‘ರಾಗಿ, ಭತ್ತ, ಗೋಧಿ ಹಾಗೂ ಸಿರಿಧಾನ್ಯಗಳಿಗೆ ಹೋಲಿಸಿದರೆ, ಈ ಬೀಜದ ದಂಟಿನ ತಳಿ ಶೇ 15ರಷ್ಟು ಹೆಚ್ಚುವರಿ ಪೌಷ್ಟಿಕಾಂಶ ಹೊಂದಿದೆ. ಕ್ಯಾಲ್ಸಿಯಂ, ಸತು, ಪೊಟ್ಯಾಷಿಯಂ ಮತ್ತು ರಂಜಕದ ಪ್ರಮಾಣ ಇದರಲ್ಲಿ ಹೇರಳವಾಗಿದ್ದು, ಅಮೈನೊ ಆಮ್ಲಗಳನ್ನೂ ಒಳಗೊಂಡಿದೆ. ಯಾವುದೇ ಏಕದಳ ಧಾನ್ಯಗಳಲ್ಲಿ ಇರದ ‘ಲೈಸಿನ್’ ಎಂಬ ಅಮೈನೊ ಆಮ್ಲ ಈ ಬೀಜದ ದಂಟಿನಲ್ಲಿರುವುದು ವಿಶೇಷ’ ಎನ್ನುತ್ತಾರೆ ಅಖಿಲ ಭಾರತ ಸುಸಂಘಟಿತ ಸಮರ್ಥ ಬೆಳೆಗಳ ಸಂಶೋಧನಾ ಪ್ರಾಯೋಜನೆಯ ಹಿರಿಯ ವಿಜ್ಞಾನಿ ಡಾ.ನಿರಂಜನ ಮೂರ್ತಿ.