ಗೆಳೆಯರು ಹುಡುಕಿದ ಹೂಬಳಕೆಯ ದಾರಿ

2015ನೆಯ ಇಸವಿಯ ಒಂದು ದಿನ ಬೆಳಿಗ್ಗೆ ಅಂಕಿತ್ ಅಗರ್ವಾಲ್ ಮತ್ತು ಆತನ ಸ್ನೇಹಿತ ಕಾನ್ಪುರದಲ್ಲಿ ಗಂಗಾ ನದಿಯ ದಂಡೆಯ ಮೇಲೆ ಕುಳಿತಿದ್ದರು. ಕಾನ್ಪುರ ಈ ಸ್ನೇಹಿತರ ಊರು ಕೂಡ ಹೌದು. ನದಿಯ ನೀರು ಕಲುಷಿತ ಆಗಿರುವುದು ಮೇಲ್ನೋಟಕ್ಕೇ ಗೊತ್ತಾಗುವಂತೆ ಇತ್ತು. ಆದರೂ ಭಕ್ತರು ನದಿಯ ನೀರಿನಲ್ಲಿ ಮುಳುಗುಹಾಕಿ, ಆ ನೀರನ್ನು ಕುಡಿಯುತ್ತಿದ್ದುದನ್ನು ನೋಡಿ ಇಬ್ಬರೂ ಸ್ನೇಹಿತರು ಬೇಸರಗೊಂಡರು.

. ಭಕ್ತರು ಮತ್ತು ದೇವಸ್ಥಾನಗಳು ನದಿ ನೀರಿಗೆ ಹೂವುಗಳನ್ನು ಚೆಲ್ಲುತ್ತಿರುವ ಕಾರಣದಿಂದಾಗಿ, ಸಮಸ್ಯೆ ಇನ್ನಷ್ಟು ಹೆಚ್ಚಾಗುತ್ತಿದೆ ಎಂಬುದನ್ನು ಇವರಿಬ್ಬರೂ ಕಂಡುಕೊಂಡರು. ಆಗ ಅವರಿಗೆ ಹೊಳೆದಿದ್ದು, ಪವಿತ್ರ ಗಂಗೆಯ ಮಾಲಿನ್ಯವನ್ನು ಕಡಿಮೆ ಮಾಡುವಲ್ಲಿ ಸಹಾಯವಾಗುವ ಒಂದು ಉಪಾಯ.

. ‘ಹೆಲ್ಪ್ಅಸ್ಗ್ರೀನ್’ (ಎಚ್ಯುಜಿ) ಹುಟ್ಟಿಕೊಂಡಿದ್ದು ಈ ಮೂಲಕ. ತನ್ನ ಬಾಲ್ಯ ಸ್ನೇಹಿತ ಕರಣ್ ರಸ್ತೋಗಿ ಜೊತೆ ಸೇರಿ ಅಂಕಿತ್, ತ್ಯಾಜ್ಯದ ರೀತಿಯಲ್ಲಿ ಎಸೆಯಲಾದ ಹೂವುಗಳನ್ನು ಪುನರ್ಬಳಕೆ ಮಾಡುವ ಆಲೋಚನೆಯನ್ನು ಅನುಷ್ಠಾನಕ್ಕೆ ತಂದರು. ತಿಂಗಳುಗಳ ಕಾಲ ಸಂಶೋಧನೆ ನಡೆಸಿದ ಈ ಇಬ್ಬರು, ಹೂವುಗಳನ್ನು ಬಳಸಿ ಅಗರಬತ್ತಿ ಹಾಗೂ ಸಾವಯವ ಗೊಬ್ಬರ ಮಾಡುವ ವಿಧಾನವನ್ನು ಅಭಿವೃದ್ಧಿಪಡಿಸಿದರು.

. ಅವರು ತಾವು ಅಭಿವೃದ್ಧಿಪಡಿಸಿದ ವಿಧಾನವನ್ನು ‘ಹೂಬಳಕೆ’ ಎಂದು ಕರೆದುಕೊಂಡಿದ್ದಾರೆ. ಇದು ತ್ಯಾಜ್ಯದ ರೂಪದಲ್ಲಿ ಎಸೆಯುವ ಹೂವುಗಳನ್ನು ಮರುಬಳಕೆ ಮಾಡಿಕೊಳ್ಳುವ ಲಾಭದಾಯಕ ಮಾರ್ಗವೂ ಹೌದು.

. ಮಹಿಳಾ ಕೆಲಸಗಾರರು ದೇವಸ್ಥಾನಗಳು ಹಾಗೂ ಮಸೀದಿಗಳಿಂದ ಹೂವುಗಳನ್ನು ಸಂಗ್ರಹಿಸಿ ತರುತ್ತಾರೆ. ಆ ಹೂವುಗಳನ್ನು ವಿಂಗಡಣೆ ಮಾಡಲಾಗುತ್ತದೆ. ನಂತರ ಅವುಗಳ ಮೇಲೆ ಜೈವಿಕ ದ್ರಾವಣ ಸಿಂಪಡಿಸಲಾಗುತ್ತದೆ. ನಂತರ ಆ ಹೂವುಗಳನ್ನು ತೊಳೆದು, ಅದಕ್ಕೆ ಬಳಕೆಯಾದ ನೀರನ್ನು ಗೊಬ್ಬರ ಮಾಡುವ ಪ್ರಕ್ರಿಯೆಯಲ್ಲಿ ಬಳಸಿಕೊಳ್ಳಲಾಗುತ್ತದೆ.

. ಹೂವಿನ ದಳಗಳನ್ನು ಒಣಗಿಸಿ, ಕುಟ್ಟಿ ಪುಡಿ ಮಾಡಿ, ಹಿಟ್ಟಿನ ಹದಕ್ಕೆ ತರಲಾಗುತ್ತದೆ. ಅದನ್ನು ಅಗರಬತ್ತಿ ಸಿದ್ಧಪಡಿಸಲು ಬಳಸಲಾಗುತ್ತದೆ. ಹೂವುಗಳ ಹಸಿರು ಭಾಗಗಳಿಂದ ಗೊಬ್ಬರ ತಯಾರಿಸಲಾಗುತ್ತದೆ.

. ‘ಹೂಬಳಕೆ’ ಪ್ರಕ್ರಿಯೆಯನ್ನು ಇನ್ನೊಂದು ಹಂತಕ್ಕೆ ಒಯ್ದಿರುವ ಈ ಸ್ನೇಹಿತರು, ‘ಫ್ಲೋರಾಫೋಮ್’ ಎನ್ನುವ ಹೂವಿನಿಂದ ಸಿದ್ಧಪಡಿಸಿದ ವಿಶ್ವದ ಮೊದಲ ಥರ್ಮಾಕೋಲ್ ಸಿದ್ಧಪಡಿಸಿದ್ದಾರೆ. ಇದು ಕೊಳೆತು ಮಣ್ಣಿಗೆ ಸೇರುವ ಗುಣ ಹೊಂದಿದೆ ಕೂಡ. ಇದನ್ನು ಸಿದ್ಧಪಡಿಸಲು ಐಐಟಿಯ ಕೆಲವು ಎಂಜಿನಿಯರ್ಗಳ ಸಹಾಯವನ್ನು ಪಡೆಯಲಾಗಿತ್ತು.

. ಇವರು ಈಗ ಕೃತಕ ಚರ್ಮವನ್ನು ಸಿದ್ಧಪಡಿಸುವ ಯೋಜನೆ ಹಾಕಿಕೊಂಡಿದ್ದಾರೆ. ಎಚ್ಯುಜಿ ಸಂಸ್ಥೆಗೆ ವಿಶ್ವಸಂಸ್ಥೆಯ ಪ್ರಶಸ್ತಿ ಕೂಡ ಲಭಿಸಿದೆ. ಇದು ಈಗ ಗಂಗಾ ನದಿ ಹರಿಯುವ ಇತರ ಕಡೆಗಳಲ್ಲೂ ತನ್ನ ಚಟುವಟಿಕೆ ವಿಸ್ತರಿಸುವ ಚಿಂತನೆಯಲ್ಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗೆಳೆಯರು ಹುಡುಕಿದ ಹೂಬಳಕೆಯ ದಾರಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಕನಿಷ್ಠ ವೇತನ: ಹೈಕೋರ್ಟ್‌ಗೆ ಸರ್ಕಾರದ ಮುಚ್ಚಳಿಕೆ