ಆತ್ಮ ಸಾಕ್ಷಿಗೆ ಗುಂಡುಗಳು

ಕವಿತೆ

. 1 ಧ್ಯಾನಸ್ಥ ಮನ ಮೌನದಲ್ಲಿ ಹೆಪ್ಪುಗಟ್ಟಿದ ನೋವ ನುಂಗುತ್ತಿದೆ! ಗೋಡೆಯ ಮೇಲಿನ ಹಲ್ಲಿ ಹೊಂಚು ಹಾಕಿ, ಸಂಚು ಹೂಡಿ ನುಂಗುವಂತೆ ನೊಣ ನೊರಜು ಕೀಟ ಪರಿವಾರವ!

. ಪಹರೆ ಕಾದಂತೆ ಕಾದು ರಕ್ಷಕ ಜೀವವೇ ಜೀವವನು ಹಿಡಿದು ಸಾವಿಗೆ ಭಕ್ಷೀಸು ಕೊಟ್ಟಂತೆ ಭಕ್ಷಿಸುತ್ತಿದೆ!

. ಧ್ಯಾನಸ್ಥ ಮನ ಮೌನದಲ್ಲಿ ಹೆಪ್ಪುಗಟ್ಟಿದ ನೋವ ನುಂಗುತ್ತಿದೆ!

. 2 ತನ್ನೊಡಲ ನೂಲಿನಿಂದಲೇ ಜೇಡ ತನ್ನ ಸಾವಿನ ಬಲೆಯ ತಾನೇ ನೇದುಕೊಂಡಂತೆ ದೇಹಾಲಯದೊಳಗೇ ಬಂಧಿಯಾಗಿದೆ ಆತ್ಮ ದೇವನಾಗುವ ಪರಿಪಕ್ವತೆಯ ಸಿದ್ಧಿಗೆ ಹಾಕಬೇಕು ಹಲವು ಪಟ್ಟು ನಮಾಜು ಕೂತು, ಕುಂಡೆ ಮೇಲಕ್ಕೆತ್ತಿ ಅಂಡೂರಿ ನಮಸ್ಕರಿಸಿ ಸಾಷ್ಟಾಂಗದಿಂದ ಅಷ್ಟಾಂಗದವರೆಗಿನ ಅಭ್ಯಾಸಗತ ಸಂಧೀವಾತ ಪೀಡಿತ ದೇವಮಾನವರಿಗೆಲ್ಲ ಗ್ಯಾಸ್ಟ್ರೈಟೀಸು - ಹುಳಿತೇಗು ಕೂತುಂಡ ಸುಖದ ಮೂಲವ್ಯಾಧಿ ಮೊಳೆರೋಗ! ಆಮೂಲಾಗ್ರ ಕಿತ್ತು, ಕೆತ್ತಿ ಎಸೆಯದ ಹೊರತು ಇಲ್ಲ ಮುಕ್ತಿ! 3 ತಿಮಿರಾಂಧ ಘನದ ಗಾಢ ಕತ್ತಲ ಕೂಪದಲ್ಲಿ ಆತ್ಮಸಾಕ್ಷಿಯ ಕತ್ತು ಹಿಚುಕಲು ಬರುವ ಹಲಾಲುಖೋರ ಪಾಪಪ್ರಜ್ಞೆಗಳು!

. ಲಾಕಪ್ಡೆತ್ತಿಗೆ ಬಲಿಯಾದ ಕೈದಿಗಳ ಕೈಫಿಯತ್ತಿನಂತೆ ಕಾಯುತ್ತಿದೆ ಆತ್ಮಸಾಕ್ಷಿ ಕಾಲಪುರುಷನ ತೀರ್ಪಿಗೆ ಸಾಕ್ಷಿ ನುಡಿಯಲು!

. ಚುನಾವಣಾ ಪ್ರಚಾರಕ್ಕೆ ಬಂದ ಗಾಂಧೀ ವೇಷಧಾರಿಗಳ ಗುಂಡಿಟ್ಟು ಕೊಲ್ಲಲು ಕಾದಿರುವ ಗೋಡ್ಸೆಗಳ ಬಂದೂಕಿನ ತುಂಬೆಲ್ಲಾ ತಣ್ಣಗೆ ಕಾದಿರುವ ಮತೀಯ ಗುಂಡುಗಳು!

. 4 ಗಾಂಧಿಯ ಕನ್ನಡಕ ತೊಟ್ಟು ಹುಡುಕುತ್ತಿದ್ದೇನೆ ರಾಮನ ಮಂದಿರ ಬುದ್ಧನ ಸ್ಥೂಪ ಕ್ರಿಸ್ತನ ಇಗರ್ಜಿ ಅಲ್ಲಾನ ಮಸೀದಿಗಳ ಮೇಲೆಲ್ಲಾ ನೆತ್ತರ ಗುರುತುಗಳನ್ನು ಮಾಡಿದ ಪಾಪಿಗಳ ಪಾಪದ ಕೊಡ ಇನ್ನೂ ತುಂಬಲಿಲ್ಲವೇ ಪ್ರಭು ? ಎಂದು, ಮಂಡಿಯೂರಿ ಕೇಳುತ್ತಿದ್ದೇನೆ.

. ನನ್ನ ಬೆನ್ನಿಗೇ ಗುರಿಯಿಟ್ಟ ಬಂದೂಕಿನ ನಳಿಕೆಯಿಂದ ಗುಂಡು ಸಿಡಿಯುವ ಮುನ್ನ ನಾನೊಂದು ಬೇಡುವೆನು ನಿಮ್ಮ ಧ್ಯಾನಸ್ಥ ಮನಸುಗಳ ಕತ್ತಲಲ್ಲಿ ಸಂಚು ಹೂಡುವ ಆತ್ಮಸಾಕ್ಷಿಗಳ ವಿಚಾರಣೆ ಇನ್ನಾದರೂ ಶುರುವಾಗಲಿ ಎಂದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆತ್ಮ ಸಾಕ್ಷಿಗೆ ಗುಂಡುಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಅಂಬಾರಗೋಡ್ಲು-ಕಳಸವಳ್ಳಿ ಸೇತುವೆ ಲೋಕಾರ್ಪಣೆ: ಸಿಗಂದೂರು ದೇವರ ದರ್ಶನ ಇನ್ನು ಸುಲಭ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಅಂಬಾರಗೋಡ್ಲು-ಕಳಸವಳ್ಳಿ ಸೇತುವೆ ಲೋಕಾರ್ಪಣೆ: ಸಿಗಂದೂರು ದೇವರ ದರ್ಶನ ಇನ್ನು ಸುಲಭ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