ಹೊಸತು: ಹೋಂಡಾ ಪವರ್‌ನಿಂದ ಹೊಸ ಬ್ರಷ್ ಕಟರ್
ರೈತರು ಬೆಳೆಗಳ ನಡುವಿನ ಕಳೆ ಕೀಳುವುದು, ಬೆಳೆ ಕೊಯ್ಲು ಮುಂತಾದ ಕೃಷಿ ಕೆಲಸಗಳಿಗಾಗಿ ಬ್ರಷ್ ಕಟರ್‌ಗಳನ್ನು ಅವಲಂಬಿಸಿದ್ದಾರೆ. ರಸ್ತೆ ಬದಿಯಲ್ಲಿ, ಉದ್ಯಾನದಲ್ಲಿ ಕಳೆ ಕೀಳಲು ಕೂಡ ಬ್ರಷ್ ಕಟರ್‌ಗಳು ನೆರವಾಗುತ್ತವೆ. ಆ ಕಾರಣಕ್ಕಾಗಿ ಹೋಂಡಾ ಇಂಡಿಯಾ ಪವರ್ ಪ್ರಾಡಕ್ಟ್ ಲಿಮಿಟೆಡ್‌ ಕಂಪನಿ 4-ಸ್ಟ್ರೋಕ್ ಎಂಜಿನ್ ತಂತ್ರಜ್ಞಾನವಿರುವ ಹೊಸ ಬ್ರಷ್ ಕಟರ್‌ಗಳನ್ನು ಬಿಡುಗಡೆ ಮಾಡಿದೆ. ಇದು 1.3 ಎಚ್‌ಪಿ ಸಾಮರ್ಥ್ಯದ್ದಾಗಿದ್ದು, ಯುಎಂಆರ್ 435ಟಿ ಮಾದರಿಯನ್ನು ಹೊಂದಿದೆ.
ಜೊತೆಗೆ ಹಗುರ ಬಳಕೆಗಾಗಿ 1 ಎಚ್‌ಪಿ ಹಾಗೂ ಹೆವಿ ಡ್ಯೂಟಿ ಬಳಕೆಗಾಗಿ 2 ಎಚ್‌ಪಿ ವ್ಯಾಪಕ ಶ್ರೇಣಿ ಮಾದರಿಗಳನ್ನು ಹೊಂದಿದೆ.
ಈ ಬ್ರಷ್ ಕಟರ್ ಬೆಟ್ಟ ಹಾಗೂ ಪರ್ವತ ಪ್ರದೇಶಗಳಲ್ಲಿ ಬೆಳೆಗಳನ್ನು ಬೆಳೆಯುವ ರೈತರಿಗೆ ಹೆಚ್ಚು ನೆರವಾಗುತ್ತದೆ. ಇಳಿಜಾರಿನ ಕೃಷಿಭೂಮಿಗಳು ಹಾಗೂ ಹಣ್ಣಿನ ತೋಟಗಳಲ್ಲಿ ಕಳೆಯನ್ನು ಸಮರ್ಥವಾಗಿ ಕೀಳಲು ಹೊಸ ಮಾದರಿಯ ಈ ಬ್ರಷ್ ಕಟರ್ ಹೆಚ್ಚು ಸೂಕ್ತ. ಅಲ್ಲದೇ ಸಾಲು ಬೆಳೆಗಳ ನಡುವೆ ಕಳೆ ತೆಗೆಯಲು ಇದು ನೆರವಾಗುತ್ತದೆ ಎಂದಿದೆ ಕಂಪನಿ.
ಯುಎಂಆರ್ 435 ಟಿ ಬ್ಯಾಕ್‍ಪ್ಯಾಕ್ ಬ್ರಷ್ ಕಟರ್ ಎರಡು ಮಾದರಿಗಳಲ್ಲಿ ಲಭ್ಯವಿದೆ. 2 ಹಲ್ಲುಗಳ ಬಾರ್ ಬ್ಲೇಡ್ನೊಂದಿಗೆ ಎಲ್ 2 ಎಸ್‌ಟಿ ಮತ್ತು 3 ಹಲ್ಲುಗಳ ಬ್ಲೇಡ್ನೊಂದಿಗೆ ಎಲ್‍ಇಡಿಟಿ ಮತ್ತು ನೈಲಾನ್ ಲೈನ್ ಕಟರ್ ಭೂ ಪ್ರದೇಶಕ್ಕೆ ಅನುಗುಣವಾಗಿ ಕಳೆ ಕತ್ತರಿಸುವ ಆಯ್ಕೆಯನ್ನು ನೀಡಿದೆ. ಈ ಉಪಕರಣವು ಕರ್ನಾಟಕದಲ್ಲಿ ಹೋಂಡಾ ಇಂಡಿಯಾ ಪವರ್ ಶೋರೂಮ್‌ಗಳಲ್ಲಿ ಲಭ್ಯ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್ಬುಕ್ ಪುಟವನ್ನುಫಾಲೋ ಮಾಡಿ.