<p><strong>ಮುಂಬೈ (ಪಿಟಿಐ):</strong> ಆರ್ಬಿಐ ಗವರ್ನರ್ ರಘುರಾಂ ರಾಜನ್ ಅವರು ತಮ್ಮ ಕೊನೆಯ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಅಲ್ಪಾವಧಿ ಬಡ್ಡಿ ದರಗಳಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.<br /> <br /> ಮಂಗಳವಾರ ಪ್ರಕಟಿಸಲಾದ ಆರ್ಬಿಐನ ಪ್ರಸಕ್ತ ಸಾಲಿನ ತೃತೀಯ ದ್ವೈಮಾಸಿಕ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಬಡ್ಡಿ ದರಗಳಲ್ಲಿ ಯಥಾಸ್ಥಿತಿ ಕಾಯ್ದುಕೊಳ್ಳಲಾಗಿದೆ.<br /> <br /> ಆರ್ಬಿಐ ಬ್ಯಾಂಕ್ಗಳಿಗೆ ನೀಡುವ ಸಾಲದ ಮೇಲಿನ ಬಡ್ಡಿ ದರ (ರೆಪೊ) ಶೇ 6.5ಕ್ಕೆ ಮತ್ತು ವಾಣಿಜ್ಯ ಬ್ಯಾಂಕ್ಗಳಿಂದ ಪಡೆಯುವ ಸಾಲಕ್ಕೆ ಆರ್ಬಿಐ ಪಾವತಿಸುವ ಬಡ್ಡಿ ದರ (ರಿವರ್ಸ್ ರೆಪೊ) ಶೇ 6ಕ್ಕೆ ಉಳಿಸಿಕೊಳ್ಳಲಾಗಿದೆ. ನಗದು ಮೀಸಲು ಅನುಪಾತ ಶೇ 4ರಲ್ಲಿ ಇರಲಿದೆ.<br /> <br /> ಹಣದುಬ್ಬರವು ಈ ಮೊದಲು ಅಂದಾಜಿಸಿರುವ ಮಟ್ಟಕ್ಕಿಂತ ಹೆಚ್ಚಿನ ಮಟ್ಟದಲ್ಲಿ (ಶೇ 5) ಇರುವುದರಿಂದ ಆರ್ಬಿಐ ಬಡ್ಡಿ ದರ ಕಡಿಮೆ ಮಾಡುವ ನಿರ್ಧಾರಕ್ಕೆ ಬಂದಿಲ್ಲ.<br /> <br /> ಪ್ರಸಕ್ತ ಹಣಕಾಸು ವರ್ಷದ ಮೊದಲ ದ್ವೈಮಾಸಿಕ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಆರ್ಬಿಐ ಶೇ 0.25 ರಷ್ಟು ಬಡ್ಡಿ ದರ ಕಡಿತ ಮಾಡಿತ್ತು.<br /> ‘ಸದ್ಯದ ಪರಿಸ್ಥಿತಿಯಲ್ಲಿ ರೆಪೊ ಬಡ್ಡಿ ದರಗಳನ್ನು ಬದಲಾಯಿಸದಿರುವುದೇ ಆರ್ಬಿಐ ಪಾಲಿಗೆ ಸೂಕ್ತವಾದ ನಿರ್ಧಾರವಾಗಿದೆ’ ಎಂದು ರಾಜನ್ ಅವರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.<br /> <br /> 2017ರ ಮಾರ್ಚ್ ತಿಂಗಳಿಗೆ ಹಣದುಬ್ಬರದ ಗರಿಷ್ಠ ಮಿತಿ ಶೇ 5ಕ್ಕೆ ಇರಬೇಕೆಂದು ಗುರಿ ನಿಗದಿಪಡಿಸಲಾಗಿದೆ. ಜೂನ್ ತಿಂಗಳಲ್ಲಿ 22 ತಿಂಗಳ ಗರಿಷ್ಠ ಮಟ್ಟಕ್ಕೆ ತಲುಪಿರುವ ಹಣದುಬ್ಬರವು ಶೇ 5.8ರಷ್ಟು ದಾಖಲಾಗಿದೆ.<br /> <br /> ಆಹಾರ ಹಣದುಬ್ಬರ ಹೆಚ್ಚಳ ಮತ್ತು ಕೇಂದ್ರ ಸರ್ಕಾರಿ ನೌಕರರ 7ನೇ ವೇತನ ಆಯೋಗದ ಶಿಫಾರಸುಗಳ ಜಾರಿ ಫಲವಾಗಿ ಹಣದುಬ್ಬರದ ಮೇಲೆ ಒತ್ತಡ ಇದ್ದೇ ಇದೆ.<br /> <br /> ಬೇಳೆಕಾಳುಗಳ ಬೆಲೆಗಳೂ ಏರುಗತಿಯಲ್ಲಿ ಇವೆ. ಈ ಎಲ್ಲ ವಿದ್ಯಮಾನಗಳು ಆರ್ಬಿಐ ತನ್ನ ಬಡ್ಡಿ ದರಗಳಲ್ಲಿ ಯಥಾಸ್ಥಿತಿ ಕಾಯ್ದುಕೊಳ್ಳಲು<br /> ಕಾರಣವಾಗಿವೆ.</p>.<p>2015ರಿಂದೀಚೆಗೆ ಆರ್ಬಿಐ, ಶೇ 1.50ರಷ್ಟು ಬಡ್ಡಿ ದರಗಳನ್ನು ಕಡಿತ ಮಾಡಿತ್ತು. ಈ ಕಡಿತದ ಫಲವಾಗಿ ಬ್ಯಾಂಕ್ ಬಡ್ಡಿ ದರಗಳು ಶೇ 0.90ರಷ್ಟು ಅಗ್ಗವಾಗಿದ್ದವು.<br /> ಇದೇ ಸೆಪ್ಟೆಂಬರ್ 4ಕ್ಕೆ ತಮ್ಮ ಮೂರು ವರ್ಷಗಳ ಅಧಿಕಾರಾವಧಿ ಪೂರ್ಣಗೊಳಿಸಲಿರುವ ರಾಜನ್, ಗವರ್ನರ್ ಹುದ್ದೆಯಿಂದ ನಿರ್ಗಮಿಸಲಿದ್ದಾರೆ.<br /> <br /> <strong>ದ್ವೈಮಾಸಿಕ ಹಣಕಾಸು ನೀತಿಯ ಪರಾಮರ್ಶೆ</strong><br /> * ರೆಪೊ ದರ (ಶೇ 6.50), ರಿವರ್ಸ್ ರೆಪೊ ದರ (ಶೇ 6) ಯಥಾಸ್ಥಿತಿ<br /> <br /> * ಬದಲಾಗದ ನಗದು ಮೀಸಲು ಅನುಪಾತ (ಸಿಆರ್ಆರ್) ಶೇ 4<br /> <br /> * ಪ್ರಸಕ್ತ ಹಣಕಾಸು ವರ್ಷದ ಆರ್ಥಿಕ ವೃದ್ಧಿ ದರ ಶೇ 7.6<br /> <br /> * 2017ರ ಜನವರಿಗೆ ಹಣದುಬ್ಬರ ಗರಿಷ್ಠ ಮಿತಿ ಶೇ 5ಕ್ಕೆ ನಿಗದಿ<br /> <br /> * ವಾಡಿಕೆ ಮುಂಗಾರು ಮತ್ತು 7ನೆ ವೇತನ ಆಯೋಗದ ಶಿಫಾರಸು ಜಾರಿಯಿಂದ ಆರ್ಥಿಕತೆಗೆ ಉತ್ತೇಜನ<br /> <br /> * ಜಿಎಸ್ಟಿ ಜಾರಿಯಿಂದ ಉದ್ಯಮಶೀಲತೆ ಮತ್ತು ಹೂಡಿಕೆಗೆ ಬೆಂಬಲ<br /> <br /> * ಜಿಎಸ್ಟಿಯ ಹಣದುಬ್ಬರ ಪರಿಣಾಮದ ಬಗ್ಗೆ ಮಾತನಾಡುವುದು ಅವಸರದ ನಿರ್ಧಾರ<br /> <br /> * ಆಗಸ್ಟ್ 5ಕ್ಕೆ ವಿದೇಶಿ ವಿನಿಮಯ ಮೀಸಲು ₹ 24.52 ಲಕ್ಷ ಕೋಟಿ<br /> <br /> * ಎಫ್ಸಿಎನ್ಆರ್ ಖಾತೆಯಿಂದ ಹಣ ವಾಪಸಾತಿಯು ಪೇಟೆಯ ನಗದುತನದ ಮೇಲೆ ಪ್ರಭಾವ ಬೀರದು<br /> <br /> * ಬಡ್ಡಿ ದರ ಕಡಿತದ ಲಾಭವನ್ನು ಬ್ಯಾಂಕ್ಗಳು ಕಡಿಮೆ ಪ್ರಮಾಣದಲ್ಲಿ ವರ್ಗಾಯಿಸಿವೆ<br /> <br /> * ಠೇವಣಿ ಮೇಲಿನ ಹೆಚ್ಚುವರಿ ಬಡ್ಡಿ ದರ ಆಧರಿಸಿದ ಸಾಲದ ಬಡ್ಡಿ ದರ ವ್ಯವಸ್ಥೆ ಬದಲು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ (ಪಿಟಿಐ):</strong> ಆರ್ಬಿಐ ಗವರ್ನರ್ ರಘುರಾಂ ರಾಜನ್ ಅವರು ತಮ್ಮ ಕೊನೆಯ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಅಲ್ಪಾವಧಿ ಬಡ್ಡಿ ದರಗಳಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.<br /> <br /> ಮಂಗಳವಾರ ಪ್ರಕಟಿಸಲಾದ ಆರ್ಬಿಐನ ಪ್ರಸಕ್ತ ಸಾಲಿನ ತೃತೀಯ ದ್ವೈಮಾಸಿಕ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಬಡ್ಡಿ ದರಗಳಲ್ಲಿ ಯಥಾಸ್ಥಿತಿ ಕಾಯ್ದುಕೊಳ್ಳಲಾಗಿದೆ.<br /> <br /> ಆರ್ಬಿಐ ಬ್ಯಾಂಕ್ಗಳಿಗೆ ನೀಡುವ ಸಾಲದ ಮೇಲಿನ ಬಡ್ಡಿ ದರ (ರೆಪೊ) ಶೇ 6.5ಕ್ಕೆ ಮತ್ತು ವಾಣಿಜ್ಯ ಬ್ಯಾಂಕ್ಗಳಿಂದ ಪಡೆಯುವ ಸಾಲಕ್ಕೆ ಆರ್ಬಿಐ ಪಾವತಿಸುವ ಬಡ್ಡಿ ದರ (ರಿವರ್ಸ್ ರೆಪೊ) ಶೇ 6ಕ್ಕೆ ಉಳಿಸಿಕೊಳ್ಳಲಾಗಿದೆ. ನಗದು ಮೀಸಲು ಅನುಪಾತ ಶೇ 4ರಲ್ಲಿ ಇರಲಿದೆ.<br /> <br /> ಹಣದುಬ್ಬರವು ಈ ಮೊದಲು ಅಂದಾಜಿಸಿರುವ ಮಟ್ಟಕ್ಕಿಂತ ಹೆಚ್ಚಿನ ಮಟ್ಟದಲ್ಲಿ (ಶೇ 5) ಇರುವುದರಿಂದ ಆರ್ಬಿಐ ಬಡ್ಡಿ ದರ ಕಡಿಮೆ ಮಾಡುವ ನಿರ್ಧಾರಕ್ಕೆ ಬಂದಿಲ್ಲ.<br /> <br /> ಪ್ರಸಕ್ತ ಹಣಕಾಸು ವರ್ಷದ ಮೊದಲ ದ್ವೈಮಾಸಿಕ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ಆರ್ಬಿಐ ಶೇ 0.25 ರಷ್ಟು ಬಡ್ಡಿ ದರ ಕಡಿತ ಮಾಡಿತ್ತು.<br /> ‘ಸದ್ಯದ ಪರಿಸ್ಥಿತಿಯಲ್ಲಿ ರೆಪೊ ಬಡ್ಡಿ ದರಗಳನ್ನು ಬದಲಾಯಿಸದಿರುವುದೇ ಆರ್ಬಿಐ ಪಾಲಿಗೆ ಸೂಕ್ತವಾದ ನಿರ್ಧಾರವಾಗಿದೆ’ ಎಂದು ರಾಜನ್ ಅವರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.<br /> <br /> 2017ರ ಮಾರ್ಚ್ ತಿಂಗಳಿಗೆ ಹಣದುಬ್ಬರದ ಗರಿಷ್ಠ ಮಿತಿ ಶೇ 5ಕ್ಕೆ ಇರಬೇಕೆಂದು ಗುರಿ ನಿಗದಿಪಡಿಸಲಾಗಿದೆ. ಜೂನ್ ತಿಂಗಳಲ್ಲಿ 22 ತಿಂಗಳ ಗರಿಷ್ಠ ಮಟ್ಟಕ್ಕೆ ತಲುಪಿರುವ ಹಣದುಬ್ಬರವು ಶೇ 5.8ರಷ್ಟು ದಾಖಲಾಗಿದೆ.<br /> <br /> ಆಹಾರ ಹಣದುಬ್ಬರ ಹೆಚ್ಚಳ ಮತ್ತು ಕೇಂದ್ರ ಸರ್ಕಾರಿ ನೌಕರರ 7ನೇ ವೇತನ ಆಯೋಗದ ಶಿಫಾರಸುಗಳ ಜಾರಿ ಫಲವಾಗಿ ಹಣದುಬ್ಬರದ ಮೇಲೆ ಒತ್ತಡ ಇದ್ದೇ ಇದೆ.