ಸೋಮವಾರ, ಮಾರ್ಚ್ 30, 2020
19 °C

ಇದು ಯಾವ ಆಟ?

ಅಕ್ಷತಾ ಜಗದೀಶ Updated:

ಅಕ್ಷರ ಗಾತ್ರ : | |

Prajavani

ಪುಟಾಣಿ ಮಕ್ಕಳೇ ಕೇಳುವಿರಾ
ನಾ ಹೇಳುವ ಆಟವ ಬಲ್ಲಿರಾ?

ಉದ್ದ ಕೋಲು ಸಣ್ಣಕೋಲು
ಬೇಕು ನನ್ನ ಆಡಲು
ಗುರಿಯ ಇಟ್ಟು ಉದ್ದಕೋಲು
ಸಣ್ಣಕೋಲು ಹೊಡೆವುದು

ಹೇಳು ಬೇಗ ಜಾಣ ಮಗುವೇ
ಯಾವ ಆಟ ಬಲ್ಲೆಯಾ?
ಹೌದು ಸರಿ ಆಟ ಅದುವೇ
ಚಿನ್ನಿ-ದಾಂಡು ಆಡ್ತೀಯಾ?

ನನ್ನ ಆಟ ಆಡಲು
ಬೆಳೆಸ ಬೇಕು ಮರವನು
ಮರದಿಂದ ಮರಕೆ ನೀನು
ಜಿಗಿದು ಜಿಗಿದು ಹಾರಲು

ಹೇಳು ಬೇಗ ಜಾಣ ಮಗುವೇ
ಯಾವ ಆಟ ಬಲ್ಲೆಯಾ?
ಹೌದು, ಸರಿ ಆಟ ಅದುವೇ
ಮರಕೋತಿ ಆಟ ಆಡ್ತೀಯಾ?

ನೆಲದಿ ಮನೆಯ ಮಾಡಿ ನೀನು
ಕಲ್ಲ ಬಿಲ್ಲೆ ತರುವೆಯಾ
ಒಂಟಿ ಕಾಲ ಜಿಗಿತ ಮಾಡಿ
ಎಲ್ಲ ಮನೆಗೆ ಬಿಲ್ಲೆ ದೂಡಿ

ನನ್ನ ಆಟ ಆಡುವೆಯಾ?
ಹೇಳು ಬೇಗ ಜಾಣ ಮಗುವೇ
ಯಾವ ಆಟ ಬಲ್ಲೆಯಾ?
ಹೌದು, ಸರಿ ಆಟ ಅದುವೇ
ಕುಂಟಾ-ಬಿಲ್ಲೆ ಆಡ್ತೀಯಾ?

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)