<p>ಕಾಲೇಜಿನ ಮೊದಲ ದಿನ ಎಂದರೆ ಎಲ್ಲದೂ ಹೊಸತೇ. ಕ್ಯಾಂಪಸ್, ಅಧ್ಯಾಪಕರು, ಗೆಳೆಯರು ಎಲ್ಲರೂ ಹೊಸಬರೇ. ಹಾಗಾಗಿ ಒಂದಷ್ಟು ಉದ್ವೇಗ, ಒಂದಷ್ಟು ಕುತೂಹಲ, ಒಂದಷ್ಟು ತಳಮಳ ಸಾಮಾನ್ಯ. ಅಂತೆಯೇ ಬೆಂಗಳೂರಿನ ಜ್ಯೋತಿ ನಿವಾಸ್ ಕಾಲೇಜಿನ ವಿದ್ಯಾರ್ಥಿಗಳಿಗೆ ಮೊದಲ ದಿನವಂತೂ ಇವೆಲ್ಲವೂ ಮಿಳಿತಗೊಂಡಿತ್ತು. <br /> <br /> ಕಾಲೇಜು ಪ್ರವೇಶಿಸಿದ ಆ ಉತ್ಸಾಹದಲ್ಲಿ ಅವರು ತಮ್ಮ ಭವಿಷ್ಯದ ಕನಸುಗಳ ಬಗ್ಗೆ, ಕಾಲೇಜಿನ ಮೊದಲ ದಿನದ ಅನುಭವಗಳ ಬಗ್ಗೆ ಸಾಕಷ್ಟು ಮಾತುಗಳನ್ನು ಹಂಚಿಕೊಂಡರು. ಪತ್ರಕರ್ತೆ, ವೈದ್ಯೆ, ಎಂಜಿನಿಯರ್ನಿಂದ ಹಿಡಿದು ಚಾರ್ಟರ್ಡ್ ಅಕೌಂಟೆಂಟ್ ಆಗುವ ಕುರಿತು ಅವರು ಕನಸುಗಳನ್ನು ಅವರು ಹೆಣೆಯುತ್ತಿದ್ದಾರೆ.<br /> <br /> ಪ್ರಥಮ ಪಿಯುಸಿ ಕಲಾ ವಿಭಾಗದ ವೀಣಾಗಂತೂ ಇಲ್ಲಿನ ಅಧ್ಯಾಪಕರ ಮೇಲೆ ಎಲ್ಲಿಲ್ಲದ ಮಮತೆ. `ಅವರು ಚೆನ್ನಾಗಿ ಕಲಿಸುತ್ತಾರೆ. ಮಾತ್ರವಲ್ಲ, ಸೀನಿಯರ್ ವಿದ್ಯಾರ್ಥಿಗಳೂ ಒಳ್ಳೆಯವರೇ~ ಇದು ವೀಣಾಳ ಅಭಿಪ್ರಾಯ. <br /> <br /> ವೀಣಾಳ ಹೆಚ್ಚಿನ ಸಂಬಂಧಿಗಳು ಇದೇ ಕಾಲೇಜಿನ ಹಳೆ ವಿದ್ಯಾರ್ಥಿಗಳಾಗಿದ್ದಾರೆ. ಅದರಲ್ಲೂ ತಂದೆಯ ಸಂಬಂಧಿಯೊಬ್ಬರಂತೂ ಕಾಲೇಜಿನ ಪ್ರಾಂಶುಪಾಲರೂ ಆಗಿದ್ದರಂತೆ.<br /> <br /> ಕಾಮರ್ಸ್ ವಿದ್ಯಾರ್ಥಿಗಳಂತೂ ಕಾಲೇಜಿನ ಜತೆ ಈಗಾಗಲೇ ಹೊಂದಿಕೊಂಡಾಗಿದೆ. `ಕಾಲೇಜಿನ ಒಳಗೆ ಕಾಲಿಟ್ಟಾಗಲಂತೂ ನಾನು ನರ್ವಸ್ ಆಗಿದ್ದೆ. <br /> <br /> ಎಷ್ಟು ನರ್ವಸ್ ಆಗಿದ್ದೆನೆಂದರೆ ಯಾವುದೋ ಅಪರಿಚಿತರ ಮಧ್ಯೆ ನುಗ್ಗಿದಂತೆ ಅನಿಸಿತು. ವಿದ್ಯಾರ್ಥಿಗಳ ಹೆಸರು ಕೇಳಲು ಕೂಡ ನನಗೆ ಸ್ವಲ್ಪ ಮುಜುಗರವಾಗಿತ್ತು. ಆದರೆ ನಿಧಾನವಾಗಿ ನಾನು ಸ್ನೇಹಿತರ ಗುಂಪನ್ನು ಕಟ್ಟಿಕೊಂಡೆ.