<br /> <br /> ಬೇಳೆಕಾಳುಗಳ ಬೆಲೆಗಳೂ ಏರುಗತಿಯಲ್ಲಿ ಇವೆ. ಈ ಎಲ್ಲ ವಿದ್ಯಮಾನಗಳು ಆರ್ಬಿಐ ತನ್ನ ಬಡ್ಡಿ ದರಗಳಲ್ಲಿ ಯಥಾಸ್ಥಿತಿ ಕಾಯ್ದುಕೊಳ್ಳಲು<br /> ಕಾರಣವಾಗಿವೆ.</p>.<p>2015ರಿಂದೀಚೆಗೆ ಆರ್ಬಿಐ, ಶೇ 1.50ರಷ್ಟು ಬಡ್ಡಿ ದರಗಳನ್ನು ಕಡಿತ ಮಾಡಿತ್ತು. ಈ ಕಡಿತದ ಫಲವಾಗಿ ಬ್ಯಾಂಕ್ ಬಡ್ಡಿ ದರಗಳು ಶೇ 0.90ರಷ್ಟು ಅಗ್ಗವಾಗಿದ್ದವು.<br /> ಇದೇ ಸೆಪ್ಟೆಂಬರ್ 4ಕ್ಕೆ ತಮ್ಮ ಮೂರು ವರ್ಷಗಳ ಅಧಿಕಾರಾವಧಿ ಪೂರ್ಣಗೊಳಿಸಲಿರುವ ರಾಜನ್, ಗವರ್ನರ್ ಹುದ್ದೆಯಿಂದ ನಿರ್ಗಮಿಸಲಿದ್ದಾರೆ.<br /> <br /> <strong>ದ್ವೈಮಾಸಿಕ ಹಣಕಾಸು ನೀತಿಯ ಪರಾಮರ್ಶೆ</strong><br /> * ರೆಪೊ ದರ (ಶೇ 6.50), ರಿವರ್ಸ್ ರೆಪೊ ದರ (ಶೇ 6) ಯಥಾಸ್ಥಿತಿ<br /> <br /> * ಬದಲಾಗದ ನಗದು ಮೀಸಲು ಅನುಪಾತ (ಸಿಆರ್ಆರ್) ಶೇ 4<br /> <br /> * ಪ್ರಸಕ್ತ ಹಣಕಾಸು ವರ್ಷದ ಆರ್ಥಿಕ ವೃದ್ಧಿ ದರ ಶೇ 7.6<br /> <br /> * 2017ರ ಜನವರಿಗೆ ಹಣದುಬ್ಬರ ಗರಿಷ್ಠ ಮಿತಿ ಶೇ 5ಕ್ಕೆ ನಿಗದಿ<br /> <br /> * ವಾಡಿಕೆ ಮುಂಗಾರು ಮತ್ತು 7ನೆ ವೇತನ ಆಯೋಗದ ಶಿಫಾರಸು ಜಾರಿಯಿಂದ ಆರ್ಥಿಕತೆಗೆ ಉತ್ತೇಜನ<br /> <br /> * ಜಿಎಸ್ಟಿ ಜಾರಿಯಿಂದ ಉದ್ಯಮಶೀಲತೆ ಮತ್ತು ಹೂಡಿಕೆಗೆ ಬೆಂಬಲ<br /> <br /> * ಜಿಎಸ್ಟಿಯ ಹಣದುಬ್ಬರ ಪರಿಣಾಮದ ಬಗ್ಗೆ ಮಾತನಾಡುವುದು ಅವಸರದ ನಿರ್ಧಾರ<br /> <br /> * ಆಗಸ್ಟ್ 5ಕ್ಕೆ ವಿದೇಶಿ ವಿನಿಮಯ ಮೀಸಲು ₹ 24.52 ಲಕ್ಷ ಕೋಟಿ<br /> <br /> * ಎಫ್ಸಿಎನ್ಆರ್ ಖಾತೆಯಿಂದ ಹಣ ವಾಪಸಾತಿಯು ಪೇಟೆಯ ನಗದುತನದ ಮೇಲೆ ಪ್ರಭಾವ ಬೀರದು<br /> <br /> * ಬಡ್ಡಿ ದರ ಕಡಿತದ ಲಾಭವನ್ನು ಬ್ಯಾಂಕ್ಗಳು ಕಡಿಮೆ ಪ್ರಮಾಣದಲ್ಲಿ ವರ್ಗಾಯಿಸಿವೆ<br /> <br /> * ಠೇವಣಿ ಮೇಲಿನ ಹೆಚ್ಚುವರಿ ಬಡ್ಡಿ ದರ ಆಧರಿಸಿದ ಸಾಲದ ಬಡ್ಡಿ ದರ ವ್ಯವಸ್ಥೆ ಬದಲು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
