ಕವಿತೆ: ನೀವ್ಯಾಕೆ ಹೀಗೆ?

ಅಂಗೈ ರೇಖೆ ಕದಡಿ ನೀವೇ ನಿರ್ಮಿಸಿದ ಉರುಟು ರಸ್ತೆಗಳ ಮೇಲೆ, ಬಿಸಿಲ ತಾಪಕ್ಕೆ ಕರಗಿ ನೀವು ಶತಾಯಗತಾಯ ನಡೆದೇ ನಡೆಯುತ್ತಿದ್ದಾಗ ನಾವು ನಮ್ಮ ಮನೆಗಳಲ್ಲಿ ಎಸಿ ಇಲ್ಲವೆಂದು ಚಡಪಡಿಸಿ ಮೇಲಿನ ಪ್ರಭುಗಳಿಗೆ ಶಾಪ ಹಾಕುತ್ತಿದ್ದೆವು. ನೀವು ನಿರ್ಲಿಪ್ತರಾಗಿ ನಿಶ್ಚಿಂತೆಯಿಂದ ಚಲಿಸುತ್ತಿದ್ದಿರಿ

. ಕಿಸೆ ಖಾಲಿಯಾಗಿ, ದುಡಿಮೆ ಶೂನ್ಯಸಂಪಾದನೆಯಾಗಿ ಏರೋಪ್ಲೇನುಗಳಲ್ಲಿ ಹಾರಾಡುವ ಯೋಗ್ಯತೆಯಿಲ್ಲದ ನೀವು ಸಾವಿರ ಸಂಖ್ಯೆಯಲ್ಲಿ ಪಲ್ಲಕ್ಕಿಯ ಮುಂದೆ ಮೆರವಣಿಗೆ ಹೊಂಟಾಗ, ನಾವು ಅಶ್ವಿನಿ ದೇವತೆಗಳನ್ನು ಪುಷ್ಪಕವಿಮಾನದಲ್ಲಿ ಕರೆತರುವ ಯೋಜನೆಗೈಯುತ್ತಿದ್ದೆವು ನೀವು ದೇವಾನುದೇವತೆಗಳನ್ನು ನೆನೆದು ಪಾದ ಸವೆಸುತ್ತಿದ್ದಿರಿ

. ನಿಮ್ಮ ಪುಟ್ಟಕಂದಮ್ಮಗಳ ಊರಲಾರದ ಹೆಜ್ಜೆಯ ಶಕ್ತಿಹೀನ ಬರಿಗಾಲ ಪಾದಗಳು ಬಲವಂತವಾಗಿ ಭೂಮಿಯನ್ನು ನೋಯಿಸುತ್ತಿದ್ದಾಗ ಬಾಳೆಹಣ್ಣಿನ ಗಡಿಗೆಯ ಕೂಸುಗಳು ಬೂಸ್ಟ್ ಕುಡಿಯಲು ತಕರಾರು ಮಾಡಲು, ಅದರ ಅಮ್ಮಂದಿರು ‘ಬೂಸ್ಟ್ ಈಸ್ ದ ಸೀಕ್ರೇಟ್ ಆಫ್ ಯುವರ್ ಎನರ್ಜಿ’ ಎನ್ನುತ್ತಾ ಆತಂಕದಿಂದ ಸೊರಗಿಯಾವೆಂದು ಪರದಾಡುತ್ತಿದ್ದರು

. ನೀವೇ ಬೆವರು ಬಸಿದು ಬಿತ್ತಿದ ಬೀಜಗಳು ಕೊಟ್ಟ ಫಲವನ್ನು ಉಣ್ಣಲಾರದೇ ನೀವೇ ನಿಡುಸುಯ್ಯುವ ಸಮಯದಲ್ಲಿ ಒಣಹಣ್ಣುಗಳು, ದುಂದಿನ ಸಂಕೇತವಾಗಿ ಹೆಸರಿಟ್ಟ ಸ್ನ್ಯಾಕ್ಸುಗಳು ಕಾಲ ಕಳೆಯಲು ಅಸಾಧ್ಯವಾಗಿ ಹೈಫೈ ಗೃಹಿಣಿಯರ ಅಡುಗೆಮನೆಯಲ್ಲಿ ಬೆಂದ ಭಕ್ಷ್ಯ ಭೋಜನಗಳು, ತರಾವರಿ ಪಾಕ ಪ್ರಾವಿಣ್ಯತೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಿಂಗರಿಸಿಕೊಂಡು ಮೆರೆಯುತ್ತಿದ್ದವು ತುತ್ತು ಕೂಳೂ ಕೂಡ ನಿಮ್ಮೊಂದಿಗೆ ಮುನಿಸಿಕೊಂಡು ಮೂಲೆ ಸೇರಿತ್ತು

. ಏರುಪೇರುಗಳು, ಅವಘಡಗಳು, ಬದುಕಿನ ಬೆಂಗಾಡುಗಳು ಮತ್ತೆ ಮತ್ತೆ ತಮ್ಮ ತಿರುಗಣೆಯಲ್ಲಿ ಹಾಕಿ ಅರೆಯುವಾಗ, ಸೋಲನ್ನು ಮುಂದೊಡ್ಡುವಾಗ, ನಿಮಗೆ ಕೋಪ ಬರಲಿಲ್ಲ ಸಿಡಿದೇಳಲಿಲ್ಲ, ಪರಿಸ್ಥಿತಿಯ ತಾಪಕ್ಕೆ ಕೊಂಚವೂ ಬೆದರಲಿಲ್ಲ ಆಗಲೇ ನಿಮ್ಮನ್ನು ಮಟ್ಟ ಹಾಕಲು ನಾವು ಹತ್ತಾರು ಕಾನೂನು ತಂದೆವು ಸೌಲಭ್ಯ ಒತ್ತಟ್ಟಿಗಿರಲಿ ಸಂಕಟಗಳ ನೂಲನ್ನೆ ನೇಯ್ದು ತೊಡಿಸಿದೆವು ನೀವು ನಿಮ್ಮ ಅರಿವಿನ ಸಮಾಧಿಗೆ ಮೌನದ ಚಾದರ ಹೊದ್ದಿಸಿದ್ದಿರಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವಿತೆ: ನೀವ್ಯಾಕೆ ಹೀಗೆ?

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು