<p><strong>ಗ್ರೇಟರ್ ನೋಯ್ಡಾ: </strong>ಬುದ್ಧ ಇಂಟರ್ನ್ಯಾಷನಲ್ ಸರ್ಕ್ಯೂಟ್ನಲ್ಲಿ ಶುಕ್ರವಾರ ಫಾರ್ಮುಲಾ-1 ಕಾರುಗಳು ಭಾರಿ ಸದ್ದು ಮಾಡುತ್ತಾ, ಮಿಂಚಿನ ವೇಗದಲ್ಲಿ ಸಂಚರಿಸಿದಾಗ ನೆರೆದಿದ್ದ ಪ್ರೇಕ್ಷಕರಿಗೆ ಅಚ್ಚರಿ. ಇಷ್ಟು ದಿನ ಕೇವಲ ಟಿವಿ ಮುಂದೆ ಕುಳಿತು ಫಾರ್ಮುಲಾ-1 ಕಾರುಗಳ ಅಬ್ಬರ ನೋಡುತ್ತಿದ್ದವರಿಗೆ ಪ್ರತ್ಯಕ್ಷವಾಗಿ ನೋಡಿದ ಸಂಭ್ರಮ. ಕೆಲವರು ಕಾರುಗಳ ಭಾರಿ ಸದ್ದಿಗೆ ಬೆದರಿ ಕಿವಿಗಳನ್ನು ಮುಚ್ಚಿಕೊಂಡರು. <br /> <br /> ಭಾರತದ ನೆಲದಲ್ಲಿ ಇದೇ ಮೊದಲ ಬಾರಿಗೆ ಫಾರ್ಮುಲಾ-1 ಕಾರುಗಳು ಅಬ್ಬರ ತೋರಿವೆ. ಭಾನುವಾರ ನಡೆಯಲಿರುವ ಚೊಚ್ಚಲ ಇಂಡಿಯನ್ ಗ್ರ್ಯಾನ್ ಪ್ರಿ ರೇಸ್ಗೆ ಸಿದ್ಧತೆ ನಡೆಸುವ ನಿಟ್ಟಿನಲ್ಲಿ ಶುಕ್ರವಾರ ಎಲ್ಲ ತಂಡಗಳು ಬುದ್ಧ ಸರ್ಕ್ಯೂಟ್ನಲ್ಲಿ ಅಭ್ಯಾಸ ನಡೆಸಿದವು. <br /> <br /> ಅಭ್ಯಾಸದ ಅವಧಿಯೇ ಪ್ರೇಕ್ಷಕರಿಗೆ ಸಾಕಷ್ಟು ರೋಮಾಂಚನ ಲಭಿಸಿದೆ. ಶನಿವಾರ ನಡೆಯುವ ಅರ್ಹತಾ ಸ್ಪರ್ಧೆ ಹಾಗೂ ಭಾನುವಾರ ನಡೆಯಲಿರುವ ಅಂತಿಮ ರೇಸ್ನಲ್ಲಿ ಇನ್ನಷ್ಟು ರೋಮಾಂಚನ ನಿರೀಕ್ಷಿಸಲಾಗಿದೆ.<br /> <br /> ಹೊಸ ಟ್ರ್ಯಾಕ್ನಲ್ಲಿ ಭಾರಿ ದೂಳು ಇದ್ದ ಕಾರಣ ಚಾಲಕರು ಸಮಸ್ಯೆ ಅನುಭವಿಸಿದರು. ಹೆಚ್ಚಿನ ಎಲ್ಲ ಕಾರುಗಳೂ ಒಂದಲ್ಲ ಒಂದು ಸಂದರ್ಭ ಚಾಲಕನ ನಿಯಂತ್ರಣ ಕಳೆದುಕೊಂಡು ಟ್ರ್ಯಾಕ್ನ ಹೊರಭಾಗದಲ್ಲಿ ಸಂಚರಿಸಿದವು. <br /> ಶುಕ್ರವಾರ ನಡೆದ `ಫ್ರೀ ಪ್ರಾಕ್ಟೀಸ್~ನಲ್ಲಿ ಫೆರಾರಿ ತಂಡದ ಫಿಲಿಪ್ ಮಸ್ಸಾ `ವೇಗ~ದ ಚಾಲಕ ಎನಿಸಿಕೊಂಡರು. <br /> <br /> ಮಧ್ಯಾಹ್ನ ನಡೆದ ಎರಡನೇ ಅಭ್ಯಾಸದ ಅವಧಿಯಲ್ಲಿ ಅವರು 5.14 ಕಿ.