ಮೊಮ್ಮಗಳ ಆಟ (ಕವಿತೆ)

ಕೇರಂ ಆಡಲು ಕೂತ್ರೆ ಶುರು
ಬೋರ್ಡ್ ತುಂಬಾ ನೆಗೆದಾಡ್ತಾಳೆ
ಪಾಕೇಟ್‌ಗೆ ಬೀಳೋ ಕಾಯಿನ್ಸ್
ಎಲ್ಲ ತನ್ನವೆಂದು ಹಾರಿಸಿ ಬಿಡ್ತಾಳೆ

ಕ್ರಿಕೆಟ್‍ನಲ್ಲೂ ಹಿಂಗೆ ನ್ಯಾಯ
ತಾನು ಔಟಾಗದಂಗೆ ನೋಡ್ಕತಾಳೆ
ಕ್ಯಾಚು ಹಿಡಿದು ಗೋಗರೆದ್ರೂ
ರಂಪ ಮಾಡಿ ಬ್ಯಾಟ್ ಹಿಡಿತಾಳೆ

ಚೆಸ್‍ನಲ್ಲೂ ಮುಗಿಯದ ಕಥೆ:
‘ತಾತಾ ತಲೆ ಓಡ್ಸು’ ಅಂತಾಳೆ
ಕೊನೆಗೂ ನನ್ನ ಬಲೆಗೆ ಸಿಕ್ಕಿಸಿ
ತಾನೆ ಚಾಂಪಿಯನ್ ಆಗ್ತಾಳೆ

ನನ್ನ ಸೋಲೇ ಅವಳ ಗೆಲುವು
ಅನ್ನೋ ಗುಟ್ಟು ತಿಳಕೊಂಡೆ
ಸೋಲೋದ್ರಲ್ಲೆ ಖುಷಿ ಕಂಡು
ಮೊಮ್ಮಗಳನ್ನ ಅಪ್ಪಿಕೊಂಡೆ