<p>ನವದೆಹಲಿ (ಪಿಟಿಐ): ಹದಿನೈದು ದಿನಗಳ ಅಂತರದ ನಂತರ ಆಹಾರ ಹಣದುಬ್ಬರವು, ಮಾರ್ಚ್ 12ಕ್ಕೆ ಕೊನೆಗೊಂಡ ವಾರಾಂತ್ಯದಲ್ಲಿ ಮತ್ತೆ ಎರಡಂಕಿಗೆ ಏರಿಕೆಯಾಗಿದೆ.<br /> <br /> ತರಕಾರಿ, ಹಣ್ಣು ಮತ್ತು ಪ್ರೋಟಿನ್ ಆಧಾರಿತ ಸರಕುಗಳು ದುಬಾರಿಯಾಗಿದ್ದರಿಂದ ಆಹಾರ ಹಣದುಬ್ಬರವು ಹಿಂದಿನ ವಾರದ ಶೇ 9.42ದಿಂದ ಶೇ 10.05ಕ್ಕೆ ಏರಿಕೆಯಾಗಿದೆ.<br /> <br /> ಕಳೆದ ಮೂರು ವಾರಗಳಿಂದ ಇಳಿಕೆ ಪ್ರವೃತ್ತಿ ತೋರಿಸುತ್ತಿದ್ದ ಹಣದುಬ್ಬರವು ಮಾರ್ಚ್ 5ಕ್ಕೆ ಕೊನೆಗೊಂಡಿದ್ದ ವಾರಾಂತ್ಯದಲ್ಲಿ ಒಂದಂಕಿಗೆ ಇಳಿದಿತ್ತು.<br /> <br /> ಹಣದುಬ್ಬರ ಪರಾಮರ್ಶಿಸುವ ಅವಧಿಯಲ್ಲಿ ತರಕಾರಿ ಬೆಲೆ ವರ್ಷದಿಂದ ವರ್ಷಕ್ಕೆ ಶೇ 11.20, ಹಣ್ಣು ಶೇ 23.60, ಮೊಟ್ಟೆ, ಮಾಂಸ ಮತ್ತು ಮೀನು ಶೇ 13.21ರಷ್ಟು ತುಟ್ಟಿಯಾಗಿವೆ.<br /> <br /> ಬೇಡಿಕೆ ಮತ್ತು ಪೂರೈಕೆಯಲ್ಲಿನ ಅಸಮತೋಲನವು ಆಹಾರ ಪದಾರ್ಥಗಳ ಬೆಲೆ ಏರಿಕೆಗೆ ಮುಖ್ಯ ಕಾರಣವಾಗಿದೆ. ಶೀಘ್ರವಾಗಿ ಕೊಳೆಯುವ ತರಕಾರಿ ಮತ್ತು ಹಣ್ಣುಗಳ ಬೆಲೆಗಳು ಗಮನಾರ್ಹ ಏರಿಳಿತ ಕಾಣುತ್ತಿವೆ.<br /> <br /> ಆಹಾರ ಹಣದುಬ್ಬರ ಮತ್ತೆ ಎರಡಂಕಿಗೆ ಏರಿಕೆಯಾಗಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ. ಪೂರೈಕೆಯಲ್ಲಿನ ಅಡಚಣೆ ಕಾರಣದಿಂದ ಬೆಲೆಗಳು ಮತ್ತೆ ಏರಿಕೆ ಹಾದಿಯಲ್ಲಿ ಇವೆ ಎಂದು ಎಚ್ಡಿಎಫ್ಸಿ ಬ್ಯಾಂಕ್ ಮುಖ್ಯ ಆರ್ಥಿಕ ತಜ್ಞ ಬರುವಾ ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಸಮಗ್ರ ಹಣದುಬ್ಬರವು 2010ರ ಮಾರ್ಚ್ ತಿಂಗಳಿನಿಂದ ಶೇ 8ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿಯೇ ಇದೆ. ಈ ವರ್ಷದ ಫೆಬ್ರುವರಿ ತಿಂಗಳಲ್ಲಿ ಶೇ 8.31ರಷ್ಟು ದಾಖಲಾಗಿತ್ತು. ಬೆಳವಣಿಗೆ ಮತ್ತು ಹಣದುಬ್ಬರ ಮಧ್ಯೆ ಸಮತೋಲನ ಸಾಧಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ ಇನ್ನಷ್ಟು ಕಠಿಣ ಕ್ರಮ ಕೈಗೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ.<br /> <br /> ಮೇ ತಿಂಗಳಲ್ಲಿ ಪ್ರಕಟಿಸಲಿರುವ ಮಧ್ಯಂತರ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ರೆಪೊ ಮತ್ತು ರಿವರ್ಸ್ ರೆಪೊ ದರಗಳನ್ನು ಶೇ 0.25ರಷ್ಟು ಹೆಚ್ಚಿಸುವ ಸಾಧ್ಯತೆಗಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ (ಪಿಟಿಐ): ಹದಿನೈದು ದಿನಗಳ ಅಂತರದ ನಂತರ ಆಹಾರ ಹಣದುಬ್ಬರವು, ಮಾರ್ಚ್ 12ಕ್ಕೆ ಕೊನೆಗೊಂಡ ವಾರಾಂತ್ಯದಲ್ಲಿ ಮತ್ತೆ ಎರಡಂಕಿಗೆ ಏರಿಕೆಯಾಗಿದೆ.<br /> <br /> ತರಕಾರಿ, ಹಣ್ಣು ಮತ್ತು ಪ್ರೋಟಿನ್ ಆಧಾರಿತ ಸರಕುಗಳು ದುಬಾರಿಯಾಗಿದ್ದರಿಂದ ಆಹಾರ ಹಣದುಬ್ಬರವು ಹಿಂದಿನ ವಾರದ ಶೇ 9.42ದಿಂದ ಶೇ 10.05ಕ್ಕೆ ಏರಿಕೆಯಾಗಿದೆ.<br /> <br /> ಕಳೆದ ಮೂರು ವಾರಗಳಿಂದ ಇಳಿಕೆ ಪ್ರವೃತ್ತಿ ತೋರಿಸುತ್ತಿದ್ದ ಹಣದುಬ್ಬರವು ಮಾರ್ಚ್ 5ಕ್ಕೆ ಕೊನೆಗೊಂಡಿದ್ದ ವಾರಾಂತ್ಯದಲ್ಲಿ ಒಂದಂಕಿಗೆ ಇಳಿದಿತ್ತು.<br /> <br /> ಹಣದುಬ್ಬರ ಪರಾಮರ್ಶಿಸುವ ಅವಧಿಯಲ್ಲಿ ತರಕಾರಿ ಬೆಲೆ ವರ್ಷದಿಂದ ವರ್ಷಕ್ಕೆ ಶೇ 11.20, ಹಣ್ಣು ಶೇ 23.60, ಮೊಟ್ಟೆ, ಮಾಂಸ ಮತ್ತು ಮೀನು ಶೇ 13.21ರಷ್ಟು ತುಟ್ಟಿಯಾಗಿವೆ.<br /> <br /> ಬೇಡಿಕೆ ಮತ್ತು ಪೂರೈಕೆಯಲ್ಲಿನ ಅಸಮತೋಲನವು ಆಹಾರ ಪದಾರ್ಥಗಳ ಬೆಲೆ ಏರಿಕೆಗೆ ಮುಖ್ಯ ಕಾರಣವಾಗಿದೆ. ಶೀಘ್ರವಾಗಿ ಕೊಳೆಯುವ ತರಕಾರಿ ಮತ್ತು ಹಣ್ಣುಗಳ ಬೆಲೆಗಳು ಗಮನಾರ್ಹ ಏರಿಳಿತ ಕಾಣುತ್ತಿವೆ.<br /> <br /> ಆಹಾರ ಹಣದುಬ್ಬರ ಮತ್ತೆ ಎರಡಂಕಿಗೆ ಏರಿಕೆಯಾಗಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ. ಪೂರೈಕೆಯಲ್ಲಿನ ಅಡಚಣೆ ಕಾರಣದಿಂದ ಬೆಲೆಗಳು ಮತ್ತೆ ಏರಿಕೆ ಹಾದಿಯಲ್ಲಿ ಇವೆ ಎಂದು ಎಚ್ಡಿಎಫ್ಸಿ ಬ್ಯಾಂಕ್ ಮುಖ್ಯ ಆರ್ಥಿಕ ತಜ್ಞ ಬರುವಾ ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಸಮಗ್ರ ಹಣದುಬ್ಬರವು 2010ರ ಮಾರ್ಚ್ ತಿಂಗಳಿನಿಂದ ಶೇ 8ಕ್ಕಿಂತ ಹೆಚ್ಚಿನ ಮಟ್ಟದಲ್ಲಿಯೇ ಇದೆ. ಈ ವರ್ಷದ ಫೆಬ್ರುವರಿ ತಿಂಗಳಲ್ಲಿ ಶೇ 8.31ರಷ್ಟು ದಾಖಲಾಗಿತ್ತು. ಬೆಳವಣಿಗೆ ಮತ್ತು ಹಣದುಬ್ಬರ ಮಧ್ಯೆ ಸಮತೋಲನ ಸಾಧಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ ಇನ್ನಷ್ಟು ಕಠಿಣ ಕ್ರಮ ಕೈಗೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ.<br /> <br /> ಮೇ ತಿಂಗಳಲ್ಲಿ ಪ್ರಕಟಿಸಲಿರುವ ಮಧ್ಯಂತರ ಹಣಕಾಸು ನೀತಿ ಪರಾಮರ್ಶೆಯಲ್ಲಿ ರೆಪೊ ಮತ್ತು ರಿವರ್ಸ್ ರೆಪೊ ದರಗಳನ್ನು ಶೇ 0.25ರಷ್ಟು ಹೆಚ್ಚಿಸುವ ಸಾಧ್ಯತೆಗಳಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
