ಮಂಗಳವಾರ, ಮೇ 11, 2021
20 °C

ಅಂತರ್ಜಲ ಹೆಚ್ಚಿಸಿ

ಎ.ಟಿ. ರಾಮಸ್ವಾಮಿ,ಮಾಜಿ ಶಾಸಕ Updated:

ಅಕ್ಷರ ಗಾತ್ರ : | |

ಅಂತರ್ಜಲ ಹೆಚ್ಚಿಸಿ

ಹೆಚ್ಚು ಹಣ ವೆಚ್ಚ ಮಾಡುವುದರಿಂದ ನೀರಾವರಿ ಸೌಲಭ್ಯ ಉತ್ತಮವಾಗುತ್ತದೆ ಎಂಬ ಕಲ್ಪನೆಯೇ ಸರಿಯಲ್ಲ. ಇದರಿಂದ ಆರ್ಥಿಕ ಗುರಿ ತಲುಪಬಹುದೇ ಹೊರತು ಗುಣಮಟ್ಟದ ಕೆಲಸ ಮಾಡಲು ಸಾಧ್ಯವಿಲ್ಲ.



ನೀರಾವರಿ ಒದಗಿಸಲು ಎಷ್ಟೆಲ್ಲ ಯೋಜನೆಗಳಿದ್ದರೂ ಈಗಲೂ ನಮ್ಮ ಎಲ್ಲ ಕಾಲುವೆಗಳಲ್ಲಿ ನೀರು ಹರಿಯುತ್ತಿಲ್ಲ. ಅಚ್ಚುಕಟ್ಟು ಪ್ರದೇಶದ ಕೆರೆಗಳು ಸುಸ್ಥಿತಿಯಲ್ಲಿಲ್ಲ. ಕೆರೆಗಳ ತೂಬುಗಳು ಕೆಟ್ಟು ಹಲವು ದಶಕಗಳಾಗಿವೆ. ಬಿದ್ದ ಮಳೆಯ ನೀರು ಪೋಲಾಗುತ್ತಿದೆ. ದೊಡ್ಡ ಅಣೆಕಟ್ಟೆಗಳನ್ನು ನಿರ್ಮಿಸಿ ಕಾಲುವೆ ಮೂಲಕ ನೀರು ಕೊಡುವುದು ಮಾತ್ರ ನೀರಾವರಿ ಇಲಾಖೆಯ ಕೆಲಸವಲ್ಲ. ಅಂತರ್ಜಲ ಮಟ್ಟ ಹೆಚ್ಚಿಸುವ ಯೋಜನೆರೂಪಿಸಬೇಕು. ಮಳೆ ನೀರು ಸಂಗ್ರಹಕ್ಕೆ ಸರ್ಕಾರ ಯೋಜನೆ ರೂಪಿಸಿದ್ದರೂ ಅನುಷ್ಠಾನದಲ್ಲಿ ದೋಷಗಳಿವೆ.



ಅಣೆಕಟ್ಟೆ ಬದಲು ಅಲ್ಲಲ್ಲಿ ಚೆಕ್‌ಡ್ಯಾಂ, ಬ್ಯಾರೇಜ್‌ಗಳನ್ನು ನಿರ್ಮಿಸಿ ಮಳೆ ನೀರನ್ನು ಅಲ್ಲಲ್ಲಿ ನಿಲ್ಲಿಸುವ ಕೆಲಸ ಆಗಬೇಕು. ನಮ್ಮ ರೈತರು ಹೆಚ್ಚಾಗಿ ಕೊಳವೆ ಬಾವಿಗಳನ್ನೇ ಅವಲಂಬಿಸಿದ್ದಾರೆ. ಅಂತರ್ಜಲ ಮಟ್ಟ ಹೆಚ್ಚಿಸಲು ಸರಿಯಾದ ಯೋಜನೆ ರೂಪಿಸದಿದ್ದರೆ ಮುಂದಿನ ದಿನಗಳಲ್ಲಿ ಭಾರಿ ಸಮಸ್ಯೆ ಎದುರಿಸಬೇಕಾಗಬಹುದು.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.