<p><strong>ನವದೆಹಲಿ (ಪಿಟಿಐ):</strong> ಅಂತರಧರ್ಮೀಯ ವೈವಾಹಿಕ ಸಂಬಂಧಕ್ಕೆ ಕಾನೂನಿನ ಸಮ್ಮತಿ ಒದಗಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದ್ದು, ಈ ಸಂಬಂಧ ಮಸೂದೆಯೊಂದನ್ನು ಬಜೆಟ್ ಅಧಿವೇಶನದಲ್ಲಿ ಮಂಡಿಸಲಿದೆ.<br /> <br /> 1969ರ ಜನನ ಹಾಗೂ ಮರಣ ನೋಂದಣಿ ಕಾಯ್ದೆಗೆ ತಿದ್ದುಪಡಿ ತಂದು, ಏಪ್ರಿಲ್ 24ರಿಂದ ಆರಂಭವಾಗಲಿರುವ ಮುಂದುವರಿದ ಬಜೆಟ್ ಅಧಿವೇಶನದಲ್ಲಿ ಈ ಹೊಸ ಮಸೂದೆ ಮಂಡಿಸಲಾಗುತ್ತಿದೆ. <br /> ಅಂತರಧರ್ಮೀಯ ವಿವಾಹ ಮಾಡಿಕೊಂಡ ಮಹಿಳೆಯರು ಪತಿಯ ಮನೆಯಲ್ಲಿ ದೌರ್ಜನ್ಯಕ್ಕೆ ಒಳಗಾಗುತ್ತಿದ್ದಲ್ಲಿ ಈ ತಿದ್ದುಪಡಿ ಮಸೂದೆ ಅಡಿ ರೂಪಿಸುವ ಕಾನೂನು ಅವರಿಗೆ ನೆರವಾಗಲಿದೆ.ಮಸೂದೆ ಅನ್ವಯ ವಿಚ್ಛೇದನದಂತಹ ಸಂದರ್ಭಗಳಲ್ಲಿ ಅಂತಹ ಮಹಿಳೆಯರು ಜೀವನ ನಿರ್ವಹಣಾ ವೆಚ್ಚ ಪಡೆಯಬಹುದಾಗಿದೆ.<br /> <br /> ಮಕ್ಕಳ ಕಸ್ಟಡಿ, ಅಂತರಧರ್ಮೀಯ ಪಾಲಕರಿಗೆ ಜನಿಸಿದ ಮಕ್ಕಳ ಹಕ್ಕುಗಳ ರಕ್ಷಣೆ ಹಾಗೂ ವಿವಾಹಿತರ ವಯಸ್ಸು ನಿರ್ಧರಿಸುವಲ್ಲಿಯೂ ಇಂತಹ ವಿವಾಹ ನೋಂದಣಿ ನೆರವಾಗಲಿದೆ.<br /> <br /> ಸಿಖ್ಖರು, ಜೈನರು, ಬೌದ್ಧರು ಸೇರಿದಂತೆ ಇತರ ಅಲ್ಪಸಂಖ್ಯಾತರು ಸಹ ಇಂತಹ `ಧರ್ಮ ತಟಸ್ಥ~ ನೋಂದಣಿ ಕಾಯ್ದೆಗೆ ಒತ್ತಾಯಿಸುತ್ತಿದ್ದರು. ಏಕೆಂದರೆ ಈ ಸಮುದಾಯಗಳ ವಿವಾಹಗಳನ್ನು ಪ್ರಸ್ತುತ `ಹಿಂದೂ ವಿವಾಹ ಕಾಯ್ದೆ~ ಅನ್ವಯ ನೋಂದಣಿ ಮಾಡಿಕೊಳ್ಳಲಾಗುತ್ತಿತ್ತು ಹಾಗೂ ಅಧಿಕೃತ ದಾಖಲೆಗಳಲ್ಲಿ ಅವರನ್ನು ಹಿಂದೂಗಳು ಎಂದು ತೋರಿಸಲಾಗುತ್ತಿತ್ತು.<br /> <br /> <strong>ಆನಂದ್ ವಿವಾಹ ಕಾಯ್ದೆ</strong><br /> ಸಿಖ್ ಸಮುದಾಯದ ಬಹುವರ್ಷಗಳ ಬೇಡಿಕೆಯಂತೆ ಅವರ ವಿವಾಹವನ್ನು 1909ರ `ಆನಂದ್ ವಿವಾಹ ಕಾಯ್ದೆ~ಯಡಿ ನೋಂದಣಿ ಮಾಡಲು ಸಹ ಸಂಪುಟ ಒಪ್ಪಿಗೆ ನೀಡಿದೆ. <br /> <br /> ಈ ಕಾಯ್ದೆಯನ್ನು ಬ್ರಿಟಿಷರು ಜಾರಿಗೆ ತಂದಿದ್ದರು. ದೇಶವಿಭಜನೆಯ ನಂತರ ಕಾಯ್ದೆ ರದ್ದುಗೊಳಿಸಲಾಗಿತ್ತು. ಆಗಿನಿಂದ ಸಿಖ್ಖರ ಮದುವೆಯನ್ನು ಹಿಂದೂ ವಿವಾಹ ಕಾಯ್ದೆ ಅಡಿ ನೋಂದಣಿ ಮಾಡಲಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ಅಂತರಧರ್ಮೀಯ ವೈವಾಹಿಕ ಸಂಬಂಧಕ್ಕೆ ಕಾನೂನಿನ ಸಮ್ಮತಿ ಒದಗಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದ್ದು, ಈ ಸಂಬಂಧ ಮಸೂದೆಯೊಂದನ್ನು ಬಜೆಟ್ ಅಧಿವೇಶನದಲ್ಲಿ ಮಂಡಿಸಲಿದೆ.