ಯಾವುದೇ ಬೆಳೆಯ ಬೇರಿನ ಉತ್ತಮ ಬೆಳವಣಿಗೆಗೆ ಹ್ಯೂಮಿಕ್ ಆಸಿಡ್ ಉತ್ತಮ ಟಾನಿಕ್. ಈ ಟಾನಿಕ್ ಅಂಗಡಿಯಲ್ಲಿ ಸಿಗುತ್ತದೆ. ಆದರೆ, ಇದನ್ನು ಮನೆಯಲ್ಲೇ ತಯಾರಿ ಮಾಡಿಕೊಳ್ಳಬಹುದು. ಹೇಗೆ ಅಂತೀರಾ, ಇಲ್ಲಿದೆ ನೋಡಿ.
100 ಲೀಟರ್ ನೀರಿಗೆ, 20 ಕೆಜಿ ಹಸಿ ಸಗಣಿ, 2 ಕೆ.ಜಿ. ಸತುವಿನ ಸಲ್ಫೇಟ್‌ ಮತ್ತು ಒಂದು ಕೆ.ಜಿ. ಬೋರಾಕ್ಸ್‌+ ಜೈವಿಕ ಗೊಬ್ಬರ/ಜೈವಿಕ ಪೀಡೆನಾಶಗಳ consortia (2ರಿಂದ3 ಕೆ.ಜಿ) ಹಾಕಿ ಮಿಶ್ರಣ ಮಾಡಿ
ಒಂದು ವಾರ ಮುಚ್ಚಿಡಬೇಕು (ಗಾಳಿಯಾಡದಂತೆ).
ವಾರದ ನಂತರ 400 ಲೀಟರ್ ನೀರಿಗೆ ಈ 100 ಲೀಟರ್ ಸತ್ವಭರಿತ ಮಿಶ್ರಣ ಸೇರಿಸಿ ಬೆಳೆಗಳಿಗೆ ಡ್ರಿಪ್ ಮೂಲಕ ಅಥವಾ ಡ್ರೆಂಚಿಂಗ್ ರೂಪದಲ್ಲಿ ಕೊಡಬಹುದು.
ಬೇರಿನ ಉತ್ತಮ ಬೆಳವಣಿಗೆಗೆ ಉಪಕಾರಿ, ಗಿಡದ ಬೆಳವಣಿಗೆಯಲ್ಲಿ ಇದೊಂದು ಉತ್ತಮ ಟಾನಿಕ್.
ನೀವು ಹೊರಗಿನಿಂದ ಹೆಚ್ಚು ಹಣ ಕೊಟ್ಟು ಹ್ಯೂಮಿಕ್ ಆಸಿಡ್ ತರುವ ಅಗತ್ಯವಿಲ್ಲ.