ಮೀ ಉದ್ದದ ಲ್ಯಾಪ್ನ್ನು 1 ನಿಮಿಷ 25.706 ಸೆಕೆಂಡ್ಗಳಲ್ಲಿ ಕ್ರಮಿಸಿದರು. ಬೆಳಗ್ಗಿನ ಅವಧಿಯಲ್ಲಿ ಮಸ್ಸಾ ಅವರ ಉತ್ತಮ ಸಮಯ 1:28.644 ಆಗಿತ್ತು. ಬುದ್ಧ ಟ್ರ್ಯಾಕ್ ಬಗ್ಗೆ ಮಸ್ಸಾ ಉತ್ತಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. `ಈ ಟ್ರ್ಯಾಕ್ ಉತ್ತಮವಾಗಿದ್ದು. ವಿಶ್ವದ ಇತರ ಭಾಗಗಳಲ್ಲಿರವ ಟ್ರ್ಯಾಕ್ಗಳಿಂತ ಭಿನ್ನವಾಗಿದೆ~ ಎಂದಿದ್ದಾರೆ.<br /> <br /> ಈಗಾಗಲೇ ಚಾಂಪಿಯನ್ಪಟ್ಟ ತಮ್ಮದಾಗಿಸಿಕೊಂಡಿರುವ ರೆಡ್ಬುಲ್ ತಂಡದ ಸೆಬಾಸ್ಟಿಯನ್ ವೆಟೆಲ್ ಅಭ್ಯಾಸದ ಅವಧಿಯಲ್ಲಿ ಎರಡನೇ ವೇಗದ ಚಾಲಕ (1:25.794) ಎನಿಸಿಕೊಂಡರು. ಫೆರಾರಿ ತಂಡದ ಫೆರ್ನಾಂಡೊ ಅಲೊನ್ಸೊ (1:25.930) ಮೂರನೇ ಸ್ಥಾನದಲ್ಲಿ ನಿಂತರು. ಬೆಳಗ್ಗಿನ ಅವಧಿಯಲ್ಲಿ ಕಾರಿನಲ್ಲಿ ತೊಂದರೆ ಕಾಣಿಸಿಕೊಂಡ ಕಾರಣ ಅವರು ಕೇವಲ ನಾಲ್ಕು ಲ್ಯಾಪ್ಗಳನ್ನು ಮಾತ್ರ ಪೂರೈಸಿದ್ದರು. <br /> <br /> ಮೆಕ್ಲಾರೆನ್ ತಂಡದ ಲೂಯಿಸ್ ಹ್ಯಾಮಿಲ್ಟನ್ (1:26.454), ರೆಡ್ಬುಲ್ನ ಮಾರ್ಕ್ ವೆಬರ್ (1:26.500) ಮತ್ತು ಮೆಕ್ಲಾರೆನ್ ತಂಡದ ಜೆನ್ಸನ್ ಬಟನ್ (1:26.714) ಬಳಿಕದ ಸ್ಥಾನಗಳಲ್ಲಿ ನಿಂತರು. <br /> <br /> ಆದರೆ ಲೂಯಿಸ್ ಹ್ಯಾಮಿಲ್ಟನ್ ಮತ್ತು ಸೌಬೆರ್ ತಂಡದ ಸೆರ್ಜಿಯೊ ಪೆರೆಜ್ಗೆ ಅಭ್ಯಾಸದ ವೇಳೆ ನಿಯಮ ಉಲ್ಲಂಘಿಸಿದ್ದಕ್ಕೆ ಪೆನಾಲ್ಟಿ ವಿಧಿಸಲಾಗಿದೆ. ಇವರು ಶನಿವಾರ ಅರ್ಹತಾ ಹಂತದಲ್ಲಿ ಪಡೆಯುವ ಸ್ಥಾನಕ್ಕಿಂತ ಮೂರು ಸ್ಥಾನಗಳಷ್ಟು ಹಿಂದಿನಿಂದ ಭಾನುವಾರ ರೇಸ್ ಆರಂಭಿಸಬೇಕಿದೆ.<br /> <br /> ಫೋರ್ಸ್ ಇಂಡಿಯಾ ತಂಡದ ಇಬ್ಬರು ಚಾಲಕರೂ ಅಭ್ಯಾಸದಲ್ಲಿ ಪ್ರಭಾವಿ ಪ್ರದರ್ಶನ ನೀಡಿದರು. ಅಡ್ರಿಯಾನ್ ಸುಟಿಲ್ ಬೆಳಗ್ಗಿನ ಅವಧಿಯಲ್ಲಿ (1:28.705) ಎಂಟನೇ ಸ್ಥಾನದಲ್ಲಿದ್ದರೆ, ಮಧ್ಯಾಹ್ನ (1:27.316) ಏಳನೇ ಸ್ಥಾನ ತಮ್ಮದಾಗಿಸಿಕೊಂಡರು. <br /> <br /> ಇದೇ ತಂಡದ ಪೌಲ್ ಡಿ ರೆಸ್ಟಾ (1:27.853) ಒಂಬತ್ತನೇ ಸ್ಥಾನ ಗಳಿಸಿದರು. ಕಣದಲ್ಲಿರುವ ಭಾರತದ ಏಕೈಕ ಚಾಲಕ, ಹಿಸ್ಪಾನಿಯ ತಂಡವನ್ನು ಪ್ರತಿನಿಧಿಸುತ್ತಿರುವ ನರೇನ್ ಕಾರ್ತಿಕೇಯನ್ (1:32.824) ಕೊನೆಯ ಸ್ಥಾನ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗ್ರೇಟರ್ ನೋಯ್ಡಾ: </strong>ಬುದ್ಧ ಇಂಟರ್ನ್ಯಾಷನಲ್ ಸರ್ಕ್ಯೂಟ್ನಲ್ಲಿ ಶುಕ್ರವಾರ ಫಾರ್ಮುಲಾ-1 ಕಾರುಗಳು ಭಾರಿ ಸದ್ದು ಮಾಡುತ್ತಾ, ಮಿಂಚಿನ ವೇಗದಲ್ಲಿ ಸಂಚರಿಸಿದಾಗ ನೆರೆದಿದ್ದ ಪ್ರೇಕ್ಷಕರಿಗೆ ಅಚ್ಚರಿ. ಇಷ್ಟು ದಿನ ಕೇವಲ ಟಿವಿ ಮುಂದೆ ಕುಳಿತು ಫಾರ್ಮುಲಾ-1 ಕಾರುಗಳ ಅಬ್ಬರ ನೋಡುತ್ತಿದ್ದವರಿಗೆ ಪ್ರತ್ಯಕ್ಷವಾಗಿ ನೋಡಿದ ಸಂಭ್ರಮ. ಕೆಲವರು ಕಾರುಗಳ ಭಾರಿ ಸದ್ದಿಗೆ ಬೆದರಿ ಕಿವಿಗಳನ್ನು ಮುಚ್ಚಿಕೊಂಡರು. <br /> <br /> ಭಾರತದ ನೆಲದಲ್ಲಿ ಇದೇ ಮೊದಲ ಬಾರಿಗೆ ಫಾರ್ಮುಲಾ-1 ಕಾರುಗಳು ಅಬ್ಬರ ತೋರಿವೆ. ಭಾನುವಾರ ನಡೆಯಲಿರುವ ಚೊಚ್ಚಲ ಇಂಡಿಯನ್ ಗ್ರ್ಯಾನ್ ಪ್ರಿ ರೇಸ್ಗೆ ಸಿದ್ಧತೆ ನಡೆಸುವ ನಿಟ್ಟಿನಲ್ಲಿ ಶುಕ್ರವಾರ ಎಲ್ಲ ತಂಡಗಳು ಬುದ್ಧ ಸರ್ಕ್ಯೂಟ್ನಲ್ಲಿ ಅಭ್ಯಾಸ ನಡೆಸಿದವು. <br /> <br /> ಅಭ್ಯಾಸದ ಅವಧಿಯೇ ಪ್ರೇಕ್ಷಕರಿಗೆ ಸಾಕಷ್ಟು ರೋಮಾಂಚನ ಲಭಿಸಿದೆ. ಶನಿವಾರ ನಡೆಯುವ ಅರ್ಹತಾ ಸ್ಪರ್ಧೆ ಹಾಗೂ ಭಾನುವಾರ ನಡೆಯಲಿರುವ ಅಂತಿಮ ರೇಸ್ನಲ್ಲಿ ಇನ್ನಷ್ಟು ರೋಮಾಂಚನ ನಿರೀಕ್ಷಿಸಲಾಗಿದೆ.<br /> <br /> ಹೊಸ ಟ್ರ್ಯಾಕ್ನಲ್ಲಿ ಭಾರಿ ದೂಳು ಇದ್ದ ಕಾರಣ ಚಾಲಕರು ಸಮಸ್ಯೆ ಅನುಭವಿಸಿದರು. ಹೆಚ್ಚಿನ ಎಲ್ಲ ಕಾರುಗಳೂ ಒಂದಲ್ಲ ಒಂದು ಸಂದರ್ಭ ಚಾಲಕನ ನಿಯಂತ್ರಣ ಕಳೆದುಕೊಂಡು ಟ್ರ್ಯಾಕ್ನ ಹೊರಭಾಗದಲ್ಲಿ ಸಂಚರಿಸಿದವು. <br /> ಶುಕ್ರವಾರ ನಡೆದ `ಫ್ರೀ ಪ್ರಾಕ್ಟೀಸ್~ನಲ್ಲಿ ಫೆರಾರಿ ತಂಡದ ಫಿಲಿಪ್ ಮಸ್ಸಾ `ವೇಗ~ದ ಚಾಲಕ ಎನಿಸಿಕೊಂಡರು. <br /> <br /> ಮಧ್ಯಾಹ್ನ ನಡೆದ ಎರಡನೇ ಅಭ್ಯಾಸದ ಅವಧಿಯಲ್ಲಿ ಅವರು 5.14 ಕಿ.ಮೀ ಉದ್ದದ ಲ್ಯಾಪ್ನ್ನು 1 ನಿಮಿಷ 25.706 ಸೆಕೆಂಡ್ಗಳಲ್ಲಿ ಕ್ರಮಿಸಿದರು. ಬೆಳಗ್ಗಿನ ಅವಧಿಯಲ್ಲಿ ಮಸ್ಸಾ ಅವರ ಉತ್ತಮ ಸಮಯ 1:28.644 ಆಗಿತ್ತು. ಬುದ್ಧ ಟ್ರ್ಯಾಕ್ ಬಗ್ಗೆ ಮಸ್ಸಾ ಉತ್ತಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. `ಈ ಟ್ರ್ಯಾಕ್ ಉತ್ತಮವಾಗಿದ್ದು. ವಿಶ್ವದ ಇತರ ಭಾಗಗಳಲ್ಲಿರವ ಟ್ರ್ಯಾಕ್ಗಳಿಂತ ಭಿನ್ನವಾಗಿದೆ~ ಎಂದಿದ್ದಾರೆ.