<p><strong>ಬೆಂಗಳೂರು:</strong> ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಮುಂದಿನ ಶೈಕ್ಷಣಿಕ ವರ್ಷದಿಂದ ಹೊರಗುತ್ತಿಗೆ ಬಸ್ಗಳ ಸೇವೆಯನ್ನು ಸ್ಥಗಿತಗೊಳಿಸಲು ಸಿಂಡಿಕೇಟ್ ಸಭೆಯಲ್ಲಿ ತೀರ್ಮಾನಿಸಲಾಗಿದೆ. ಕುಲಪತಿ ಪ್ರೊ.ಬಿ.ತಿಮ್ಮೇಗೌಡ ಅಧ್ಯಕ್ಷತೆಯಲ್ಲಿ ಸೆಂಟ್ರಲ್ ಕಾಲೇಜಿನಲ್ಲಿ ಸೋಮವಾರ ನಡೆದ ಸಭೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಯಿತು.<br /> <br /> ‘ವಿವಿಯಲ್ಲಿ ಈಗ 18 ಹೊರಗುತ್ತಿಗೆ ಬಸ್ಗಳು ಇವೆ. ಇವುಗಳಿಂದ ಬರುವ ಆದಾಯ ₨10 ಲಕ್ಷ. ತಗಲುವ ವೆಚ್ಚ ₨1.10 ಕೋಟಿ. ಗಣೇಶ ಮಂದಿರ, ಮೈಸೂರು ರಸ್ತೆ ಹಾಗೂ ಕೆಂಗೇರಿ ಮಾರ್ಗ ಹೊರತುಪಡಿಸಿ ಉಳಿದ ಮಾರ್ಗಗಳಲ್ಲಿ ಪ್ರಯಾಣಿಕರು ವಿರಳ ಸಂಖ್ಯೆಯಲ್ಲಿ ಇರುತ್ತಾರೆ. ಈ ಹಿನ್ನೆಲೆಯಲ್ಲಿ ಹೊರಗುತ್ತಿಗೆ ಬಸ್ಗಳನ್ನು ರದ್ದುಪಡಿಸಲು ತೀರ್ಮಾನಿಸಲಾಯಿತು’ ಎಂದು ತಿಮ್ಮೇಗೌಡ ಸುದ್ದಿಗಾರರಿಗೆ ತಿಳಿಸಿದರು.<br /> <br /> ‘ಕೂಡಲೇ ಏಳು ಬಸ್ಗಳ ಸಂಚಾರವನ್ನು ರದ್ದು ಮಾಡಿ 11 ಬಸ್ಗಳನ್ನು ಜನವರಿಯಿಂದ ಜೂನ್ ವರೆಗೆ ಓಡಿಸಲಾಗುವುದು. ಬಳಿಕ ಇವುಗಳ ಸೇವೆ ಸ್ಥಗಿತಗೊಳ್ಳಲಿದೆ. ಬಿಎಂಟಿಸಿ ಬಸ್ಗಳು ಯಥಾರೀತಿಯಲ್ಲಿ ಸಂಚಾರ ನಡೆಸಲಿವೆ’ ಎಂದರು. ಐದು ಬಿ.ಇಡಿ ಕಾಲೇಜಿಗೆ ಅನುಮತಿ: ಶನಿವಾರ ನಡೆದ ಅಕಾಡೆಮಿಕ್ ಕೌನ್ಸಿಲ್ ಸಭೆಯಲ್ಲಿ ಸಮರ್ಪಕ ಮೂಲಸೌಕರ್ಯ ಹೊಂದಿರುವ 10 ಬಿ.ಇಡಿಗಳ ಕಾಲೇಜುಗಳ ಮಾನ್ಯತೆ ನವೀಕರಣ ಮಾಡಲು ಒಪ್ಪಿಗೆ ನೀಡಲಾಗಿತ್ತು. ಸಿಂಡಿಕೇಟ್ ಸಭೆಯಲ್ಲಿ ಐದು ಕಾಲೇಜುಗಳಿಗೆ ಮಾತ್ರ ಮಾನ್ಯತೆ ನವೀಕರಣ ಮಾಡಲು ಅನುಮೋದನೆ ನೀಡಲಾಗಿದೆ.<br /> <br /> ಮಿರಾಂಡ ಕಾಲೇಜ್ ಆಫ್ ಎಜುಕೇಶನ್, ಎಸ್ಜೆಇಎಸ್ ಕಾಲೇಜ್ ಆಫ್ ಎಜುಕೇಶನ್, ಕೋಲಾರದ ರಾಕ್ ವ್ಯಾಲಿ ಕಾಲೇಜ್ ಆಫ್ ಎಜುಕೇಶನ್, ಮಾರತಹಳ್ಳಿಯ ಎಂ.ವಿ.ಜೆ.ಕಾಲೇಜ್ ಆಫ್ ಎಜುಕೇಶನ್, ಚಿಂತಾಮಣಿಯ ಪ್ರಗತಿ ಕಾಲೇಜ್ ಆಫ್ ಎಜುಕೇಶನ್ಗೆ ಮಾನ್ಯತೆ ನೀಡಲಾಗಿದೆ.<br /> <br /> ‘ಈಗಾಗಲೇ ಸಂಯೋಜನೆ ಪಡೆಯಲು ಸಾಧ್ಯವಾಗದೆ ಇರುವ 25 ಕಾಲೇಜುಗಳು ಮುಂದಿನ ಶೈಕ್ಷಣಿಕ ವರ್ಷದಲ್ಲಿ ಮೂಲಸೌಕರ್ಯ ಹಾಗೂ ಎನ್ಸಿಟಿಇ ನಿಯಮದಂತೆ ಶಿಕ್ಷಕರ ನೇಮಕ ಮಾಡಿಕೊಂಡರೆ ಸಂಯೋಜನೆ ನವೀಕರಣ ಮಾಡಲಾಗುವುದು’ ಎಂದು ಅವರು ಭರವಸೆ ನೀಡಿದರು.<br /> <br /> ಪದವಿ ಕೋರ್ಸ್ಗಳಿಗೆ ಸಂಯೋಜನೆ ಆರಂಭ: ‘ಬಿ.ಇಡಿ, ಬಿ.ಪಿ.ಇಡಿ ಹಾಗೂ ಎಂ.ಪಿ.ಇಡಿ ಹೊರತುಪಡಿಸಿ ಬೇರೆ ಪದವಿ ಕಾಲೇಜುಗಳಿಗೆ ಸಂಯೋಜನೆ ನೀಡಲು 26 ಸ್ಥಳೀಯ ವಿಚಾರಣಾ ಸಮಿತಿ (ಎಲ್ಐಸಿ)ಗಳನ್ನು ನೇಮಕ ಮಾಡಲಾಗುವುದು. 2014ರ ಜನವರಿ ಅಂತ್ಯದೊಳಗೆ ಸಂಯೋಜನೆ ಪ್ರಕ್ರಿಯೆ ಪೂರ್ಣಗೊಳಿಸಲಾಗುವುದು.</p>.<p>481 ಕಾಲೇಜುಗಳು ಸಂಯೋಜನೆ ನವೀಕರಣಕ್ಕೆ ಹಾಗೂ 45 ಕಾಲೇಜುಗಳು ಹೊಸ ಸಂಯೋಜನೆಗೆ ಅರ್ಜಿ ಸಲ್ಲಿಸಿವೆ. ಬಿ.ಇಡಿ ಅಥವಾ ಪದವಿ ಕೋರ್ಸ್ಗಳ ಶುಲ್ಕ ಹೆಚ್ಚಳದ ಪ್ರಸ್ತಾವ ಇಲ್ಲ’ ಎಂದು ಅವರು ಸ್ಪಷ್ಟಪಡಿಸಿದರು. ಕುಲಸಚಿವೆ ಪ್ರೊ.ಕೆ.ಕೆ. ಸೀತಮ್ಮ, ಕುಲಸಚಿವ (ಮೌಲ್ಯಮಾಪನ) ಡಾ.ಆರ್.