<p>ಈರುಳ್ಳಿ ಬೆಳೆ (ಪೈರು) ನಿನ್ನೆ ಚೆನ್ನಾಗಿತ್ತು. ಇವತ್ತು ಎಲೆಗಳ ತುದಿ ಹಳದಿ ಬಣ್ಣಕ್ಕೆ ತಿರುಗಿವೆ. ಬೆಳೆ ಒಣಗುತ್ತಿದೆ. ಹೀಗೇಕೆ ಇತ್ಯಾದಿ ಸಮಸ್ಯೆಗಳಿಗೆ ಪರಿಹಾರ ಕೇಳಿಕೊಂಡು ಈರುಳ್ಳಿ ಬೆಳೆಗಾರರು ನಿತ್ಯ ತೋಟಗಾರಿಕೆ ಇಲಾಖೆ ಮತ್ತು ತೋಟಗಾರಿಕೆ ಮಹಾ ವಿದ್ಯಾಲಯಗಳಿಗೆ ಬರುತ್ತಾರೆ.<br /> <br /> ಈರುಳ್ಳಿ ಬೆಳೆಗೆ ಬರುವ ರೋಗಗಳಲ್ಲಿ ನೇರಳೆ ರೋಗ, ಅಂಗಮಾರಿ ರೋಗ, ಕಾಡಿಗೆ ರೋಗ, ಬುಡ ಕೊಳೆ ರೋಗ ಮತ್ತು ಸಸಿ ಕೊಳೆ ರೋಗ ಇತ್ಯಾದಿಗಳು ಪ್ರಮುಖವಾದವು. ಅಲ್ಲದೆ ಥ್ರಿಪ್ಸ್ನುಸಿ ಮತ್ತು ಕಾಂಡ ಕತ್ತರಿಸುವ ಹುಳುಗಳ ಹಾವಳಿಯೂ ಕಂಡುಬರುತ್ತವೆ. <br /> <br /> ನೇರಳೆ ಮಚ್ಚೆರೋಗವು ಆಲ್ಟರ್ನೇರಿಯಾ ಪೊರಿ ಎಂಬ ಶಿಲೀಂದ್ರದಿಂದ ಬರುತ್ತದೆ. ರೋಗದ ಲಕ್ಷಣಗಳೆಂದರೆ ಮೊದಲಿಗೆ ಎಲೆಗಳ ಮೇಲೆ ಕಾಣಿಸಿಕೊಂಡು ನಂತರ ಕಂದು ಬಣ್ಣಕ್ಕೆ ತಿರುಗುತ್ತವೆ. ಚುಕ್ಕೆಗಳು ಬೆಳೆದಂತೆಲ್ಲಾ ಎಲೆಯ ತುಂಬಾ ಹರಡಿಕೊಂಡು ಎಲೆಗಳ ಅಂಚು ಮಬ್ಬು ಬಣ್ಣಕ್ಕೆ ತಿರುಗುತ್ತವೆ.<br /> <br /> ವಾತಾವರಣದಲ್ಲಿ ತೇವಾಂಶ ಇರುವಾಗ ಈ ಚುಕ್ಕೆಗಳ ಮೇಲೆ ಕಂದು ಅಥವಾ ಕಪ್ಪು ಬಣ್ಣದ ಬೀಜಕಣಗಳಿದ್ದು, ರೋಗದ ಬಾಧೆ ತೀವ್ರವಾದಂತೆ ಎಲೆಗಳು ಸಂಕುಚಿತಗೊಂಡು ಹಳದಿ ಬಣ್ಣಕ್ಕೆ ತಿರುಗಿ ನಂತರ ಪೈರು ಸಂಪೂರ್ಣ ನಾಶವಾಗುತ್ತವೆ.<br /> <br /> ಈ ರೋಗ ನಿಯಂತ್ರಣಕ್ಕೆ ಮೊದಲ ಪರಿಹಾರ, ಬೆಳೆ ಪರಿವರ್ತನೆ ಮಾಡುವುದು. ಬಿತ್ತನೆಗೆ ಮುಂಚೆ ಪ್ರತಿ ಕಿಲೋ ಬೀಜಕ್ಕೆ 3 ಗ್ರಾಂ ಮ್ಯೋಂಕೊಜೆಬ್ ಶಿಲೀಂದ್ರ ನಾಶಕದಿಂದ ಬೀಜೋಪಚಾರ ಮಾಡಿ ಬಿತ್ತನೆ ಮಾಡಬೇಕು. ರೋಗದ ಹತೋಟಿಗೆ 2.5 ಗ್ರಾಂ ಮಾಂಕೊಜೆಬ್ ಅಥವಾ 1.5 ಮಿ.