<p><strong>ವಾಷಿಂಗ್ಟನ್ (ಪಿಟಿಐ):</strong> ಬಂಜೆತನದಿಂದ ಬಳಲುತ್ತಿರುವ ಮಹಿಳೆಯರಿಗೊಂದು ಸಿಹಿಸುದ್ದಿ!<br /> ಮಹಿಳೆಯರ ಗರ್ಭಾಶಯದಲ್ಲಿ ಅಂಡ ಕೋಶ (ಫಾಲಿಕಲ್) ಮತ್ತು ಅಂಡಾಣು ಬೆಳವಣಿಗೆ ಉದ್ದೀಪಿಸುವ ಚೋದಕ ಯಾವುದೆಂಬುದನ್ನು (ಹಾರ್ಮೋನ್) ವಿಜ್ಞಾನಿಗಳು ಕಂಡುಹಿಡಿದಿದ್ದು, ಇದು ಮಹಿಳೆಯರಲ್ಲಿ ಸಂತಾನೋತ್ಪತ್ತಿಗೆ ನೆರವಾಗಲಿದೆ.<br /> <br /> ಈ ಚೋದಕವು ಬಂಜೆತನ ಹಾಗೂ ಸರಿಯಾಗಿ ಗರ್ಭಕಟ್ಟದ ಮಹಿಳೆಯರಿಗೆ ವರದಾನವಾಗಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಸ್ಟ್ಯಾನ್ಫೋರ್ಡ್ ಮತ್ತು ಜಪಾನಿನ ಅಕಿರಾ ವಿಶ್ವವಿದ್ಯಾಲಯದ ವಿಜ್ಞಾನಿಗಳು `ಆರ್-ಸ್ಪಾನ್ಡಿನ್2' ಹೆಸರಿನ ಈ ಚೋದಕವನ್ನು ಪತ್ತೆ ಹಚ್ಚಿದ್ದಾರೆ. ಗರ್ಭಕೋಶದಲ್ಲಿ ಇನ್ನೂ ಫಲಿತವಾಗದಿರುವ ಅಂಡಾಣುವನ್ನು `ಆರ್-ಸ್ಪಾನ್ಡಿನ್2' ಚೋದಕವು ಫಲಿತವಾಗುವಂತೆ ಉದ್ದೀಪಿಸುತ್ತದೆ ಎಂದು ಕ್ಯಾಲಿಫೋರ್ನಿಯಾದ ಸ್ಟ್ಯಾನ್ಫೋರ್ಡ್ ವೈದ್ಯಕೀಯ ವಿವಿಯ ಸಂತಾನೋತ್ಪತ್ತಿ, ಪ್ರಸೂತಿ ಮತ್ತು ಕಾಂಡಕೋಶ ವಿಜ್ಞಾನ ವಿಭಾಗದ ಸಂಶೋಧಕ ಆರಾನ್ ಜೆ.ಡಬ್ಲ್ಯು ಹುಷೆ ಹೇಳಿದ್ದಾರೆ.<br /> <br /> ಇಲಿಗಳ ಮೇಲೆ ಪ್ರಯೋಗ ಯಶಸ್ವಿ: ಪ್ರೋಟೀನ್ನಿಂದ ಕೂಡಿದ ಅಂಡಾಣುಗಳನ್ನು ಪ್ರನಾಳದಲ್ಲಿಟ್ಟು `ಆರ್-ಸ್ಪಾನ್ಡಿನ್2' ಚೋದಕ ಸೇರಿಸಿ ಹೆಣ್ಣು ಇಲಿಗಳ ಗರ್ಭಕೋಶದಲ್ಲಿ ಇರಿಸಲಾಯಿತು. ಚೋದಕದ ಪ್ರಭಾವದಿಂದಾಗಿ ಇಲಿಗಳ ಅಂಡಾಶಯದಲ್ಲಿ ಸಂತಾನೋತ್ಪತ್ತಿಗೆ ಪೂರಕವಾಗುವ ಫಲಿತ ಅಂಡಾಣುಗಳು ಬಿಡುಗಡೆಯಾದವು. ಈ ರೀತಿ ಫಲಿತಗೊಂಡ ಅಂಡಾಣುಗಳು ಇಲಿಗಳು ಗರ್ಭ ಧರಿಸುವಲ್ಲಿ ಮುಖ್ಯ ಪಾತ್ರ ವಹಿಸಿದವು ಎಂದು ತಜ್ಞರು ವಿವರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಪಿಟಿಐ):</strong> ಬಂಜೆತನದಿಂದ ಬಳಲುತ್ತಿರುವ ಮಹಿಳೆಯರಿಗೊಂದು ಸಿಹಿಸುದ್ದಿ!<br /> ಮಹಿಳೆಯರ ಗರ್ಭಾಶಯದಲ್ಲಿ ಅಂಡ ಕೋಶ (ಫಾಲಿಕಲ್) ಮತ್ತು ಅಂಡಾಣು ಬೆಳವಣಿಗೆ ಉದ್ದೀಪಿಸುವ ಚೋದಕ ಯಾವುದೆಂಬುದನ್ನು (ಹಾರ್ಮೋನ್) ವಿಜ್ಞಾನಿಗಳು ಕಂಡುಹಿಡಿದಿದ್ದು, ಇದು ಮಹಿಳೆಯರಲ್ಲಿ ಸಂತಾನೋತ್ಪತ್ತಿಗೆ ನೆರವಾಗಲಿದೆ.<br /> <br /> ಈ ಚೋದಕವು ಬಂಜೆತನ ಹಾಗೂ ಸರಿಯಾಗಿ ಗರ್ಭಕಟ್ಟದ ಮಹಿಳೆಯರಿಗೆ ವರದಾನವಾಗಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಸ್ಟ್ಯಾನ್ಫೋರ್ಡ್ ಮತ್ತು ಜಪಾನಿನ ಅಕಿರಾ ವಿಶ್ವವಿದ್ಯಾಲಯದ ವಿಜ್ಞಾನಿಗಳು `ಆರ್-ಸ್ಪಾನ್ಡಿನ್2' ಹೆಸರಿನ ಈ ಚೋದಕವನ್ನು ಪತ್ತೆ ಹಚ್ಚಿದ್ದಾರೆ. ಗರ್ಭಕೋಶದಲ್ಲಿ ಇನ್ನೂ ಫಲಿತವಾಗದಿರುವ ಅಂಡಾಣುವನ್ನು `ಆರ್-ಸ್ಪಾನ್ಡಿನ್2' ಚೋದಕವು ಫಲಿತವಾಗುವಂತೆ ಉದ್ದೀಪಿಸುತ್ತದೆ ಎಂದು ಕ್ಯಾಲಿಫೋರ್ನಿಯಾದ ಸ್ಟ್ಯಾನ್ಫೋರ್ಡ್ ವೈದ್ಯಕೀಯ ವಿವಿಯ ಸಂತಾನೋತ್ಪತ್ತಿ, ಪ್ರಸೂತಿ ಮತ್ತು ಕಾಂಡಕೋಶ ವಿಜ್ಞಾನ ವಿಭಾಗದ ಸಂಶೋಧಕ ಆರಾನ್ ಜೆ.ಡಬ್ಲ್ಯು ಹುಷೆ ಹೇಳಿದ್ದಾರೆ.<br /> <br /> ಇಲಿಗಳ ಮೇಲೆ ಪ್ರಯೋಗ ಯಶಸ್ವಿ: ಪ್ರೋಟೀನ್ನಿಂದ ಕೂಡಿದ ಅಂಡಾಣುಗಳನ್ನು ಪ್ರನಾಳದಲ್ಲಿಟ್ಟು `ಆರ್-ಸ್ಪಾನ್ಡಿನ್2' ಚೋದಕ ಸೇರಿಸಿ ಹೆಣ್ಣು ಇಲಿಗಳ ಗರ್ಭಕೋಶದಲ್ಲಿ ಇರಿಸಲಾಯಿತು. ಚೋದಕದ ಪ್ರಭಾವದಿಂದಾಗಿ ಇಲಿಗಳ ಅಂಡಾಶಯದಲ್ಲಿ ಸಂತಾನೋತ್ಪತ್ತಿಗೆ ಪೂರಕವಾಗುವ ಫಲಿತ ಅಂಡಾಣುಗಳು ಬಿಡುಗಡೆಯಾದವು. ಈ ರೀತಿ ಫಲಿತಗೊಂಡ ಅಂಡಾಣುಗಳು ಇಲಿಗಳು ಗರ್ಭ ಧರಿಸುವಲ್ಲಿ ಮುಖ್ಯ ಪಾತ್ರ ವಹಿಸಿದವು ಎಂದು ತಜ್ಞರು ವಿವರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>