ಕುವೆಂಪು ಪದ ಸೃಷ್ಟಿ: ಗುದ್ದುಮಳಿ

ಗುದ್ದುಮಳಿ

. ಗುದ್ದುಮಳಿ (ನಾ). ತುಮುಲ

. ರಾಮಚಂದ್ರನು ಸುಗ್ರೀವ ಮತ್ತು ವಿಭೀಷಣರ ಸಹಾಯದಿಂದ ರಾವಣನ ಮೇಲೆ ವಿಜಯ ಸಾಧಿಸುವನು. ಅನಂತರ ಅವನ ಆಜ್ಞೆಯಂತೆ ವಿಭೀಷಣನು ಅಲಂಕೃತಳಾದ ಸೀತೆಯನ್ನು ಒಬ್ಬಳೇ ರಾಮನ ಬಳಿಗೆ ಹೋಗಲು ತಿಳಿಸುವನು. ಆ ಮಾತೆಯ ದರ್ಶನಾಕಾಂಕ್ಷಿಗಳಾಗಿ ವಾನರರು ಮುನ್ನುಗ್ಗುವರು. ಆಗ ವಿಭೀಷಣನ ಅಪ್ಪಣೆಯಂತೆ ಬೆತ್ತ ಹಿಡಿದವರು ಆ ಸೈನಿಕರನ್ನು ಹಿಂದಕ್ಕೆ ತಳ್ಳುವರು.

. ಆಗ ಆದ ಗದ್ದಲ ತುಮುಲವನ್ನು ಕುವೆಂಪು ಅವರು ‘ಗುದ್ದುಮಳಿ’ ಎಂಬ ನುಡಿ ರೂಪಿಸಿ ಗದ್ದಲ ವಾತಾವರಣವನ್ನು ಹಿಡಿದಿಟ್ಟಿದ್ದಾರೆ. ಅದು ಮಳೆ ಗಾಳಿ ಮಸೆವ ಸಮುದ್ರದ ಸದ್ದಾಗಿತ್ತು ಎಂದು ರೂಪಕದಲ್ಲಿ ಚಿತ್ರಿಸಿದ್ದಾರೆ.

. ಗಾಳೀ ಮಸೆವಂಬುಧಿಯ

. ಸದ್ದೆದ್ದುದೈ ಗುದ್ದುಮಳಿ ಗದ್ದಲಂ.

. ಬೆಂಕೆವೆಟ್ಟು

. ಬೆಂಕೆವೆಟ್ಟು (ನಾ). ಕುದಿಯುತ್ತಿರುವ ಲಾವಾರಸವನ್ನು ಉಗುಳುವ ಬೆಟ್ಟ; ಅಗ್ನಿ ಪರ್ವತ.

. [ಬೆಂಕೆ + ಬೆಟ್ಟು (<ಬೆಟ್ಟ)]

. ರಾವಣನನ್ನು ಸಂಹರಿಸಲು ನಿಶ್ಚಯಿಸಿದ ರಾಮಚಂದ್ರನು ಕೋದಂಡವನ್ನು ಹಿಡಿದನು. ಬೆನ್ನಿನ ಬತ್ತಳಿಕೆಗೆ ಕೈ ಹಾಕಿದನು. ಆಗ ಉಂಟಾದ ಪ್ರಕೃತಿಯ ವಿಕೋಪವನ್ನು ಕವಿ ಚಿತ್ರಿಸುತ್ತ ‘ಅಗ್ನಿ ಪರ್ವತ’ವನ್ನು ‘ಬೆಂಕೆವೆಟ್ಟು’ ಎಂಬ ಹೊಸ ಕನ್ನಡ ಪದದಿಂದ ಬಣ್ಣಿಸಿದ್ದಾರೆ.

. ಸುಯ್ದುದು ಲಯಂ

. ನಡುಗೆ ಗಿರಿ ಸಂಕುಲಂ, ಕದಡಿದುವು ಕಡಲುಗಳ್.