ಲೀ. ಇಪ್ರೊಬೆನ್ ಫಾಸ್ ಅಥವಾ 2.5 ಗ್ರಾಂ ಎಂಥ್ರಾಕಾಲ್ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು. <br /> <br /> ಕೇದಿಗೆ ರೋಗ ಪೆರನೋಸ್ಪೂರಾ ಡಿಸ್ಟರಕ್ಟರ್ ಎಂಬ ಶಿಲೀಂದ್ರದಿಂದ ಬರುತ್ತದೆ. ರೋಗ ಪೀಡಿತ ಸಸ್ಯಗಳ ಬೆಳವಣಿಗೆ ಕುಂಠಿತಗೊಂಡು ಎಲೆಗಳು ತಿಳಿ ಹಳದಿ ಬಣ್ಣಕ್ಕೆ ತಿರುಗುತ್ತವೆ. ಎಲೆಗಳ ಮಧ್ಯ ಭಾಗದಲ್ಲಿ ರೋಗದ ಲಕ್ಷಣಗಳು ಕಂಡುಬಂದು ನಂತರ ಬಾಡಿ ಜೋಲಾಡುತ್ತಿರುತ್ತವೆ. <br /> <br /> ಈ ರೋಗ ಬಾರದಂತೆ ತಡೆಯಲು ಬಿತ್ತನೆಗೆ ರೋಗರಹಿತ ಗಡ್ಡೆಗಳನ್ನು ಆಯ್ದುಕೊಳ್ಳಬೇಕು. ರೋಗ ಕಂಡು ಬಂದ ಕೂಡಲೇ ಶಿಲೀಂದ್ರನಾಶಕಗಳಾದ 1.5 ಗ್ರಾಂ ಮೆಟಾಲಾಕ್ಸಿಲ್ ಎಂ-ಝಡ್ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ 15 ದಿನಗಳ ಅಂತರದಲ್ಲಿ ಎರಡು ಸಲ ಸಿಂಪಡಿಸಬೇಕು. <br /> <br /> ಬುಡ ಕೊಳೆ ರೋಗ ಪ್ಯುಸೇರಿಯಂ ಎಂಬ ಮಣ್ಣಿನಲ್ಲಿ ವಾಸ ಮಾಡುವ ಶಿಲೀಂದ್ರದಿಂದ ಬರುತ್ತದೆ. ಗಡ್ಡೆಗಳು ದೊಡ್ಡದಾಗುತ್ತಿರುವ ಸಮಯದಲ್ಲಿ ಬುಡಗಳು ಕೊಳೆಯಲು ಪ್ರಾರಂಭಿಸಿ ನಂತರ ಎಲೆಗಳು ಸಂಪೂರ್ಣವಾಗಿ ಹಳದಿಯಾಗಿ ಸಾಯುತ್ತವೆ. ಇದರಿಂದ ಈರುಳ್ಳಿ ಗಡ್ಡೆ ಸಂಪೂರ್ಣ ಕೊಳೆಯುತ್ತವೆ. <br /> <br /> ರೋಗದ ನಿರ್ವಹಣೆಗೆ ಬಿತ್ತನೆಗೆ ಮುಂಚೆ ಒಂದು ಕಿಲೋ ಟ್ರೈಕೊಡರ್ಮವನ್ನು ಒಂದು ಚಕ್ಕಡಿಯಷ್ಟು ಕೊಟ್ಟಿಗೆ ಗೊಬ್ಬರದ ಜೊತೆಗೆ ಬೆರೆಸಿ ಕೊಡಬೇಕು. ಬೆಳೆ ಪರಿವರ್ತನೆ ಮಾಡಬೇಕು. ರೋಗ ಕಂಡು ಬಂದರೆ 1 ಗ್ರಾಂ ಕಾರ್ಬನ್ ಡೈಜಿಮ್ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ರೋಗ ಪೀಡಿತ ಈರುಳ್ಳಿ ಪೈರಿನ ಬುಡಕ್ಕೆ ಹಾಕಬೇಕು. <br /> <br /> ಥ್ರಿಪ್ಸ್ ನುಸಿಗಳು ಎಲೆಯ ಮೇಲೆ ಹೆಚ್ಚಾಗಿ ಕಂಡು