ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸಿಂಡ್ರೆಲಾ ಮತ್ತು ಮುಫ್ತಿಗೆ ಸಿಕ್ಕ ರಾಜಕುಮಾರ

Last Updated 23 ನವೆಂಬರ್ 2019, 19:30 IST
ಅಕ್ಷರ ಗಾತ್ರ

ಹ್ಞಾಂ....

ಸಿಂಡ್ರೆಲಾ

ರಾಜಕುಮಾರನ ಕೇಳಿರಲಿಲ್ಲ

ಹಿಮದ ರಾತ್ರಿಯ ವಿಹಾರ

ಮತ್ತು

ತೂತು ನಕ್ಷತ್ರಗಳಿಲ್ಲದ

ಒಂದು ಗೌನು

ಎರಡೇ ಕೇಳಿದ್ದು

ರಾಜಕುಮಾರ ಮುಫ್ತಿಗೆ ಸಿಕ್ಕ

ಕಿರೀಟ ತೊಟ್ಟ

ರಾಜಕುಮಾರನ ಜತೆ ಇದ್ದೇನೆ

ನಾನೂ...

ಹೊಳೆಯುವ ನಕ್ಷತ್ರಗಳನ್ನೇ

ಹೊದ್ದುಕೊಂಡು

ತಿರುಗಬಹುದಿತ್ತು

ಆದರೆ

ಮುಫ್ತಿಗೆ ರಾಜಕುಮಾರ ಸಿಗಬಹುದು

ಅವನ ಪ್ರೀತಿಯಲ್ಲ

ಫೇರಿಟೇಲ್ಗಳ ಅಚ್ಚಿಸಿ, ಹೊಲೆದು

ಮಾರುಕಟ್ಟೆಗೆ ಕಳಿಸುವ

ಕ್ರಿಯಾಶೀಲ ಕೂಲಿ ನಾನು

ರಾಜಕುಮಾರ

ತುಂಬಾ ಸಾಹುಕಾರ

ನನ್ನ ಅಂಗಳದಲ್ಲೂ

ಗುಲಾಬಿಗಳು ನಗಲಿ

ಅಂತ ನೀರೆರೆಯುತ್ತೇನೆ

ಅವನು ಮುಗುಳು ಮೊಗ್ಗುಗಳನೆಲ್ಲಾ ಬಿಡಿಸಿ

ಅರಮನೆಯ ಅತಿಥಿಗಳಿಗೆ

ನೆಲಹಾಸು ಮಾಡುತ್ತಾನೆ

ರಾಜಕುಮಾರ

ಯುದ್ಧ ಗೆದ್ದು ರಾಜ್ಯ ಕಟ್ಟುತ್ತಾನೆ

ನಾನು ತಿಲಕವಿಟ್ಟು ಕಳಿಸಿ

ಏಕಾಂತದಲ್ಲಿ ಸೆಣಸುತ್ತೇನೆ...

ಕೇಳಿದರೆ ರಾಜ್ಯಕ್ಕೇ

ನನ್ನ ಹೆಸರಿಡುತ್ತಾನೆ.. ಪಾಪ!

ಆದರೆ

ಕೇಳದೆಯೂ ಅನಾಮತ್ತು ಕೊಡುವ

ಒಂದು ಮುತ್ತಿನಾಸೆ

ಹಾಗೇ ಕರಗೀತು

ಹೌದು

ಅವಳಿಗೆ ನಡುರಾತ್ರಿ

ರಾಜಕುಮಾರ ಸಿಕ್ಕಿದ ಸರೀ..

ಇವಳು ರಾಜಕುಮಾರಿಯಾದಳಾ...?

ಹಾ.. ಅವರಿಬ್ಬರೂ

ಮದುವೆಯಾಗಿ

ಸುಖವಾಗಿದ್ದರು ಅಂತಂದರು ಯಾರೋ..

ಮದುವೆಗೆ ಪುರಾವೆ ಸಿಕ್ಕ ಹಾಗೆ

ಸುಖಕ್ಕೆ ಖಾತ್ರಿ ಸಿಗಬಹುದಾ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT