ಮೈಸೂರ್‌ಪಾಕು

ಕೇಸರಿ ಹಳದಿ ಮಿಶ್ರಿತ ಬಣ್ಣದ
ಪಾಕವು ನೋಡಲು ಚೆಂದ
ಪುಟಾಣಿ ಇಟ್ಟಿಗೆ ಜೋಡಿಸಿದಂತೆ
ಕಾಣುತ್ತದೆ ಬಲು ಅಂದ

ಮೈಸೂರ್‌ಪಾಕು ಇದ್ದಂಗೇನೆ
ಬೆಂಗ್ಳೂರ್‌ಪಾಕು ಯಾಕಿಲ್ಲ?
ಮೈಸೂರಲ್ಲದೆ ಎಲ್ಲೆಡೆಯಲ್ಲೂ
ಮೈಸೂರ್‌ಪಾಕು ಇದೆಯಲ್ಲ!
ಮದ್ದೂರಿನ ವಡೆ ಧಾರವಾಡ್ ಫೇಡ
ಹಾಗೆಯೇ ಮೈಸೂರ್‌ಪಾಕಾ?
ಮೈಸೂರ್‌ಪಾಕಿಗೆ ಹೆಸರ‌್ಹೇಗ್ಬಂತು?
ಉತ್ತರ ತಿಳ್ಕೋಬೇಕಾ?

ಮೈಸೂರ್‌ಪಾಕಿಗೂ ಮೈಸೂರ್ ನಾಡಿಗೂ
ಯಾವ ಸಂಬಂಧ ಇಲ್ಲ
ನಾಡಿನ ಎಲ್ಲ ಊರುಗಳಲ್ಲೂ
ಇರೋದು ಅಂತೂ ಸುಳ್ಳಲ್ಲ!

ಮೆಸ್ಸೂರ್ ಎಂಬುದು ಹಿಂದಿ ಭಾಷೆಯಲಿ
ತಿನ್ನುವ ಕಡಲೆಹಿಟ್ಟು
ಕಡಲೆಹಿಟ್ಟಿಗೆ ಸಕ್ಕರೆ ಪಾಕವ
ಬೆರೆಸಿದ್ದೇ ಅದು ಒಟ್ಟು!

ಮೆಸ್ಸೂರ್‌ಪಾಕವು ಆಡುಮಾತಿನಲಿ
ಮೈಸೂರ್‌ಪಾಕ್ ಆಗೋಯ್ತು
ನಮ್ಮೂರಲ್ಲೂ ನಿಮ್ಮೂರಲ್ಲೂ
ಹೀಗೆಯೇ ಹೆಸರಾಗ್ಬಿಡ್ತು