ಬಂದು ಪ್ರಾಯದ ಹಾಗೂ ಮರಿ ಕೀಟಗಳು ಎಲೆಗಳ ಮೇಲೆ ಬಾಯಿಂದ ಉಜ್ಜಿ ಬರುವ ರಸವನ್ನು ಹೀರುತ್ತವೆ. ಅಂತಹ ಎಲೆಗಳು ಮುದುಡುತ್ತವೆ. ನಂತರ ತುದಿಯ ಕಡೆಯಿಂದ ಒಣಗುತ್ತವೆ. <br /> <br /> ನುಸಿ ನಿಯಂತ್ರಣಕ್ಕೆ 0.25 ಮಿ.ಲೀ. ಇಮಿಡಾ ಕ್ಲೊಪ್ರಿಡ್ ಅಥವಾ 1 ಮಿ.ಲೀ. ರಿಜೆಂಟ್ ಅಥವಾ 2 ಮಿ.ಲೀ ಕ್ಯುರಾಕ್ರಾನ್ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರಸಿ ಸಿಂಪಡಿಸಬೇಕು. ಈರುಳ್ಳಿ ಹೊಲದ ಸುತ್ತಲೂ ಎರಡು ಸಾಲು ಗೋವಿನ ಜೋಳವನ್ನು ಹಾಕುವುದರಿಂದ ಥ್ರಿಪ್ಸ್ನುಸಿಯ ಹಾರಾಟ ತಡೆಗಟ್ಟಬಹುದು. ಇದರಿಂದ ನುಸಿ ಬಾಧೆಯನ್ನು ಸ್ವಲ್ಪಮಟ್ಟಿಗೆ ತಡೆಯಬಹುದಾಗಿದೆ. <br /> <br /> ಕಾಂಡ ಕತ್ತರಿಸುವ ಹುಳದ ಹೆಣ್ಣು ಪತಂಗಗಳು ಗುಂಪು ಗುಂಪಾಗಿ ಎಲೆಗಳ ಮೇಲೆ ಮೊಟ್ಟೆಯನ್ನಿಡುತ್ತವೆ. ಮರಿ ಹುಳಗಳು ಮೊಟ್ಟೆಗಳಿಂದ ಹೊರಬಂದಾಗ 2 ರಿಂದ 3 ದಿನ ಒಟ್ಟಾಗಿದ್ದು, ಎಲೆಗಳನ್ನು ಕೆರೆದು ತಿನ್ನುತ್ತವೆ. ಇವು ಹಗಲಿನಲ್ಲಿ ಅಡಗಿಕೊಂಡಿದ್ದು, ರಾತ್ರಿ ಹೊತ್ತಿನಲ್ಲಿ ಸಸಿಗಳನ್ನು ಬುಡದಲ್ಲಿ ಕತ್ತರಿಸಿ ತಿನ್ನುತ್ತವೆ. <br /> <br /> ಈ ಕೀಟಗಳ ಹಾವಳಿ ತಡೆಯಲು 2 ಮಿ.ಲೀ. ಕ್ಲೊರೋಫೈರಿಫಾಸ್ ಅಥವಾ 2 ಮಿ.ಲೀ. ಕ್ಯುರಾಕ್ರಾನ್ ಕೀಟನಾಶಕವನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. <br /> <br /> ರೋಗ ಮತ್ತು ಕೀಟಗಳ ನಿರ್ವಹಣೆಗೆ ಔಷಧಿಗಳನ್ನಷ್ಟೇ ಉಪಯೋಗಿಸದೇ ಕೊಟ್ಟಿಗೆ ಗೊಬ್ಬರ, ಸಾರಜನಕ, ರಂಜಕ ಮತ್ತು ಪೊಟ್ಯಾಷ್ ಗೊಬ್ಬರಗಳನ್ನು ಸಮತೋಲನ ಪ್ರಮಾಣದಲ್ಲಿ ಕೊಡುವುದರಿಂದ ರೋಗ ಮತ್ತು ಕೀಟಗಳ ನಿರ್ವಹಣೆ ಸಾಧ್ಯವಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈರುಳ್ಳಿ ಬೆಳೆ (ಪೈರು) ನಿನ್ನೆ ಚೆನ್ನಾಗಿತ್ತು. ಇವತ್ತು ಎಲೆಗಳ ತುದಿ ಹಳದಿ ಬಣ್ಣಕ್ಕೆ ತಿರುಗಿವೆ. ಬೆಳೆ ಒಣಗುತ್ತಿದೆ. ಹೀಗೇಕೆ ಇತ್ಯಾದಿ ಸಮಸ್ಯೆಗಳಿಗೆ ಪರಿಹಾರ ಕೇಳಿಕೊಂಡು ಈರುಳ್ಳಿ ಬೆಳೆಗಾರರು ನಿತ್ಯ ತೋಟಗಾರಿಕೆ ಇಲಾಖೆ ಮತ್ತು ತೋಟಗಾರಿಕೆ ಮಹಾ ವಿದ್ಯಾಲಯಗಳಿಗೆ ಬರುತ್ತಾರೆ.<br /> <br /> ಈರುಳ್ಳಿ ಬೆಳೆಗೆ ಬರುವ ರೋಗಗಳಲ್ಲಿ ನೇರಳೆ ರೋಗ, ಅಂಗಮಾರಿ ರೋಗ, ಕಾಡಿಗೆ ರೋಗ, ಬುಡ ಕೊಳೆ ರೋಗ ಮತ್ತು ಸಸಿ ಕೊಳೆ ರೋಗ ಇತ್ಯಾದಿಗಳು ಪ್ರಮುಖವಾದವು. ಅಲ್ಲದೆ ಥ್ರಿಪ್ಸ್ನುಸಿ ಮತ್ತು ಕಾಂಡ ಕತ್ತರಿಸುವ ಹುಳುಗಳ ಹಾವಳಿಯೂ ಕಂಡುಬರುತ್ತವೆ. <br /> <br /> ನೇರಳೆ ಮಚ್ಚೆರೋಗವು ಆಲ್ಟರ್ನೇರಿಯಾ ಪೊರಿ ಎಂಬ ಶಿಲೀಂದ್ರದಿಂದ ಬರುತ್ತದೆ. ರೋಗದ ಲಕ್ಷಣಗಳೆಂದರೆ ಮೊದಲಿಗೆ ಎಲೆಗಳ ಮೇಲೆ ಕಾಣಿಸಿಕೊಂಡು ನಂತರ ಕಂದು ಬಣ್ಣಕ್ಕೆ ತಿರುಗುತ್ತವೆ. ಚುಕ್ಕೆಗಳು ಬೆಳೆದಂತೆಲ್ಲಾ ಎಲೆಯ ತುಂಬಾ ಹರಡಿಕೊಂಡು ಎಲೆಗಳ ಅಂಚು ಮಬ್ಬು ಬಣ್ಣಕ್ಕೆ ತಿರುಗುತ್ತವೆ.<br /> <br /> ವಾತಾವರಣದಲ್ಲಿ ತೇವಾಂಶ ಇರುವಾಗ ಈ ಚುಕ್ಕೆಗಳ ಮೇಲೆ ಕಂದು ಅಥವಾ ಕಪ್ಪು ಬಣ್ಣದ ಬೀಜಕಣಗಳಿದ್ದು, ರೋಗದ ಬಾಧೆ ತೀವ್ರವಾದಂತೆ ಎಲೆಗಳು ಸಂಕುಚಿತಗೊಂಡು ಹಳದಿ ಬಣ್ಣಕ್ಕೆ ತಿರುಗಿ ನಂತರ ಪೈರು ಸಂಪೂರ್ಣ ನಾಶವಾಗುತ್ತವೆ.<br /> <br /> ಈ ರೋಗ ನಿಯಂತ್ರಣಕ್ಕೆ ಮೊದಲ ಪರಿಹಾರ, ಬೆಳೆ ಪರಿವರ್ತನೆ ಮಾಡುವುದು. ಬಿತ್ತನೆಗೆ ಮುಂಚೆ ಪ್ರತಿ ಕಿಲೋ ಬೀಜಕ್ಕೆ 3 ಗ್ರಾಂ ಮ್ಯೋಂಕೊಜೆಬ್ ಶಿಲೀಂದ್ರ ನಾಶಕದಿಂದ ಬೀಜೋಪಚಾರ ಮಾಡಿ ಬಿತ್ತನೆ ಮಾಡಬೇಕು. ರೋಗದ ಹತೋಟಿಗೆ 2.5 ಗ್ರಾಂ ಮಾಂಕೊಜೆಬ್ ಅಥವಾ 1.5 ಮಿ.