ಹೊಸ ಫ್ಯಾಷನ್‌ ಇನ್‌ವರ್ಟೆಡ್‌ ಜೀನ್ಸ್

7

ಹೊಸ ಫ್ಯಾಷನ್‌ ಇನ್‌ವರ್ಟೆಡ್‌ ಜೀನ್ಸ್

Published:
Updated:
Deccan Herald

ಹೊಸ ಬಗೆಯ ಫ್ಯಾಷನ್‌ವೊಂದು ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಜೀನ್ಸ್‌ ಪ್ಯಾಂಟನ್‌ ಅನ್ನು ಉಲ್ಟಾ ಮಾಡಿ ಹಿಡಿದರೆ ಕಾಣುತ್ತದಲ್ಲ; ಅದೇ ಥರಾ ಇರುತ್ತೆ ಈ ಫ್ಯಾಷನ್‌ನ ದಿರಿಸು. ಇದರ ಹೆಸರೇ ಇನ್‌ವರ್ಟೆಡ್‌ ಜೀನ್ಸ್!

ದಾರಿಯಲ್ಲಿ ಹೋಗುವಾಗ ಯಾರಾದರೂ ಪ್ಯಾಂಟನ್ನು ಉಲ್ಟಾಪಲ್ಟಾ ತೊಟ್ಟುಕೊಂಡು ನಡೆಯುತ್ತಿದ್ದರೆ ಅಪ್ಪಿತಪ್ಪಿಯೂ ಅವರ ಬಳಿ ತೆರಳಿ ನೀವು ಪ್ಯಾಂಟನ್ನು ಉಲ್ಟಾ ತೊಟ್ಟುಕೊಂಡಿದ್ದೀರಾ? ಅಂತ ಮಾತ್ರ ಹೇಳದಿರಿ, ಏಕೆಂದರೆ ಇದು ಲೇಟೆಸ್ಟ್ ಫ್ಯಾಷನ್. ಈಗ ಉಲ್ಟಾ ಪಲ್ಟಾ ಶೈಲಿ ಜಗತ್ತನ್ನು ಆವರಿಸಿಕೊಳ್ಳುತ್ತಿದೆ. ಅದರ ಹೆಸರು ಇನ್‌ವರ್ಟೆಡ್‌ ಜೀನ್ಸ್‌. ಸೊಂಟದ ಬಳಿ ಬರುವ ಜೇಬು ಮತ್ತು ಬೆಲ್ಟ್ ಪ್ಯಾಕೆಟ್‌ಗಳು ಇನ್‌ವರ್ಟೆಡ್‌ ಜೀನ್ಸ್‌ ಪ್ಯಾಂಟುಗಳಲ್ಲಿ ಕಾಲಿನ ಬಳಿ ಇವೆ. 

ಇನ್‌ವರ್ಟೆಡ್‌ ಜೀನ್ಸ್‌ ಎಂಬ ಹೆಸರನ್ನು ಹೊತ್ತಿರುವ ಈ ಜೀನ್ಸ್‌ ಹೇಗೆ ವಿನ್ಯಾಸಗೊಳಿಸಿದೆ ಗೊತ್ತಾ? ಪ್ಯಾಂಟನ್ನು ಇದ್ದ ಹಾಗೆಯೇ ತಲೆ ಕೆಳಗು, ಕಾಲು ಮೇಲೆಮಾಡಿ ಈಗ ಯಾವ ವಿನ್ಯಾಸ ಕಾಣುತ್ತಿದೆಯೋ ಅದೇ ವಿನ್ಯಾಸವನ್ನು ಇನ್‌ವರ್ಟ್‌ಡ್ ಜೀನ್ಸ್‌ ಮೇಲೆ ಮಾಡಿಸಲಾಗಿದೆ. ಅದನ್ನು ಮಿಕ್ಕೆಲ್ಲಾ ಪ್ಯಾಂಟುಗಳಂತೆಯೇ ಧರಿಸಬೇಕು ಆದರೆ ವಿನ್ಯಾಸ ಮಾತ್ರ ಉಲ್ಟಾಪಲ್ಟಾ ಮಾಡಿದ ಪ್ಯಾಂಟಿನ ಥರ ಇರುತ್ತೆ.

