ಬುಧವಾರ, ಜೂನ್ 3, 2020
27 °C

ಅನುವಾದ ಶತಕ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅನುವಾದ ಶತಕ

ಬಸ್‌ನಲ್ಲಿ ಪರಿಚಯವಾಗುವ ಮಗು ಕಥಾನಾಯಕಿ ನಳಿನಿಗೆ ಆತ್ಮೀಯವಾಗುತ್ತದೆ. ಅರ್ಧದಾರಿಯಲ್ಲೇ ಅದರ ಅಪ್ಪ ಇಳಿದು ಹೋದಾಗ ಆ ಮಗುವಿನ ಜವಾಬ್ದಾರಿ ನಳಿನಿಯ ಮೇಲೇ ಬೀಳುತ್ತದೆ. ಮಗುವನ್ನು ಮನೆಗೆ ಕರೆದುಕೊಂಡು ಬರುವ ನಳಿನಿ ಎದುರಿಸುವ ಸವಾಲುಗಳು `ಅನುವಾದ~ ಧಾರಾವಾಹಿಯ ಕಥಾವಸ್ತು. ನೂರು ಸಂಚಿಕೆಗಳನ್ನು ಯಶಸ್ವಿಯಾಗಿ ಪೂರೈಸಿ ಮುಂದುವರೆದಿರುವ ಧಾರಾವಾಹಿ ತಂಡ ಈಚೆಗೆ ಸಂತೋಷಕೂಟ ಹಮ್ಮಿಕೊಂಡಿತ್ತು.



`ಅನುವಾದ~ ಜಯಂತ್ ನಿರ್ದೇಶನದ ಧಾರಾವಾಹಿ. ನಟಿ ವಿದ್ಯಾ ವೆಂಕಟರಾಮನ್ ನಿರ್ಮಿಸಿರುವ ಈ ದೈನಿಕ ಧಾರಾವಾಹಿ, `ಈಟೀವಿ~ಯಲ್ಲಿ ಸಂಜೆ 6ಕ್ಕೆ ಪ್ರಸಾರವಾಗುತ್ತದೆ. ಈ ಅವಧಿಯಲ್ಲಿ ಪ್ರಸಾರಗೊಳ್ಳುವ ಧಾರಾವಾಹಿಗಳು ಜನಪ್ರಿಯತೆ ಪಡೆಯುವುದು ಕಷ್ಟ ಎನ್ನುವ ನಂಬಿಕೆಯನ್ನು `ಅನುವಾದ~ ಸುಳ್ಳು ಮಾಡಿದೆ. ಇದು ಸಾಧ್ಯವಾಗಿರುವುದು ಜಯಂತ್ ಅವರ ಸಮರ್ಥ ನಿರ್ದೇಶನದಿಂದ ಎಂದು ತಂಡ ಮನದುಂಬಿ ಪ್ರಶಂಸಿಸಿತು.



`ತಮ್ಮ ಧಾರಾವಾಹಿಯಲ್ಲಿ ಮನರಂಜನೆಯೊಂದಿಗೆ ಸಂಬಂಧದ ಮೌಲ್ಯಗಳನ್ನು ಹೇಳಲಾಗಿದೆ. ಸಂಭಾಷಣೆ ಬರೆದಿರುವ ಡಾ.ಕಶ್ಯಪ್ ಪಾತ್ರವೊಂದರಲ್ಲಿ ನಟಿಸಿಯೂ ಇದ್ದಾರೆ. ಈ ಧಾರಾವಾಹಿಯ ಎಲ್ಲಾ ಪಾತ್ರಗಳ್ಲ್ಲಲೂ ಎರಡು ಆಯಾಮಗಳಿರುವುದು ನೋಡುಗರಿಗೆ ಇಷ್ಟವಾಗಿದೆ~ ಎಂದು ಜಯಂತ್ ಬಣ್ಣಿಸಿದರು.



ಎರಡು ನೂರು ಸಿನಿಮಾ ಮತ್ತು ನೂರು ಧಾರಾವಾಹಿಗಳಲ್ಲಿ ನಟಿಸಿರುವ ಹಿರಿಯ ನಟ ಬೆಂಗಳೂರು ನಾಗೇಶ್ ಅವರಿಗೆ ಇದುವರೆಗೂ ತಾವು ನಟಿಸದ ವಿಭಿನ್ನ ಪಾತ್ರ ಈ ಧಾರಾವಾಹಿಯಲ್ಲಿ ಸಿಕ್ಕಿರುವ ಸಂತಸ ಇದೆ. ಹಿರಿಯ ನಟಿ ಸುಂದರಶ್ರೀ ಜಯಂತ್ ಅವರ ವೃತ್ತಿಪರತೆಯನ್ನು ಕೊಂಡಾಡಿದರು. ಮೈಕೋ ಮಂಜುನಾಥ್, ಹನುಮಂತೇಗೌಡ್, ವಿದ್ಯಾ ವೆಂಕಟರಾಮನ್ ತಮ್ಮ ಅನುಭವ ಹಂಚಿಕೊಂಡರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.