<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ನಿನ್ನ ಸಖ್ಯದಲಿ<br />ನಿನ್ನ ಪ್ರೇಮದಲಿ<br />ಇರುಳ ಕೊರಳಲಿ<br />ನಿನ್ನ ಕನಸಿನಲಿ<br />ಕಳೆದು ಹೋಗಿ<br />ಮುದ್ದಾಂ ನಿಶಾಚರಿಯಾಗಿ<br />ನನ್ನೆಲ್ಲ ಸಿಕ್ಕುಗಳ ಬಲೆಯಿಂದ ಬಿಡಿಸಿಕೊಳ್ಳಲು</p>.<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ನನ್ನ ಉಬ್ಬು ತಗ್ಗುಗಳ ಪುಳಕವನು<br />ನೀನು ಲಕ್ಷಿಸಿದರೂ<br />ಅಲ್ಲಿಯೇ ನಿಲ್ಲದೆ ನಿನ್ನ ಕನಸುಗಳಲಿ<br />ನನಗೆ ಹಾಜರಿ ನೀಡುವುದಕ್ಕೆ<br />ಆಖ್ಯಾನವನು ಮೀರಿದ<br />ನಿನ್ನ ಅನುರಾಗದ ವ್ಯಾಖ್ಯಾನಕ್ಕೆ</p>.<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ಇರುಳ ಗವಿ ಗರ್ಭದಲ್ಲಿ ಹೂತ<br />ಹುಣಸೆಯಂಥ ನಿನ್ನ ಪ್ರೀತಿ<br />ನಾಲಗೆಯ ಸವಿಯಾಗುವ<br />ನಿನ್ನೊಲವ ರಾಗಕೆ<br />ಆತ್ಮಸಖ್ಯದ ಸಾಮಿಪ್ಯದ ಚಡಪಡಿಕೆಯ ಸುಖಕೆ</p>.<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ನನ್ನಲಿ ಒಲವ ದೀಪ ಮುಡಿಸಿ<br />ಮತ್ತೆ ಬರುವೆನೆಂದು ಹುಸಿ ನುಡಿದು<br />ಹರಿವ ತೊರೆಯಲ್ಲಿ ಒಮ್ಮೆ ತಾಕಿದ<br />ಕಲ್ಲನ್ನು ಮತ್ತೆ ತಾಕದ ಬಿಂದುವಿನಂತೆ<br />ಉರುಳುವ ನಿನ್ನ ನೆನಪಲ್ಲೇ ಕಾಯುವುದು</p>.<p>ಸಖ,<br />ಈಗೀಗ ಹಿತವೆನಿಸುತ್ತಿದೆ ನನಗೆ<br />ದೀರ್ಘ ಅಲೌಕಿಕ ಚುಂಬನವನ್ನು<br />ಬಯಸುವ ನಿನ್ನ ಅಧರಗಳು<br />ಒಡೆದು ಹೋಗುವ<br />ಈ ಮಡಿಕೆಯನು ತಾಗಿಸಿಕೊಳ್ಳದೆ<br />ನಿನ್ನ ದಾಹ ಹಿಂಗಿಸಿಕೊಳ್ಳುವ ಬಯಕೆ</p>.<p>ಸದಾ ಕಾಲವೂ<br />ಸೋನೆಗೆ ಕಾಯುವ<br />ಹಚ್ಚಹಸಿರಾಗಿಯೇ ಇರಲು ಹವಣಿಸುವ ಈ ಭೂಮಿ!</p>.<p>ಬಿಟ್ಟು ಬಿಡದೆ ಹುಯ್ಯಲಿ ಮಳೆ<br />ಸುರಿದು, ಹರಿದು ಬಿಡು<br />ಮೂಡಿ ಬರಲಿ ಕಾಮನಬಿಲ್ಲು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ನಿನ್ನ ಸಖ್ಯದಲಿ<br />ನಿನ್ನ ಪ್ರೇಮದಲಿ<br />ಇರುಳ ಕೊರಳಲಿ<br />ನಿನ್ನ ಕನಸಿನಲಿ<br />ಕಳೆದು ಹೋಗಿ<br />ಮುದ್ದಾಂ ನಿಶಾಚರಿಯಾಗಿ<br />ನನ್ನೆಲ್ಲ ಸಿಕ್ಕುಗಳ ಬಲೆಯಿಂದ ಬಿಡಿಸಿಕೊಳ್ಳಲು</p>.<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ನನ್ನ ಉಬ್ಬು ತಗ್ಗುಗಳ ಪುಳಕವನು<br />ನೀನು ಲಕ್ಷಿಸಿದರೂ<br />ಅಲ್ಲಿಯೇ ನಿಲ್ಲದೆ ನಿನ್ನ ಕನಸುಗಳಲಿ<br />ನನಗೆ ಹಾಜರಿ ನೀಡುವುದಕ್ಕೆ<br />ಆಖ್ಯಾನವನು ಮೀರಿದ<br />ನಿನ್ನ ಅನುರಾಗದ ವ್ಯಾಖ್ಯಾನಕ್ಕೆ</p>.<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ಇರುಳ ಗವಿ ಗರ್ಭದಲ್ಲಿ ಹೂತ<br />ಹುಣಸೆಯಂಥ ನಿನ್ನ ಪ್ರೀತಿ<br />ನಾಲಗೆಯ ಸವಿಯಾಗುವ<br />ನಿನ್ನೊಲವ ರಾಗಕೆ<br />ಆತ್ಮಸಖ್ಯದ ಸಾಮಿಪ್ಯದ ಚಡಪಡಿಕೆಯ ಸುಖಕೆ</p>.<p>ಈಗೀಗ ಹಿತವೆನಿಸುತ್ತಿದೆ ನನಗೆ<br />ನನ್ನಲಿ ಒಲವ ದೀಪ ಮುಡಿಸಿ<br />ಮತ್ತೆ ಬರುವೆನೆಂದು ಹುಸಿ ನುಡಿದು<br />ಹರಿವ ತೊರೆಯಲ್ಲಿ ಒಮ್ಮೆ ತಾಕಿದ<br />ಕಲ್ಲನ್ನು ಮತ್ತೆ ತಾಕದ ಬಿಂದುವಿನಂತೆ<br />ಉರುಳುವ ನಿನ್ನ ನೆನಪಲ್ಲೇ ಕಾಯುವುದು</p>.<p>ಸಖ,<br />ಈಗೀಗ ಹಿತವೆನಿಸುತ್ತಿದೆ ನನಗೆ<br />ದೀರ್ಘ ಅಲೌಕಿಕ ಚುಂಬನವನ್ನು<br />ಬಯಸುವ ನಿನ್ನ ಅಧರಗಳು<br />ಒಡೆದು ಹೋಗುವ<br />ಈ ಮಡಿಕೆಯನು ತಾಗಿಸಿಕೊಳ್ಳದೆ<br />ನಿನ್ನ ದಾಹ ಹಿಂಗಿಸಿಕೊಳ್ಳುವ ಬಯಕೆ</p>.<p>ಸದಾ ಕಾಲವೂ<br />ಸೋನೆಗೆ ಕಾಯುವ<br />ಹಚ್ಚಹಸಿರಾಗಿಯೇ ಇರಲು ಹವಣಿಸುವ ಈ ಭೂಮಿ!</p>.<p>ಬಿಟ್ಟು ಬಿಡದೆ ಹುಯ್ಯಲಿ ಮಳೆ<br />ಸುರಿದು, ಹರಿದು ಬಿಡು<br />ಮೂಡಿ ಬರಲಿ ಕಾಮನಬಿಲ್ಲು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>