ಲೀ. ಇಪ್ರೊಬೆನ್ ಫಾಸ್ ಅಥವಾ 2.5 ಗ್ರಾಂ ಎಂಥ್ರಾಕಾಲ್ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು. <br /> <br /> ಕೇದಿಗೆ ರೋಗ ಪೆರನೋಸ್ಪೂರಾ ಡಿಸ್ಟರಕ್ಟರ್ ಎಂಬ ಶಿಲೀಂದ್ರದಿಂದ ಬರುತ್ತದೆ. ರೋಗ ಪೀಡಿತ ಸಸ್ಯಗಳ ಬೆಳವಣಿಗೆ ಕುಂಠಿತಗೊಂಡು ಎಲೆಗಳು ತಿಳಿ ಹಳದಿ ಬಣ್ಣಕ್ಕೆ ತಿರುಗುತ್ತವೆ. ಎಲೆಗಳ ಮಧ್ಯ ಭಾಗದಲ್ಲಿ ರೋಗದ ಲಕ್ಷಣಗಳು ಕಂಡುಬಂದು ನಂತರ ಬಾಡಿ ಜೋಲಾಡುತ್ತಿರುತ್ತವೆ. <br /> <br /> ಈ ರೋಗ ಬಾರದಂತೆ ತಡೆಯಲು ಬಿತ್ತನೆಗೆ ರೋಗರಹಿತ ಗಡ್ಡೆಗಳನ್ನು ಆಯ್ದುಕೊಳ್ಳಬೇಕು. ರೋಗ ಕಂಡು ಬಂದ ಕೂಡಲೇ ಶಿಲೀಂದ್ರನಾಶಕಗಳಾದ 1.5 ಗ್ರಾಂ ಮೆಟಾಲಾಕ್ಸಿಲ್ ಎಂ-ಝಡ್ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ 15 ದಿನಗಳ ಅಂತರದಲ್ಲಿ ಎರಡು ಸಲ ಸಿಂಪಡಿಸಬೇಕು. <br /> <br /> ಬುಡ ಕೊಳೆ ರೋಗ ಪ್ಯುಸೇರಿಯಂ ಎಂಬ ಮಣ್ಣಿನಲ್ಲಿ ವಾಸ ಮಾಡುವ ಶಿಲೀಂದ್ರದಿಂದ ಬರುತ್ತದೆ. ಗಡ್ಡೆಗಳು ದೊಡ್ಡದಾಗುತ್ತಿರುವ ಸಮಯದಲ್ಲಿ ಬುಡಗಳು ಕೊಳೆಯಲು ಪ್ರಾರಂಭಿಸಿ ನಂತರ ಎಲೆಗಳು ಸಂಪೂರ್ಣವಾಗಿ ಹಳದಿಯಾಗಿ ಸಾಯುತ್ತವೆ. ಇದರಿಂದ ಈರುಳ್ಳಿ ಗಡ್ಡೆ ಸಂಪೂರ್ಣ ಕೊಳೆಯುತ್ತವೆ. <br /> <br /> ರೋಗದ ನಿರ್ವಹಣೆಗೆ ಬಿತ್ತನೆಗೆ ಮುಂಚೆ ಒಂದು ಕಿಲೋ ಟ್ರೈಕೊಡರ್ಮವನ್ನು ಒಂದು ಚಕ್ಕಡಿಯಷ್ಟು ಕೊಟ್ಟಿಗೆ ಗೊಬ್ಬರದ ಜೊತೆಗೆ ಬೆರೆಸಿ ಕೊಡಬೇಕು. ಬೆಳೆ ಪರಿವರ್ತನೆ ಮಾಡಬೇಕು. ರೋಗ ಕಂಡು ಬಂದರೆ 1 ಗ್ರಾಂ ಕಾರ್ಬನ್ ಡೈಜಿಮ್ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ರೋಗ ಪೀಡಿತ ಈರುಳ್ಳಿ ಪೈರಿನ ಬುಡಕ್ಕೆ ಹಾಕಬೇಕು. <br /> <br /> ಥ್ರಿಪ್ಸ್ ನುಸಿಗಳು ಎಲೆಯ ಮೇಲೆ ಹೆಚ್ಚಾಗಿ ಕಂಡು ಬಂದು