<p>ಕಂಬಳಿಯ ಹೊದ್ದು ಮಲಗಿದ ನಕ್ಷತ್ರಗಳಿಗೂ ನೆಗಡಿಯಾಗಿದೆ,<br />ನಡು ರಾತ್ರಿಯಲಿ ಸೂರ್ಯ ಉದಯಿಸಿದ ಕನಸು ಬಿದ್ದಿದೆಯಂತೆ ಚಂದ್ರನಿಗೆ,<br />ಆಕಾಶದ ತುಂಬಾ ಮಂಜಿನ ಹನಿಗಳು ಮೌನರಾಗ ಹಾಡುವಾಗ, <br />ಅಪ್ಪುಗೆಯ ಅವಸರದಲಿ ತೋಳುಗಳು ತೆರೆದುಕೊಂಡಾಗ, ತಂಗಾಳಿ ಬಂದಿತು.<br />ಅವಳೆಂದರೆ ವಿಪರೀತ ಚಳಿಗಾಲ</p>.<p>ಹೊದಿಕೆ ಹೊದ್ದ ಹೂವಿಗೂ ಮೈ ನಡುಗುವ ಚಳಿ<br />ಘಮಲಿಗೂ ಸ್ವೆಟರ್ ಬೇಕಿತ್ತು.<br />ಕೆಂಡದ ಕುಲುಮೆಯಂತ ತುಟಿಯೂ ಕೂಡ ತಣ್ಣೀರಿನ ಕೊಳವಾಗಿದೆ.<br />ತಿಳಿ ಮುಗಿಲ ತುಂಬಾ ತಿಳಿಗೇಡಿ ಮಳೆಹನಿ,<br />ಚಳಿ ಹೆರುವ ಕಾರ್ಖಾನೆಯಾಯಿತೇ ಭೂಮಿ!<br />ಆ ಭೂಮಿ ತೂಕದ ಕನಸ ಹೊತ್ತ,<br />ಅವಳೆಂದರೆ ವಿಪರೀತ ಚಳಿಗಾಲ! </p>.<p>ನಡುಗುವ ನಡುರಾತ್ರಿಗಳೆಲ್ಲ ಬಿಸಿಲೂರಲಿ ಬೀಡು ಬಿಟ್ಟಿರುವಾಗ, <br />ಕಣ್ಣ ಕಂದಿಲ್ಲಿಂದ ಸಣ್ಣ ಕಿಡಿಯಾದರೂ ಹಾರಿಸು,<br />ಉಜ್ಜಿದ ಕೈಗಳಿಂದ ಬಿಸಿ ಶಾಖದ ಶಾಖೆಯೊಂದು ಹುಟ್ಟಿ,<br />ಕಿಡಿಗೇಡಿಗಳ ಮೈಯೊಳಗೆ ಜ್ವಾಲೆಯೊಂದು ಜೀವಿಸಲಿ<br />ಬೆಂಕಿ ಹೊತ್ತು ಸನಿಹ ಬಂದರೂ ಕೂಡ, <br />ನೀರ ಮೈಯವಳಾದ,<br />ಅವಳೆಂದರೆ ವಿಪರೀತ ಚಳಿಗಾಲ!</p>.<p>ಕಾದ ಕನ್ನಡಿಯ ತುಂಬಾ ಬಿಸಿ ಬೇನೆಗಳ ಬಿಂಬ<br />ತುಸು ಬಂದು ಮುಖ ತೋರಿಸಿ ಹೋಗು,<br />ಚಂದ್ರನೆದೆಯ ಕಾದ ಕಾವಲಿಯ ಮೇಲೆ ಅಮಲೇರುವ ಅಮವಾಸ್ಯೆಯ ಚೆಲ್ಲಿ ಹೋಗು.<br />ಇರುಳುಗಳ ಇತಿಹಾಸ ತೀರಾ ತ್ರಾಸದಾಯ ನಿನ್ನ ಹೊರತು,<br />ಮೈ ಮರೆತಾದರೆ ಮುತ್ತಿಟ್ಟು ಬಿಡು ಚಳಿಯು ಚದುರಿ ಹೋಗುವ ಹಾಗೆ, <br />ಆದರೂ, ಅವಳೆಂದರೆ ವಿಪರೀತ ಚಳಿಗಾಲ!</p>.<p>ಸಿಗುವ ಮೊದಲು ಚಳಿಗಿಷ್ಟು ಚರಿತ್ರೆ ಇರಲಿಲ್ಲ<br />ಪುಟಗಳ ತುಂಬಾ ನಡುಗುವ ಅಕ್ಷರಕ್ಕೆ ಚೂರು ಬಿಸಿ ತಾಕಿಸು, <br />ಹೊದಿಕೆ ಹೊದ್ದು ಮಲಗಿದ ಯೌವ್ವನಕ್ಕೆ ಒಂದಿಷ್ಟು ತುಟಿ ಸೋಕಿಸು.<br />ಕಿಡಿಕಾರದ ಕಿಡಿಗೇಡಿ ನೀನು, ಮಂಜು ಹೊತ್ತು ಬಂದ ಹಿಮಗಿರಿಯ ಹಿರಿಮಗಳು.<br />ಅವಳೆಂದರೆ ವಿಪರೀತ ಚಳಿಗಾಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಂಬಳಿಯ ಹೊದ್ದು ಮಲಗಿದ ನಕ್ಷತ್ರಗಳಿಗೂ ನೆಗಡಿಯಾಗಿದೆ,<br />ನಡು ರಾತ್ರಿಯಲಿ ಸೂರ್ಯ ಉದಯಿಸಿದ ಕನಸು ಬಿದ್ದಿದೆಯಂತೆ ಚಂದ್ರನಿಗೆ,<br />ಆಕಾಶದ ತುಂಬಾ ಮಂಜಿನ ಹನಿಗಳು ಮೌನರಾಗ ಹಾಡುವಾಗ, <br />ಅಪ್ಪುಗೆಯ ಅವಸರದಲಿ ತೋಳುಗಳು ತೆರೆದುಕೊಂಡಾಗ, ತಂಗಾಳಿ ಬಂದಿತು.<br />ಅವಳೆಂದರೆ ವಿಪರೀತ ಚಳಿಗಾಲ</p>.<p>ಹೊದಿಕೆ ಹೊದ್ದ ಹೂವಿಗೂ ಮೈ ನಡುಗುವ ಚಳಿ<br />ಘಮಲಿಗೂ ಸ್ವೆಟರ್ ಬೇಕಿತ್ತು.<br />ಕೆಂಡದ ಕುಲುಮೆಯಂತ ತುಟಿಯೂ ಕೂಡ ತಣ್ಣೀರಿನ ಕೊಳವಾಗಿದೆ.<br />ತಿಳಿ ಮುಗಿಲ ತುಂಬಾ ತಿಳಿಗೇಡಿ ಮಳೆಹನಿ,<br />ಚಳಿ ಹೆರುವ ಕಾರ್ಖಾನೆಯಾಯಿತೇ ಭೂಮಿ!<br />ಆ ಭೂಮಿ ತೂಕದ ಕನಸ ಹೊತ್ತ,<br />ಅವಳೆಂದರೆ ವಿಪರೀತ ಚಳಿಗಾಲ! </p>.<p>ನಡುಗುವ ನಡುರಾತ್ರಿಗಳೆಲ್ಲ ಬಿಸಿಲೂರಲಿ ಬೀಡು ಬಿಟ್ಟಿರುವಾಗ, <br />ಕಣ್ಣ ಕಂದಿಲ್ಲಿಂದ ಸಣ್ಣ ಕಿಡಿಯಾದರೂ ಹಾರಿಸು,<br />ಉಜ್ಜಿದ ಕೈಗಳಿಂದ ಬಿಸಿ ಶಾಖದ ಶಾಖೆಯೊಂದು ಹುಟ್ಟಿ,<br />ಕಿಡಿಗೇಡಿಗಳ ಮೈಯೊಳಗೆ ಜ್ವಾಲೆಯೊಂದು ಜೀವಿಸಲಿ<br />ಬೆಂಕಿ ಹೊತ್ತು ಸನಿಹ ಬಂದರೂ ಕೂಡ, <br />ನೀರ ಮೈಯವಳಾದ,<br />ಅವಳೆಂದರೆ ವಿಪರೀತ ಚಳಿಗಾಲ!</p>.<p>ಕಾದ ಕನ್ನಡಿಯ ತುಂಬಾ ಬಿಸಿ ಬೇನೆಗಳ ಬಿಂಬ<br />ತುಸು ಬಂದು ಮುಖ ತೋರಿಸಿ ಹೋಗು,<br />ಚಂದ್ರನೆದೆಯ ಕಾದ ಕಾವಲಿಯ ಮೇಲೆ ಅಮಲೇರುವ ಅಮವಾಸ್ಯೆಯ ಚೆಲ್ಲಿ ಹೋಗು.<br />ಇರುಳುಗಳ ಇತಿಹಾಸ ತೀರಾ ತ್ರಾಸದಾಯ ನಿನ್ನ ಹೊರತು,<br />ಮೈ ಮರೆತಾದರೆ ಮುತ್ತಿಟ್ಟು ಬಿಡು ಚಳಿಯು ಚದುರಿ ಹೋಗುವ ಹಾಗೆ, <br />ಆದರೂ, ಅವಳೆಂದರೆ ವಿಪರೀತ ಚಳಿಗಾಲ!</p>.<p>ಸಿಗುವ ಮೊದಲು ಚಳಿಗಿಷ್ಟು ಚರಿತ್ರೆ ಇರಲಿಲ್ಲ<br />ಪುಟಗಳ ತುಂಬಾ ನಡುಗುವ ಅಕ್ಷರಕ್ಕೆ ಚೂರು ಬಿಸಿ ತಾಕಿಸು, <br />ಹೊದಿಕೆ ಹೊದ್ದು ಮಲಗಿದ ಯೌವ್ವನಕ್ಕೆ ಒಂದಿಷ್ಟು ತುಟಿ ಸೋಕಿಸು.<br />ಕಿಡಿಕಾರದ ಕಿಡಿಗೇಡಿ ನೀನು, ಮಂಜು ಹೊತ್ತು ಬಂದ ಹಿಮಗಿರಿಯ ಹಿರಿಮಗಳು.<br />ಅವಳೆಂದರೆ ವಿಪರೀತ ಚಳಿಗಾಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
