪಾಲನೆ, ಮುಂದಾಲೋಚನೆ ಎಲ್ಲವನ್ನೂ ನಾವು ಒಟ್ಟಿಗೆ ನಿರ್ಧರಿಸುತ್ತೇವೆ. ಇದರಲ್ಲಿ ಗಂಡು-ಹೆಣ್ಣು ಎಂಬ ಭೇದವಿಲ್ಲ. ಮೇಲು, ಕೀಳು ಎಂಬ ತಾರತಮ್ಯವೂ ಇಲ್ಲ. ಈಗ 2 ವರ್ಷದ ಮೊಮ್ಮಗನೂ ಇದರಲ್ಲಿ ಪಾಲ್ಗೊಳ್ಳುತ್ತಾನೆ. ಮುದ್ದಾಗಿ ಮಾತನಾಡುತ್ತ ನನಗೆ ನಿರ್ದೇಶನ ಮಾಡುತ್ತಾನೆ.