ಇಂಥದ್ದೊಂದು ವಿನೂತನ, ವಿಲಕ್ಷಣ ಐಡಿಯಾ ಸುಮ್ಮನೆಯೇ ಹುಟ್ಟಿದ್ದಲ್ಲ. ಅದರ ಹಿಂದೆಯೂ ಒಂದು ಕತೆ ಇದೆ. ಇನ್‌ವರ್ಟೆಡ್‌ ಜೀನ್ಸ್‌ಗೆ ಪ್ರೇರಣೆಯಾಗಿದ್ದು ಹಾಲಿವುಡ್‌ನ ‘ಸ್ಟ್ರೇಂಜರ್‌ ಥಿಂಗ್ಸ್’ ಧಾರವಾಹಿ ಸರಣಿ, ಅದು ಮಕ್ಕಳ ಸಾಹಸಮಯ ಕಥಾನಕ ಹೊಂದಿದೆ. ಅದರಲ್ಲಿ ನಾಲ್ವರು ಮಕ್ಕಳು ತಲೆಕೆಳಗಾದ ವಿಚಿತ್ರ ಪ್ರಪಂಚದೊಳಕ್ಕೆ ಹೋಗುವ ಸನ್ನಿವೇಶವಿದೆ. ವಿಶ್ವದಾದ್ಯಂತ ಅಪಾರ ಹಿರಿಯ ಕಿರಿಯ ಅಭಿಮಾನಿಗಳನ್ನು ಹೊಂದಿರುವ ಈ ಜನಪ್ರಿಯ ಧಾರವಾಹಿಯ ಒಂದು ಸಣ್ಣ ಎಳೆಯಿಂದ ಸ್ಪೂರ್ತಿ ಪಡೆದು ತಯಾರಾಗಿದ್ದು ಈ ಇನ್‌ವರ್ಟೆಡ್‌ ಜೀನ್ಸ್‌.

ಸೊಂಟದ ಬಳಿ ಇರುವ ಜೇಬು ಮತ್ತು ಬೆಲ್ಟ್ ‍ಪ್ಯಾಕಟ್‌ಗಳು ಇನ್‌ ವರ್ಟೆಡ್‌ ಜೀನ್ಸ್‌ ಪ್ಯಾಂಟುಗಳಲ್ಲಿ ಕಾಲಿನ ಬಳಿ ಇವೆ. ಬೆಲ್ಟ್‌ ಪ್ಯಾಕೆಟ್‌ಗಳನ್ನು ಬಳಸಲಾಗದಿದ್ದರೂ ಜೇಬನ್ನು ಕಾಲ ಬಳಿ ಇಟ್ಟಿರೋದು. ಪ್ಯಾಂಟುಗಳಲ್ಲಿನ ಜೇಬುಗಳನ್ನು ಬಳಸಲು ಕಷ್ಟವಾಗುವುದಾದರೂ ಡೆನಿಮ್‌ ಶಾರ್ಟುಗಳಲ್ಲಿ ಜೇಬು ಚೆಂದಕಾಣುತ್ತದೆ ಎಂಬ ಅಭಿಪ್ರಾಯಗಳೂ ಕೆಳಿಬಂದಿವೆ. ಜೇಬು ನೋಡಲು ಉಲ್ಟಾಪಲ್ಟಾ ಆಗಿ ಕಂಡರೂ ಆ ಜೇಬನ್ನು ಸಹಜವಾಗಿಯೇ ಬಳಸಬಹುದು.

ಇನ್‌ವರ್ಟೆಡ್‌ ಜೀನ್ಸ್‌ ಅನ್ನು ತಯಾರಿಸುವುದು ಅಮೆರಿಕದಲ್ಲಿರುವ ‘ಸಿಐಇ’ ಎನ್ನುವ ಕಂಪನಿ. ಸಿಐಇ ಕಂಪನಿ ಐದು ಬಗೆಗಳಲ್ಲಿ ಜೀನ್ಸ್ ಉಡುಪುಗಳನ್ನು ಬಿಡುಗಡೆ ಮಾಡಿದ್ದು, ಸ್ಟ್ರೇಂಜರ್‌ ಥಿಂಗ್ಸ್‌ನ ಪ್ರಮುಖ ಪಾತ್ರಗಳಾದ ನ್ಯಾನ್ಸಿ ವಿಲ್‌, ಮೈಕ್‌, ಎಲ್‌ ಮತ್ತು ಲೂಕಸ್‌ ಹೆಸರುಗಳನ್ನು ಇಡಲಾಗಿದೆ. ಮುಂದೆ ಇತರೆ ವಸ್ತ್ರ ತಯಾರಕ ಕಂಪನಿಗಳನ್ನು ಈ ಶೈಲಿಯ ಪ್ಯಾಂಟುಗಳನ್ನು ಮಾರುಕಟ್ಟೆಗೆ ಬಿಟ್ಟರೆ ಆಶ್ಚರ್ಯವೇನಿಲ್ಲ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !