2
ತನ್ನೊಡಲ ನೂಲಿನಿಂದಲೇ ಜೇಡ
ತನ್ನ ಸಾವಿನ ಬಲೆಯ
ತಾನೇ ನೇದುಕೊಂಡಂತೆ
ದೇಹಾಲಯದೊಳಗೇ
ಬಂಧಿಯಾಗಿದೆ ಆತ್ಮ
ದೇವನಾಗುವ
ಪರಿಪಕ್ವತೆಯ ಸಿದ್ಧಿಗೆ
ಹಾಕಬೇಕು ಹಲವು ಪಟ್ಟು
ನಮಾಜು ಕೂತು,
ಕುಂಡೆ ಮೇಲಕ್ಕೆತ್ತಿ
ಅಂಡೂರಿ ನಮಸ್ಕರಿಸಿ
ಸಾಷ್ಟಾಂಗದಿಂದ ಅಷ್ಟಾಂಗದವರೆಗಿನ
ಅಭ್ಯಾಸಗತ ಸಂಧೀವಾತ ಪೀಡಿತ
ದೇವಮಾನವರಿಗೆಲ್ಲ
ಗ್ಯಾಸ್ಟ್ರೈಟೀಸು - ಹುಳಿತೇಗು
ಕೂತುಂಡ ಸುಖದ
ಮೂಲವ್ಯಾಧಿ ಮೊಳೆರೋಗ!
ಆಮೂಲಾಗ್ರ ಕಿತ್ತು, ಕೆತ್ತಿ
ಎಸೆಯದ ಹೊರತು
ಇಲ್ಲ ಮುಕ್ತಿ!
3
ತಿಮಿರಾಂಧ ಘನದ
ಗಾಢ ಕತ್ತಲ ಕೂಪದಲ್ಲಿ
ಆತ್ಮಸಾಕ್ಷಿಯ ಕತ್ತು ಹಿಚುಕಲು ಬರುವ
ಹಲಾಲುಖೋರ ಪಾಪಪ್ರಜ್ಞೆಗಳು!