ಕನಸಿನೊಳಗೊಂದು ಕಣಸು

ಮಾಗಿ ರಾತ್ರಿಯ ಮೂರನೇ ಜಾವ ಹೊರಬಂದ ಉಸಿರೆಲ್ಲ ಮುಗಿಲುಮುಗಿಲು ಇರುಳ ಗವ್ವೆನ್ನುವ ಸದ್ದಿಗೂ ಮಂಜುಮೌನ ನಿದ್ದೆಎಚ್ಚರಗಳ ಮುಚ್ಚಿಗೆಯಲ್ಲಿ ಬೆಚ್ಚಗೆ ಹೊದ್ದು ಮಲಗಿದ್ದೆ

. ಏನೋ ಸದ್ದಾಯಿತು! ಎದ್ದು ನೋಡಿದರೆ ಹಸುಗೂಸು ಅಳುತ್ತಿದೆ ಪರಿಚಿತ ಪೇಟೆ ಬೀದಿ ಕೊನೆಯ ಕ್ರಾಸಿನ ತೊಟ್ಟಿಯ ಸುತ್ತ ಹತ್ತೆಂಟು ಬೀಡಾಡಿ ನಾಯಿ

. ಏನದು, ಗುರುಗುಟ್ಟಿ ಗುಂಪುಗೂಡುತ್ತಿರುವುದು? ಕತ್ತು ನೀಳವಾಗಿಸಿದವಳ ಕರುಳು ಕನಲಿತು ಮಾಸೂ ಹರಿಯದ ಹಸುಗೂಸು.. ಗುರುಗುಡುವ ನಾಯಿಗಳ ಬಾಯ ಕ್ರೌರ್ಯಕ್ಕೆ ಬೆದರುತ್ತ ಹಚಾಹಚಾ ಚೀರುತ್ತ ಒಳಹೋದೆ

. ಕೊಳಕು ಚಿಂದಿಯ ಕೂಸೀಗ ನನ್ನ ಕೈತೊಟ್ಟಿಲೊಳಗೆ ಉಟ್ಟ ಕುಪ್ಪಸ ಬಿಗಿಯಿತು ಕೂಸು ಒಣಬಾಯಿ ಅಲುಗಾಡಿಸಿತು ಮುಟ್ಟು ನಿಲ್ಲುವ ಸಮಯದ ಹೆಣ್ಣು ನಾನು ಎದೆತೊಟ್ಟು ಕೂಸ ತುಟಿಗಿಟ್ಟು ಅರೆಗಣ್ಣಾದೆ, ಬೇರೆ ದಾರಿ ತೋರದೆ

. ಜಗದಿಂದ ಹರಿದ ಧಾರೆಯ ಹೀರಿ ಎದೆಬಿಟ್ಟ ಮಡಿಲ ಹುಣ್ಣಿಮೆ ತೆರೆಯಿತು ತನ್ನ ಅರಳುಗಣ್ಣ! ತುಟಿಯ ಹಾಲ ಒರೆಸಲು ಕುತ್ತಿಗೆ ಚಿಂದಿ ಸರಿಸಿದರೆ ಕತ್ತಿನಲಿ ಹಸಿರು ಕಟ್ಟು! ಹೂ ಬೆರಳು ನನ್ನ ಎದೆಯ ಮೇಲಿನ ತಾಯಿತ ಹಿಡಿದಿತ್ತು

. ಏನೋ ತೇವ ತಾಗಿ ನನ್ನ ಸಕ್ಕರೆನಿದ್ದೆಗೆ ಭಂಗ ಎದ್ದು ನೋಡಿದರೆ ಕುಪ್ಪಸ ಒದ್ದೆಮುದ್ದೆ ನೀಲಿಹಾಸಿನಲಿದ್ದ ಹಸಿರು ಪಟ್ಟೆಯ ಚಿಟ್ಟೆ ಹೊದಿಕೆಯ ಕೇಸರಿ ಹೂವಿನ ಮಕರಂದ ಹೀರುತ್ತಿದೆ ನಡುರಾತ್ರಿಯಲ್ಲಿ

. ಕೂಸಬ್ಬೆ ನೆನಪಾದಳು ಯಾಕೋ ಯಾವ ಮೊಹಬತಿನ ಮೆಹರಬಾನಿಯೊ ಏನೋ ಮನೆ, ಮರ್ಯಾದೆ, ಮದುವೆ, ಮಗು ಯಾವುದಿಲ್ಲಿ ಹೆಚ್ಚು ವಜನು? ಉಳ್ಳವರಿಗಿಲ್ಲ ಕಲಮು ಕಾನೂನು ಹೇಗೆ ಅನುಭವಿಸುವಳೋ ಹಾಲು ಕಟ್ಟಿದ ನೋವು!

. ಬಿಗಿದ ಮೇಲುಡುಗೆ ಬದಲಿಸಲು ಎದ್ದವಳು ಕನ್ನಡಿ ನೋಡಿದೆ ಮೊಗದ ತುಂಬೆಲ್ಲಾ ಮೆತ್ತಿಕೊಂಡಿದೆ ಯಾವುದೋ ಲೋಕದ ಮಮತೆ! ಆವರಿಸಿಕೊಂಡಳೇ ಅದೃಶ್ಯ ದೇವತೆ?

. ಕನಸ ಕೂಸಿನ ಮೇಲೆ ಯಾಕಿಂಥ ಕರುಳ ಬಂಧ? ನೋಡಲೇಬೇಕನ್ನಿಸಿದೆ ನಿನ್ನ, ಕಂದ ಹಚ್ಚಿಕೊಂಡರೆ ಹದನೋವೂ ಎಂಥ ಚಂದ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕನಸಿನೊಳಗೊಂದು ಕಣಸು

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾರತದಲ್ಲಿ ನಡೆಯಲಿರುವ ಏಷ್ಯಾ ಕಪ್ ಹಾಕಿಯಲ್ಲಿ ಆಡಲು ಪಾಕಿಸ್ತಾನಕ್ಕೆ ಅವಕಾಶ: ವರದಿ

IND vs ENG: ಜಡೇಜ ಅರ್ಧಶತಕ; ಉತ್ತಮ ಮೊತ್ತದತ್ತ ಭಾರತ

U19 ODI: ಸೂರ್ಯವಂಶಿ 9 ಸಿಕ್ಸರ್; ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ ಜಯ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...