ಗುರುವಾರ , ಜೂನ್ 4, 2020
27 °C

ಶ್ರೇಯಾ ಸಿರಿಕಂಠಕ್ಕೆ ಮನಸೋತ ಪ್ರೇಕ್ಷಕ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮಳೆ ಸುರಿಸುವ ಮೋಡಗಳು ಸಂಜೆಯ ಹೊತ್ತಿಗೆ ಒಂದೆಡೆ ಸೇರುತ್ತಿದ್ದಂತೆ, ಮಹದೇವಪುರ ರಸ್ತೆಯ ಫೀನಿಕ್ಸ್‌ ಮಾಲ್‌ ಒಳಗೆ ಸಂಗೀತಾಸಕ್ತರು ಒಂದುಗೂಡಿದ್ದರು. ಅತ್ತ ಸುಳಿಗಾಳಿ ತೇಲುತ್ತಿದ್ದಂತೆ, ಇತ್ತ ಬಾಲಿವುಡ್ ಹಾಗೂ ಕನ್ನಡ ಗೀತೆಗಳೂ ಅಲೆ ಅಲೆಯಾಗಿ ತೇಲಿಬಂದವು. 

ಸುನ್‌ರಹಾ ಹೈ.., ಮನವಾ ಲಾಗೇ.., ಬರಸೋರೆ ಮೇಘಾ.. – ಹೀಗೆ ಒಂದಿನಿತೂ ಬಿಡುವು ಕೊಡದಂತೆ ತಮ್ಮದೇ ಗೀತೆಗಳಿಗೆ ಮತ್ತೆ ದನಿಯಾದರು ಶ್ರೇಯಾ ಘೋಷಾಲ್. ಜೇನಿನ ಕಂಠದ ಅವರ ಹಾಡುಗಳನ್ನು ಕೇಳಿದ ಅಭಿಮಾನಿಗಳಲ್ಲಿ ಸಂಭ್ರಮವೋ ಸಂಭ್ರಮ. ಫೀನಿಕ್ಸ್ ಮಾರ್ಕೆಟ್‌ಸಿಟಿ ಮಾಲ್‌ನಲ್ಲಿ ಗಾಯಕಿ ಶ್ರೇಯಾ ಘೋಷಾಲ್ ಅವರು ಇತ್ತೀಚೆಗೆ ನಡೆಸಿಕೊಟ್ಟ ಸಂಗೀತ ಕಾರ್ಯಕ್ರಮ ಸಂಗೀತಾಸಕ್ತರ ಮನ ಸೆಳೆಯಿತು. 

ಕನ್ನಡದ ಮಾಧುರ್ಯಪೂರ್ಣ ಗೀತೆಗಳು ಶ್ರೇಯಾ ಕಂಠದಲ್ಲಿ ನಲಿದಾಡಿದವು. ಸಂತಸ, ಪ್ರೀತಿ, ಮಮತೆಯ ಉತ್ಕಟತೆ ಹೆಚ್ಚಿಸಿದವು. ಅಷ್ಟು ಹೊತ್ತು ಕಾದು ಕುಳಿತಿದ್ದ ವರುಣ, ಕಾರ್ಯಕ್ರಮದ ಕೊನೆಯ ಹೊತ್ತಿಗೆ ಮಳೆಯ ಸಿಂಚನ ಮಾಡಿ ಪುಳಕ ಮೂಡಿಸಿದ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು