ಶನಿವಾರ, ಮೇ 15, 2021
23 °C

ಅಲ್‌ಖೈದಾದಿಂದ ಹೊಸ ವಿಡಿಯೊ ದೃಶ್ಯ ಪ್ರಸಾರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಂಡನ್, (ಐಎಎನ್‌ಎಸ್): 9/11ರ ದಾಳಿ ನಡೆದು 10 ವರ್ಷಗಳು ಸಂದ ಸಂದರ್ಭದಲ್ಲಿ ಅಲ್‌ಖೈದಾ ಭಯೋತ್ಪಾದಕ ಸಂಘಟನೆ ಇಂಟರ್‌ನೆಟ್‌ನಲ್ಲಿ ಹೊಸ ವಿಡಿಯೊ ದೃಶ್ಯಗಳನ್ನು ಪ್ರಸಾರ ಮಾಡಿದೆ.



`ನಮ್ಮ ಸಂಘಟನೆಯು ವಿಜಯದ ಹಾದಿಯಲ್ಲಿದೆ~ ಎಂದು ಸಂಘಟನೆಯ ಹೊಸ ಮುಖ್ಯಸ್ಥ ಐಮನ್ ಅಲ್ ಜವಾಹಿರಿ ಹೇಳಿದ್ದಾನೆ.



`ಶೀಘ್ರದಲ್ಲೇ ಜಯ~ ಎಂಬ ತಲೆಬರಹದ, ಒಂದು ಗಂಟೆ ಕಾಲದ ವಿಡಿಯೊ ದೃಶ್ಯವನ್ನು ಜವಾಹಿರಿ ಸಿದ್ಧಪಡಿಸಿದ್ದಾಗಿ ಸ್ಕೈ ನ್ಯೂಸ್ ಚಾನೆಲ್ ವರದಿ ಮಾಡಿದೆ.



ಈ ವಿಡಿಯೊದಲ್ಲಿ ಬಿನ್ ಲಾಡೆನ್, `ಪ್ರಮುಖ ಕಂಪೆನಿಗಳ ಗುಲಾಮರಾಗಬೇಡಿ~ ಎಂದು ಅಮೆರಿಕದ ಪ್ರಜೆಗಳಿಗೆ ಕರೆ ನೀಡಿರುವುದನ್ನು ದಾಖಲಿಸಲಾಗಿದೆ.



ಈಜಿಪ್ಟ್, ಲಿಬಿಯಾ ಮತ್ತು ಟ್ಯುನೀಷಿಯದಲ್ಲಿ ಇತ್ತೀಚೆಗೆ ನಡೆದ ಬಂಡಾಯಕ್ಕೆ ಬೆಂಬಲ ವ್ಯಕ್ತಪಡಿಸಿರುವ ಜವಾಹಿರಿ, ಕ್ರಾಂತಿಗಳು ಅಮೆರಿಕದ ಸೋಲು ಎಂದು ಬಣ್ಣಿಸಿದ್ದಾನೆ.



ಈ ರಾಷ್ಟ್ರಗಳಲ್ಲಿ ನಿಜವಾದ ಇಸ್ಲಾಂ ಅನ್ನು ಜಾರಿ ಮಾಡಬೇಕು ಎಂದೂ ಆತ ಕರೆ ನೀಡಿದ್ದಾನೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.