ಪ್ರಾಯದ ಹಾಗೂ ಮರಿ ಕೀಟಗಳು ಎಲೆಗಳ ಮೇಲೆ ಬಾಯಿಂದ ಉಜ್ಜಿ ಬರುವ ರಸವನ್ನು ಹೀರುತ್ತವೆ. ಅಂತಹ ಎಲೆಗಳು ಮುದುಡುತ್ತವೆ. ನಂತರ ತುದಿಯ ಕಡೆಯಿಂದ ಒಣಗುತ್ತವೆ. <br /> <br /> ನುಸಿ ನಿಯಂತ್ರಣಕ್ಕೆ 0.25 ಮಿ.ಲೀ. ಇಮಿಡಾ ಕ್ಲೊಪ್ರಿಡ್ ಅಥವಾ 1 ಮಿ.ಲೀ. ರಿಜೆಂಟ್ ಅಥವಾ 2 ಮಿ.ಲೀ ಕ್ಯುರಾಕ್ರಾನ್ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರಸಿ ಸಿಂಪಡಿಸಬೇಕು. ಈರುಳ್ಳಿ ಹೊಲದ ಸುತ್ತಲೂ ಎರಡು ಸಾಲು ಗೋವಿನ ಜೋಳವನ್ನು ಹಾಕುವುದರಿಂದ ಥ್ರಿಪ್ಸ್ನುಸಿಯ ಹಾರಾಟ ತಡೆಗಟ್ಟಬಹುದು. ಇದರಿಂದ ನುಸಿ ಬಾಧೆಯನ್ನು ಸ್ವಲ್ಪಮಟ್ಟಿಗೆ ತಡೆಯಬಹುದಾಗಿದೆ. <br /> <br /> ಕಾಂಡ ಕತ್ತರಿಸುವ ಹುಳದ ಹೆಣ್ಣು ಪತಂಗಗಳು ಗುಂಪು ಗುಂಪಾಗಿ ಎಲೆಗಳ ಮೇಲೆ ಮೊಟ್ಟೆಯನ್ನಿಡುತ್ತವೆ. ಮರಿ ಹುಳಗಳು ಮೊಟ್ಟೆಗಳಿಂದ ಹೊರಬಂದಾಗ 2 ರಿಂದ 3 ದಿನ ಒಟ್ಟಾಗಿದ್ದು, ಎಲೆಗಳನ್ನು ಕೆರೆದು ತಿನ್ನುತ್ತವೆ. ಇವು ಹಗಲಿನಲ್ಲಿ ಅಡಗಿಕೊಂಡಿದ್ದು, ರಾತ್ರಿ ಹೊತ್ತಿನಲ್ಲಿ ಸಸಿಗಳನ್ನು ಬುಡದಲ್ಲಿ ಕತ್ತರಿಸಿ ತಿನ್ನುತ್ತವೆ. <br /> <br /> ಈ ಕೀಟಗಳ ಹಾವಳಿ ತಡೆಯಲು 2 ಮಿ.ಲೀ. ಕ್ಲೊರೋಫೈರಿಫಾಸ್ ಅಥವಾ 2 ಮಿ.ಲೀ. ಕ್ಯುರಾಕ್ರಾನ್ ಕೀಟನಾಶಕವನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. <br /> <br /> ರೋಗ ಮತ್ತು ಕೀಟಗಳ ನಿರ್ವಹಣೆಗೆ ಔಷಧಿಗಳನ್ನಷ್ಟೇ ಉಪಯೋಗಿಸದೇ ಕೊಟ್ಟಿಗೆ ಗೊಬ್ಬರ, ಸಾರಜನಕ, ರಂಜಕ ಮತ್ತು ಪೊಟ್ಯಾಷ್ ಗೊಬ್ಬರಗಳನ್ನು ಸಮತೋಲನ ಪ್ರಮಾಣದಲ್ಲಿ ಕೊಡುವುದರಿಂದ ರೋಗ ಮತ್ತು ಕೀಟಗಳ ನಿರ್ವಹಣೆ ಸಾಧ್ಯವಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
