ವೈದ್ಯ ವೃತ್ತಿಯ ನೆನಪುಗಳು

7

ವೈದ್ಯ ವೃತ್ತಿಯ ನೆನಪುಗಳು

Published:
Updated:

ವೈದ್ಯಕೀಯ ವಿಜ್ಞಾನವನ್ನು ಸಾಮಾನ್ಯರಿಗೂ ಸರಳವಾಗಿ ಅರ್ಥ ಮಾಡಿಸುವ ಪ್ರಯತ್ನ ಇರುವ ಬರವಣಿಗೆ ಈ ಪುಸ್ತಕದ ವಿಶೇಷ. ಕನ್ನಡ ಭಾಷೆಯನ್ನು ವೈದ್ಯಕೀಯ ಶಾಸ್ತ್ರ ಸಂವಹನಕ್ಕಾಗಿ ಬಳಸಿರುವ ರೀತಿ ಮೆಚ್ಚುಗೆಯಾಗುತ್ತದೆ. ವೈದ್ಯಕೀಯ ಗ್ರಂಥವಾದರೂ ಕತೆಯ ಹಾಗೆ ಓದಿಸಿಕೊಂಡು ಹೋಗುತ್ತದೆ. ವೈದ್ಯಕೀಯ ವಿಜ್ಞಾನದ ಬೆಳವಣಿಗೆ ಹೇಗೆ ಎನ್ನುವುದರ ತಿಳಿವಳಿಕೆ ನೀಡುವ ಮೂಲಕ ಈ ಕ್ಷೇತ್ರ ಬಗ್ಗೆ ಕುತೂಹಲ ಮೂಡಿಸುತ್ತಾರೆ ಲೇಖಕರು.

ಭಾರತದಲ್ಲಿ ವೈದ್ಯಕೀಯ ಸೇವೆಯ ಚರಿತ್ರೆ, ಕಿವಿ, ಮೂಗು, ಗಂಟಲು ವೈದ್ಯಕೀಯ ವಿಜ್ಞಾನದ ಬೆಳವಣಿಗೆ, ವೈದ್ಯಕೀಯ ಕ್ಷೇತ್ರದ ಕೆಲವು ಕುತೂಹಲಕಾರಿ ಘಟನೆಗಳು, ಅನುಭವಗಳು ಮತ್ತು ದೃಷ್ಟಾಂತಗಳು, ಆವಿಷ್ಕಾರಗಳು ಮತ್ತು ಸಾಧನೆಯ ಕಿರುಪರಿಚಯ, ವೃತ್ತಿಯ ಬೆಳವಣಿಯಲ್ಲಿ ಲೇಖಕರ ಪಾತ್ರದ ಬಗ್ಗೆ ವಿವರಿಸಲಾಗಿದೆ.

ಸ್ವತಃ ಲೇಖಕರು ಕೆಲವು ಆವಿಷ್ಕಾರಗಳನ್ನು ಮಾಡಿ ಈ ಶಾಸ್ತ್ರಕ್ಕೆ ಸೇರಿಸಿದ್ದು, ವೈದ್ಯರಾಗಿ ಪ್ರಾಕ್ಟೀಸ್‌ ಆರಂಭಿಸಿದ ಮೇಲೆ ಕೆಲವು ಸಲ ಬಳಕೆಯಲ್ಲಿದ್ದ ಸಾಧನಗಳು ಸಾಲದಿದ್ದಾಗ ಹೊಸ ಸಾಧನ ಉಪಕರಣಗಳನ್ನು ತಾವೇ ಶೋಧಿಸಿ ತಯಾರಿಸಿಕೊಂಡ ರೋಮಾಂಚಕ ಸಂಗತಿಗಳೂ ಇಲ್ಲಿವೆ. ಡಾಕ್ಟರ್‌ ಮತ್ತು ನರ್ಸ್‌ಗಳ ಮರೆವಿನಿಂದಾಗುವ ಅಪಾಯಗಳು, ಲೇಖಕರು ರೋಗಿಗಳ ಸ್ಥಿತಿ ಕಂಡು ಮರುಗಿ ಮಾಡಿದ ಸಹಾಯಗಳನ್ನು ಹೇಳಿಕೊಂಡಿದ್ದಾರೆ. ವೃತ್ತಿ ಜೀವನದಲ್ಲಿ ಎದುರಾದ ಘಟನೆಗಳನ್ನು ಮತ್ತು ತೊಂದರೆಗಳನ್ನು ತಮ್ಮದೇ ಬುದ್ಧಿವಂತಿಕೆಯಿಂದ ಸರಿಪಡಿಸಿಕೊಂಡ ಘಟನೆಗಳನ್ನು ಇಲ್ಲಿ ಮೆಲುಕು ಹಾಕಿದ್ದಾರೆ.

ಬರಹ ಇಷ್ಟವಾಯಿತೆ?

  • 6

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !