ಬೆಂಗಳೂರು: ಕೃಷಿ ಕಾರ್ಯಕ್ರಮಗಳಿಗೆ ಮೀಸಲಾದ ಒಟಿಟಿ ವಾಹಿನಿ ‘ಶ್ರಮಜೀವಿ ಟಿ.ವಿ.’ ಆರಂಭವಾಗಿದೆ. ‘ಫಾರ್ಮ್ಟಿವಿ’ ಹೆಸರಿನ ಆ್ಯಪ್ ಹಾಕಿಕೊಂಡು ವಾಹಿನಿಯ ಕಾರ್ಯಕ್ರಮಗಳನ್ನು ವೀಕ್ಷಿಸಬಹುದು.
‘ಪ್ರತಿದಿನ ಅರ್ಧ ಗಂಟೆ ಅವಧಿಯ ಕಾರ್ಯಕ್ರಮ ಪ್ರಸಾರ ಆಗುತ್ತಿದೆ. ಏಪ್ರಿಲ್ ಕೊನೆಯ ವೇಳೆಗೆ ಕಾರ್ಯಕ್ರಮ ಪ್ರಸಾರ ಅವಧಿಯನ್ನು ದಿನಕ್ಕೆ ಎರಡು ಗಂಟೆಗಳಿಗೆ ಹೆಚ್ಚಿಸಲಾಗುವುದು’ ಎಂದು ವಾಹಿನಿಯ ಪ್ರಧಾನ ಸಂಪಾದಕ ಡಾ. ವೆಂಕಟ್ರಮಣ ಹೆಗಡೆ ತಿಳಿಸಿದ್ದಾರೆ. ಕಾರ್ಯಕ್ರಮಗಳ ವೀಕ್ಷಣೆ ಸದ್ಯಕ್ಕೆ ಉಚಿತವಾಗಿದೆ.
‘ಕೃಷಿ ಕ್ಷೇತ್ರದಲ್ಲಿನ ಎಲ್ಲರ ನಡುವೆ ಕೊಂಡಿಯಾಗಿ ಈ ಮಾಧ್ಯಮ ಕೆಲಸ ಮಾಡಲಿದೆ’ ಎಂದು ಹೆಗಡೆ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಹೆಚ್ಚಿನ ವಿವರಗಳಿಗೆ www.shramajeevi.com ವೆಬ್ಸೈಟ್ಗೆ ಭೇಟಿ ನೀಡಬಹುದು.