<br /> <br /> 1969ರ ಜನನ ಹಾಗೂ ಮರಣ ನೋಂದಣಿ ಕಾಯ್ದೆಗೆ ತಿದ್ದುಪಡಿ ತಂದು, ಏಪ್ರಿಲ್ 24ರಿಂದ ಆರಂಭವಾಗಲಿರುವ ಮುಂದುವರಿದ ಬಜೆಟ್ ಅಧಿವೇಶನದಲ್ಲಿ ಈ ಹೊಸ ಮಸೂದೆ ಮಂಡಿಸಲಾಗುತ್ತಿದೆ. <br /> ಅಂತರಧರ್ಮೀಯ ವಿವಾಹ ಮಾಡಿಕೊಂಡ ಮಹಿಳೆಯರು ಪತಿಯ ಮನೆಯಲ್ಲಿ ದೌರ್ಜನ್ಯಕ್ಕೆ ಒಳಗಾಗುತ್ತಿದ್ದಲ್ಲಿ ಈ ತಿದ್ದುಪಡಿ ಮಸೂದೆ ಅಡಿ ರೂಪಿಸುವ ಕಾನೂನು ಅವರಿಗೆ ನೆರವಾಗಲಿದೆ.ಮಸೂದೆ ಅನ್ವಯ ವಿಚ್ಛೇದನದಂತಹ ಸಂದರ್ಭಗಳಲ್ಲಿ ಅಂತಹ ಮಹಿಳೆಯರು ಜೀವನ ನಿರ್ವಹಣಾ ವೆಚ್ಚ ಪಡೆಯಬಹುದಾಗಿದೆ.<br /> <br /> ಮಕ್ಕಳ ಕಸ್ಟಡಿ, ಅಂತರಧರ್ಮೀಯ ಪಾಲಕರಿಗೆ ಜನಿಸಿದ ಮಕ್ಕಳ ಹಕ್ಕುಗಳ ರಕ್ಷಣೆ ಹಾಗೂ ವಿವಾಹಿತರ ವಯಸ್ಸು ನಿರ್ಧರಿಸುವಲ್ಲಿಯೂ ಇಂತಹ ವಿವಾಹ ನೋಂದಣಿ ನೆರವಾಗಲಿದೆ.<br /> <br /> ಸಿಖ್ಖರು, ಜೈನರು, ಬೌದ್ಧರು ಸೇರಿದಂತೆ ಇತರ ಅಲ್ಪಸಂಖ್ಯಾತರು ಸಹ ಇಂತಹ `ಧರ್ಮ ತಟಸ್ಥ~ ನೋಂದಣಿ ಕಾಯ್ದೆಗೆ ಒತ್ತಾಯಿಸುತ್ತಿದ್ದರು. ಏಕೆಂದರೆ ಈ ಸಮುದಾಯಗಳ ವಿವಾಹಗಳನ್ನು ಪ್ರಸ್ತುತ `ಹಿಂದೂ ವಿವಾಹ ಕಾಯ್ದೆ~ ಅನ್ವಯ ನೋಂದಣಿ ಮಾಡಿಕೊಳ್ಳಲಾಗುತ್ತಿತ್ತು ಹಾಗೂ ಅಧಿಕೃತ ದಾಖಲೆಗಳಲ್ಲಿ ಅವರನ್ನು ಹಿಂದೂಗಳು ಎಂದು ತೋರಿಸಲಾಗುತ್ತಿತ್ತು.<br /> <br /> <strong>ಆನಂದ್ ವಿವಾಹ ಕಾಯ್ದೆ</strong><br /> ಸಿಖ್ ಸಮುದಾಯದ ಬಹುವರ್ಷಗಳ ಬೇಡಿಕೆಯಂತೆ ಅವರ ವಿವಾಹವನ್ನು 1909ರ `ಆನಂದ್ ವಿವಾಹ ಕಾಯ್ದೆ~ಯಡಿ ನೋಂದಣಿ ಮಾಡಲು ಸಹ ಸಂಪುಟ ಒಪ್ಪಿಗೆ ನೀಡಿದೆ. <br /> <br /> ಈ ಕಾಯ್ದೆಯನ್ನು ಬ್ರಿಟಿಷರು ಜಾರಿಗೆ ತಂದಿದ್ದರು. ದೇಶವಿಭಜನೆಯ ನಂತರ ಕಾಯ್ದೆ ರದ್ದುಗೊಳಿಸಲಾಗಿತ್ತು. ಆಗಿನಿಂದ ಸಿಖ್ಖರ ಮದುವೆಯನ್ನು ಹಿಂದೂ ವಿವಾಹ ಕಾಯ್ದೆ ಅಡಿ ನೋಂದಣಿ ಮಾಡಲಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
