ವರ್ಷಕ್ಕೊಮ್ಮೆ ರಾಯಬಾಗ ಕುದುರೆ ಸಂತೆ

ನಾಲ್ಕು ದಶಕಗಳಿಂದ ಜಾತಿ ಕುದುರೆ ಸಾಕುವ ಹವ್ಯಾಸವಿದೆ. ಇಪ್ಪತ್ತು ವರ್ಷಗಳ ಹಿಂದೆ ಮೂವತ್ತಕ್ಕೂ ಹೆಚ್ಚು ಕುದುರೆಗಳಿದ್ದವು. ಇದೀಗ ಆರು ಕುದುರೆಗಳಿವೆ. ಕುದುರೆ ಸಂತತಿ ಉಳಿಯಬೇಕು. ಬೆಳೆಯಬೇಕು ಎಂಬ ಕಾರಣಕ್ಕಾಗಿ ಪ್ರತಿ ವರ್ಷ ಕುದುರೆ ಸಂತೆಯನ್ನು ಆಯೋಜನೆ ಮಾಡಲಾಗುತ್ತಿದೆ.

ಹಿಂದೆ ರಾಜ–ಮಹಾರಾಜರು, ಶ್ರೀಮಂತರು ಕುದುರೆಗಳನ್ನು ಸಾಕುತ್ತಿದ್ದರು. ಅಂತಹ ಕುದುರೆಗಳನ್ನು ಸಾಕಿ ಸಲಹುವ ಖುಷಿ ಬೇರೊಂದರಲ್ಲಿ ಸಿಗುವುದಿಲ್ಲ. ನಮ್ಮ ಬಳಿ ತಲಾ ₹10 ಲಕ್ಷಕ್ಕೂ ಹೆಚ್ಚು ಬೆಲೆ ಬಾಳುವ ನಾಲ್ಕು ಕುದುರೆಗಳಿವೆ. ರಾಯಬಾಗ ಸಂತೆಯಿಂದ ನಮಗೆ ಸಾಕಷ್ಟು ಅನುಕೂಲವಾಗಿದೆ.