<br /> <br /> ಈಗಾಗಲೇ ಚಾಂಪಿಯನ್ಪಟ್ಟ ತಮ್ಮದಾಗಿಸಿಕೊಂಡಿರುವ ರೆಡ್ಬುಲ್ ತಂಡದ ಸೆಬಾಸ್ಟಿಯನ್ ವೆಟೆಲ್ ಅಭ್ಯಾಸದ ಅವಧಿಯಲ್ಲಿ ಎರಡನೇ ವೇಗದ ಚಾಲಕ (1:25.794) ಎನಿಸಿಕೊಂಡರು. ಫೆರಾರಿ ತಂಡದ ಫೆರ್ನಾಂಡೊ ಅಲೊನ್ಸೊ (1:25.930) ಮೂರನೇ ಸ್ಥಾನದಲ್ಲಿ ನಿಂತರು. ಬೆಳಗ್ಗಿನ ಅವಧಿಯಲ್ಲಿ ಕಾರಿನಲ್ಲಿ ತೊಂದರೆ ಕಾಣಿಸಿಕೊಂಡ ಕಾರಣ ಅವರು ಕೇವಲ ನಾಲ್ಕು ಲ್ಯಾಪ್ಗಳನ್ನು ಮಾತ್ರ ಪೂರೈಸಿದ್ದರು. <br /> <br /> ಮೆಕ್ಲಾರೆನ್ ತಂಡದ ಲೂಯಿಸ್ ಹ್ಯಾಮಿಲ್ಟನ್ (1:26.454), ರೆಡ್ಬುಲ್ನ ಮಾರ್ಕ್ ವೆಬರ್ (1:26.500) ಮತ್ತು ಮೆಕ್ಲಾರೆನ್ ತಂಡದ ಜೆನ್ಸನ್ ಬಟನ್ (1:26.714) ಬಳಿಕದ ಸ್ಥಾನಗಳಲ್ಲಿ ನಿಂತರು. <br /> <br /> ಆದರೆ ಲೂಯಿಸ್ ಹ್ಯಾಮಿಲ್ಟನ್ ಮತ್ತು ಸೌಬೆರ್ ತಂಡದ ಸೆರ್ಜಿಯೊ ಪೆರೆಜ್ಗೆ ಅಭ್ಯಾಸದ ವೇಳೆ ನಿಯಮ ಉಲ್ಲಂಘಿಸಿದ್ದಕ್ಕೆ ಪೆನಾಲ್ಟಿ ವಿಧಿಸಲಾಗಿದೆ. ಇವರು ಶನಿವಾರ ಅರ್ಹತಾ ಹಂತದಲ್ಲಿ ಪಡೆಯುವ ಸ್ಥಾನಕ್ಕಿಂತ ಮೂರು ಸ್ಥಾನಗಳಷ್ಟು ಹಿಂದಿನಿಂದ ಭಾನುವಾರ ರೇಸ್ ಆರಂಭಿಸಬೇಕಿದೆ.<br /> <br /> ಫೋರ್ಸ್ ಇಂಡಿಯಾ ತಂಡದ ಇಬ್ಬರು ಚಾಲಕರೂ ಅಭ್ಯಾಸದಲ್ಲಿ ಪ್ರಭಾವಿ ಪ್ರದರ್ಶನ ನೀಡಿದರು. ಅಡ್ರಿಯಾನ್ ಸುಟಿಲ್ ಬೆಳಗ್ಗಿನ ಅವಧಿಯಲ್ಲಿ (1:28.705) ಎಂಟನೇ ಸ್ಥಾನದಲ್ಲಿದ್ದರೆ, ಮಧ್ಯಾಹ್ನ (1:27.316) ಏಳನೇ ಸ್ಥಾನ ತಮ್ಮದಾಗಿಸಿಕೊಂಡರು. <br /> <br /> ಇದೇ ತಂಡದ ಪೌಲ್ ಡಿ ರೆಸ್ಟಾ (1:27.853) ಒಂಬತ್ತನೇ ಸ್ಥಾನ ಗಳಿಸಿದರು. ಕಣದಲ್ಲಿರುವ ಭಾರತದ ಏಕೈಕ ಚಾಲಕ, ಹಿಸ್ಪಾನಿಯ ತಂಡವನ್ನು ಪ್ರತಿನಿಧಿಸುತ್ತಿರುವ ನರೇನ್ ಕಾರ್ತಿಕೇಯನ್ (1:32.824) ಕೊನೆಯ ಸ್ಥಾನ ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