ಕೆ. ಸೋಮಶೇಖರ್ ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಮುಂದಿನ ಶೈಕ್ಷಣಿಕ ವರ್ಷದಿಂದ ಹೊರಗುತ್ತಿಗೆ ಬಸ್ಗಳ ಸೇವೆಯನ್ನು ಸ್ಥಗಿತಗೊಳಿಸಲು ಸಿಂಡಿಕೇಟ್ ಸಭೆಯಲ್ಲಿ ತೀರ್ಮಾನಿಸಲಾಗಿದೆ. ಕುಲಪತಿ ಪ್ರೊ.ಬಿ.ತಿಮ್ಮೇಗೌಡ ಅಧ್ಯಕ್ಷತೆಯಲ್ಲಿ ಸೆಂಟ್ರಲ್ ಕಾಲೇಜಿನಲ್ಲಿ ಸೋಮವಾರ ನಡೆದ ಸಭೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಯಿತು.<br /> <br /> ‘ವಿವಿಯಲ್ಲಿ ಈಗ 18 ಹೊರಗುತ್ತಿಗೆ ಬಸ್ಗಳು ಇವೆ. ಇವುಗಳಿಂದ ಬರುವ ಆದಾಯ ₨10 ಲಕ್ಷ. ತಗಲುವ ವೆಚ್ಚ ₨1.10 ಕೋಟಿ. ಗಣೇಶ ಮಂದಿರ, ಮೈಸೂರು ರಸ್ತೆ ಹಾಗೂ ಕೆಂಗೇರಿ ಮಾರ್ಗ ಹೊರತುಪಡಿಸಿ ಉಳಿದ ಮಾರ್ಗಗಳಲ್ಲಿ ಪ್ರಯಾಣಿಕರು ವಿರಳ ಸಂಖ್ಯೆಯಲ್ಲಿ ಇರುತ್ತಾರೆ. ಈ ಹಿನ್ನೆಲೆಯಲ್ಲಿ ಹೊರಗುತ್ತಿಗೆ ಬಸ್ಗಳನ್ನು ರದ್ದುಪಡಿಸಲು ತೀರ್ಮಾನಿಸಲಾಯಿತು’ ಎಂದು ತಿಮ್ಮೇಗೌಡ ಸುದ್ದಿಗಾರರಿಗೆ ತಿಳಿಸಿದರು.<br /> <br /> ‘ಕೂಡಲೇ ಏಳು ಬಸ್ಗಳ ಸಂಚಾರವನ್ನು ರದ್ದು ಮಾಡಿ 11 ಬಸ್ಗಳನ್ನು ಜನವರಿಯಿಂದ ಜೂನ್ ವರೆಗೆ ಓಡಿಸಲಾಗುವುದು. ಬಳಿಕ ಇವುಗಳ ಸೇವೆ ಸ್ಥಗಿತಗೊಳ್ಳಲಿದೆ. ಬಿಎಂಟಿಸಿ ಬಸ್ಗಳು ಯಥಾರೀತಿಯಲ್ಲಿ ಸಂಚಾರ ನಡೆಸಲಿವೆ’ ಎಂದರು. ಐದು ಬಿ.ಇಡಿ ಕಾಲೇಜಿಗೆ ಅನುಮತಿ: ಶನಿವಾರ ನಡೆದ ಅಕಾಡೆಮಿಕ್ ಕೌನ್ಸಿಲ್ ಸಭೆಯಲ್ಲಿ ಸಮರ್ಪಕ ಮೂಲಸೌಕರ್ಯ ಹೊಂದಿರುವ 10 ಬಿ.ಇಡಿಗಳ ಕಾಲೇಜುಗಳ ಮಾನ್ಯತೆ ನವೀಕರಣ ಮಾಡಲು ಒಪ್ಪಿಗೆ ನೀಡಲಾಗಿತ್ತು. ಸಿಂಡಿಕೇಟ್ ಸಭೆಯಲ್ಲಿ ಐದು ಕಾಲೇಜುಗಳಿಗೆ ಮಾತ್ರ ಮಾನ್ಯತೆ ನವೀಕರಣ ಮಾಡಲು ಅನುಮೋದನೆ ನೀಡಲಾಗಿದೆ.