. ಬೆಂಕೆವೆಟ್ಟುಗಳೋಕರಿಸಿದುವು ಭಯಂಕರ

. ಯುಗಾಂತರ ದ್ರಾವಾಗ್ನಿಯಂ.

. ಮರಸುಕೂರು

. ಮರಸುಕೂರು (ಕ್ರಿ). ಕಾಡಿನಲ್ಲಿ ಪ್ರಾಣಿಗಳನ್ನು ಬೇಟೆಯಾಡಲು ಮರದ ಮೇಲೆ ಕಟ್ಟಿರುವ ಮರಸಿನ ಮೇಲೆ ಕುಳಿತುಕೊಳ್ಳು.

. ಮರಸು (ನಾ). 1. ಬೇಟೆಯಲ್ಲಿ ಪ್ರಾಣಿಗಳನ್ನು ಹಿಡಿಯಲು ಹೊಂಚುಹಾಕಿ ಕುಳಿತು ಕೊಳ್ಳುವುದಕ್ಕಾಗಿ ಕಟ್ಟಿರುವ ಮರೆ.

. 2. ಪ್ರಾಣಿಗಳನ್ನು ಹಿಡಿಯಲು ಮರೆಯಲ್ಲಿ ಅಡಗಿಕೊಂಡು ಮಾಡುವ ಬೇಟೆ; ಮರಸುಬೇಟೆ

. ವಾಲಿಯನ್ನು ದ್ವಂದ್ವಯುದ್ಧಕ್ಕೆ ಕರೆಯಲು ಸುಗ್ರೀವನು ರಾಮಲಕ್ಷ್ಮಣರೊಡನೆ ಕಿಷ್ಕಿಂಧೆಗೆ ಹೋಗುವನು. ಆ ಕಾಡಿನಲ್ಲಿ ವಾಲಿಯು ಬರುವುದನ್ನು ಕಾಯುತ್ತ ರಾಮಲಕ್ಷ್ಮಣರು ಮೌನದಿಂದ ನಿಟ್ಟಿಸುತ್ತ ಕುಳಿತರು. ಅವರು ಕುಳಿತ ರೀತಿಯನ್ನು ಕುವೆಂಪು ಅವರು ತಮ್ಮ ಕಾಡಿನ ಬೇಟೆಯ ಅನುಭವದೊಡನೆ ‘ಪಳುಮರೆಯೊಳಡಿ ಪಣ್ಮರಕೆ ಮರಸುಕೂತವರಂತೆ’ ಎಂದು ಚಿತ್ರಿಸಿದ್ದಾರೆ.

. ಅವರು ಕುಳಿತ ರೀತಿ ‘ಪ್ರಾಣಿಗಳನ್ನು ಹಿಡಿಯಲು ಮರೆಯಲ್ಲಿ ಅಡಗಿಕೊಂಡು ಮಾಡುವ ಬೇಟೆ’ಯಂತಿದೆ. ಅದು ಮರಸುಬೇಟೆ. ಹೀಗೆ ಕವಿಯ ಬೇಟೆಯ ಅನುಭವ ನುಡಿ ಕನ್ನಡ ಕಾವ್ಯದಲ್ಲಿ ಹೊಸತಾಗಿ ಸೇರ್ಪಡೆಯಾಗಿದೆ.

. ಪಳುಮರೆಯೊಳಡಗಿ, ಪಣ್ಮರಕೆ

. ಮರಸು ಕೂತವರಂತೆ, ಮೋನದಿಂದೆಳ್ಚರಿಂ

. ರಾಮಾದಿಗಳ್ ನಿಟ್ಟಿಸಿರೆ ಕಾದು ಕಾತರಿಸಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕುವೆಂಪು ಪದ ಸೃಷ್ಟಿ: ಗುದ್ದುಮಳಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಹಾಕಿ ಇಂಡಿಯಾ ಜೂನಿಯರ್‌ ಬಾಲಕಿಯರ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌: 10ರಂದು ಟ್ರಯಲ್ಸ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