ಅನನ್ಯ ಕಲೆಗಳ ಅಪರೂಪದ ಭಂಡಾರ

ಇಲ್ಲಿರುವ ಪ್ರತಿಯೊಂದು ಕಲಾಕೃತಿಗಳ ಬಗೆಗೂ ಪ್ರತ್ಯೇಕವಾದ ಲೇಖನಗಳನ್ನು ಬರೆಯುವಷ್ಟು ಆಳ ಈ ವಿಶಿಷ್ಟ ವೈದ್ಯರ ಸಂಗ್ರಹದಲ್ಲಿದೆ. ವೃತ್ತಿಯಲ್ಲಿ ಮುರಿದ ಮೂಳೆ ಕೀಲುಗಳನ್ನು ಸರಿ ಮಾಡುವ ಡಾಕ್ಟರ್ ಕಿರಣ್ ಆಚಾರ್ಯರ "ಅದಿತಿ ಆರ್ಟ್ ಗ್ಯಾಲರಿ"ಯನ್ನು ಒಮ್ಮೆ ಹೊಕ್ಕು ಹೊರ ಬಂದರೆ ಮುರಿದ ಮುದುಡಿದ ಮನಸ್ಸುಗಳೂ ರಿಪೇರಿಯಾಗುವುದು ಖಂಡಿತ. ಅಂದ ಹಾಗೆ ಇದು ಖಾಸಗಿ ಗ್ಯಾಲರಿ. ನಿಜವಾದ ಕಲಾಸಕ್ತರು ಪೂರ್ವಾನುಮತಿಯೊಂದಿಗೆ ಮಾತ್ರ ಇದನ್ನು ವೀಕ್ಷಿಸಲು ಸಾಧ್ಯ.