<br /> <br /> ಮಿರಾಂಡ ಕಾಲೇಜ್ ಆಫ್ ಎಜುಕೇಶನ್, ಎಸ್ಜೆಇಎಸ್ ಕಾಲೇಜ್ ಆಫ್ ಎಜುಕೇಶನ್, ಕೋಲಾರದ ರಾಕ್ ವ್ಯಾಲಿ ಕಾಲೇಜ್ ಆಫ್ ಎಜುಕೇಶನ್, ಮಾರತಹಳ್ಳಿಯ ಎಂ.ವಿ.ಜೆ.ಕಾಲೇಜ್ ಆಫ್ ಎಜುಕೇಶನ್, ಚಿಂತಾಮಣಿಯ ಪ್ರಗತಿ ಕಾಲೇಜ್ ಆಫ್ ಎಜುಕೇಶನ್ಗೆ ಮಾನ್ಯತೆ ನೀಡಲಾಗಿದೆ.<br /> <br /> ‘ಈಗಾಗಲೇ ಸಂಯೋಜನೆ ಪಡೆಯಲು ಸಾಧ್ಯವಾಗದೆ ಇರುವ 25 ಕಾಲೇಜುಗಳು ಮುಂದಿನ ಶೈಕ್ಷಣಿಕ ವರ್ಷದಲ್ಲಿ ಮೂಲಸೌಕರ್ಯ ಹಾಗೂ ಎನ್ಸಿಟಿಇ ನಿಯಮದಂತೆ ಶಿಕ್ಷಕರ ನೇಮಕ ಮಾಡಿಕೊಂಡರೆ ಸಂಯೋಜನೆ ನವೀಕರಣ ಮಾಡಲಾಗುವುದು’ ಎಂದು ಅವರು ಭರವಸೆ ನೀಡಿದರು.<br /> <br /> ಪದವಿ ಕೋರ್ಸ್ಗಳಿಗೆ ಸಂಯೋಜನೆ ಆರಂಭ: ‘ಬಿ.ಇಡಿ, ಬಿ.ಪಿ.ಇಡಿ ಹಾಗೂ ಎಂ.ಪಿ.ಇಡಿ ಹೊರತುಪಡಿಸಿ ಬೇರೆ ಪದವಿ ಕಾಲೇಜುಗಳಿಗೆ ಸಂಯೋಜನೆ ನೀಡಲು 26 ಸ್ಥಳೀಯ ವಿಚಾರಣಾ ಸಮಿತಿ (ಎಲ್ಐಸಿ)ಗಳನ್ನು ನೇಮಕ ಮಾಡಲಾಗುವುದು. 2014ರ ಜನವರಿ ಅಂತ್ಯದೊಳಗೆ ಸಂಯೋಜನೆ ಪ್ರಕ್ರಿಯೆ ಪೂರ್ಣಗೊಳಿಸಲಾಗುವುದು.</p>.<p>481 ಕಾಲೇಜುಗಳು ಸಂಯೋಜನೆ ನವೀಕರಣಕ್ಕೆ ಹಾಗೂ 45 ಕಾಲೇಜುಗಳು ಹೊಸ ಸಂಯೋಜನೆಗೆ ಅರ್ಜಿ ಸಲ್ಲಿಸಿವೆ. ಬಿ.ಇಡಿ ಅಥವಾ ಪದವಿ ಕೋರ್ಸ್ಗಳ ಶುಲ್ಕ ಹೆಚ್ಚಳದ ಪ್ರಸ್ತಾವ ಇಲ್ಲ’ ಎಂದು ಅವರು ಸ್ಪಷ್ಟಪಡಿಸಿದರು. ಕುಲಸಚಿವೆ ಪ್ರೊ.ಕೆ.ಕೆ. ಸೀತಮ್ಮ, ಕುಲಸಚಿವ (ಮೌಲ್ಯಮಾಪನ) ಡಾ.ಆರ್.ಕೆ. ಸೋಮಶೇಖರ್ ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
