ಪ್ರಾಣಿಗಳ ಉತ್ಪನ್ನಗಳನ್ನು ಬಳಸದಂತೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವುದು ಈ ಉತ್ಸವ ಮಹತ್ವದ ಉದ್ದೇಶ. ಪ್ರಾಣಿಗಳನ್ನು ಹಾಲು, ಮೊಸರು, ತುಪ್ಪ, ಮೊಟ್ಟೆ, ಮಾಂಸ, ಉಣ್ಣೆ, ಚರ್ಮದಂತಹ ಉತ್ಪನ್ನಗಳ ಸರಕಾಗಿ ಪರಿಗಣಿಸದೆ, ಮಾನವರಂತೆಯೇ ಸಮಾನವಾಗಿ ಜೀವಿಯಂತೆ ನೋಡಬೇಕು ಎನ್ನುವುದು ಉತ್ಸವ ತಿರುಳು.
ಪ್ರಾಣಿಜನ್ಯ ಉತ್ಪನ್ನಗಳನ್ನು ತ್ಯಜಿಸಲು ಯಾವ ರೀತಿ ಜೀವನಶೈಲಿಯಲ್ಲಿ ಬದಲಾವಣೆ ಅಳವಡಿಸಿಕೊಳ್ಳಬೇಕು ಎನ್ನುವುದನ್ನು ವೇಗನ್‌ ಉತ್ಸವ ಜನರಿಗೆ ತಿಳಿಸಿಕೊಡಲಿದೆ.
ಚಾಕೋಲೆಟ್‌, ಚೀಸ್‌, ಹಾಲು, ಕೇಕ್‌, ಸೌಂದರ್ಯವರ್ಧಕ, ಶೂ, ಪಾದರಕ್ಷೆ, ಚೀಲ, ಬಟ್ಟೆ, ಗೃಹಬಳಕೆ ವಸ್ತುಗಳು ಸೇರಿದಂತೆಸಸ್ಯಜನ್ಯ ಉತ್ಪನ್ನಗಳ ಮಾರಾಟ ಮಳಿಗೆಗಳಿರುತ್ತವೆ.
‘ಲೆಟ್ಸ್‌ ಲಿವ್‌ ಟುಗೆದರ್‌’ ಸ್ವಯಂಸೇವಾ ಸಂಸ್ಥೆ ಬೀದಿನಾಯಿ ಮತ್ತು ನಾಯಿಮರಿಗಳನ್ನು ದತ್ತು ನೀಡಲಿದೆ. ತಮ್ಮನ್ನು ದತ್ತು ಪಡೆದು ಸೂರು ನೀಡುವ ಸುರಕ್ಷಿತ ಕೈಗಳಿಗಾಗಿ ಮುದ್ದು ನಾಯಿಮರಿಗಳು ಎದುರು ನೋಡುತ್ತಿವೆ.