~ ಇದು ಚಾರ್ಟರ್ಡ್ ಅಕೌಂಟೆಂಟ್ ಆಗಲು ಬಯಸುವ ಅಲೀನಾಳ ಅಭಿಪ್ರಾಯ.<br /> <br /> ಕಾಮರ್ಸ್ನ ಇನ್ನೋರ್ವ ವಿದ್ಯಾರ್ಥಿನಿ ಶರೋನ್ ಸ್ಟೀಫನ್ಸನ್ಗಂತೂ ಕಾಲೇಜಿನ ಮೊದಲ ದಿನ ಕುತೂಹಲದ ದಿನವಾಗಿತ್ತಂತೆ. `ನನ್ನದು ಯಾವ ತರಗತಿ ಎಂದು ಗೊತ್ತಿರಲಿಲ್ಲ. <br /> <br /> ಹಾಗಾಗಿ ಒಂದು ತರಗತಿಯಿಂದ ಇನ್ನೊಂದು ತರಗತಿಗೆ ಬದಲಾಗುತ್ತಾ ಇದ್ದೆ~ ಎಂದು ನಗುತ್ತಾ ಹೇಳಿದಳು. `ಸೀನಿಯರ್ಗಳು ತುಂಬಾ ಒಳ್ಳೆಯವರಾಗಿದ್ದರು. <br /> <br /> ಅವರು ನನಗೆ ಕಾಲೇಜಿನ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದರು~ ಎಂದು ಆಕೆ ವಿವರಿಸಿದಳು. ಈಗಂತೂ ಆಕೆ ನೃತ್ಯದ ಆಡಿಷನ್ನಲ್ಲಿ ಭಾಗವಹಿಸುತ್ತಿದ್ದು ಕಾಲೇಜಿನ ನೃತ್ಯ ತಂಡಕ್ಕೆ ಆಯ್ಕೆಯಾಗುವ ಸಾಧ್ಯತೆ ಇದೆ. ಬ್ಯಾಡ್ಮಿಂಟನ್ ಮತ್ತು ಥ್ರೋಬಾಲ್ ಆಡುವುದೂ ತನಗಿಷ್ಟ ಎನ್ನುತ್ತಾಳೆ ಆಕೆ.<br /> <br /> ವಿಜ್ಞಾನ ವಿಭಾಗದ ಪಿಸಿಎಂಬಿ ವಿದ್ಯಾರ್ಥಿಯಾಗಿರುವ ನೇಹಾ ಕಾಲೇಜಿನ ಆತ್ಮೀಯ ವಾತಾವರಣವನ್ನು ಇಷ್ಟಪಡುತ್ತಾಳೆ. `ನಾನಂತೂ ಬಹಳಷ್ಟು ಗೆಳೆಯರನ್ನು ಸಂಪಾದಿಸಿಕೊಂಡೆ. ಬಯಾಲಜಿ ಸ್ವಲ್ಪ ಕಷ್ಟ ಅಂತ ನನಗನ್ನಿಸುತ್ತಿದೆ. <br /> <br /> ಹಾಗಾಗಿ ನಾನು ಸ್ವಲ್ಪ ಹಾರ್ಡ್ವರ್ಕ್ ಮಾಡಲೇ ಬೇಕು. ಆದರೆ ಡಾನ್ಸ್ ಮಾಡುವುದು ಬಾಸ್ಕೆಟ್ಬಾಲ್, ಫುಟ್ಬಾಲ್ ಮತ್ತು ಬ್ಯಾಡ್ಮಿಂಟನ್ ನನಗಿಷ್ಟ~ ಎನ್ನುತ್ತಾಳೆ ಆಕೆ.<br /> ಜ್ಯೋತಿ ನಿವಾಸ್ಗೆ ಸೇರುವುದಕ್ಕಿಂತ ಮೊದಲೇ ತಮನ್ನಾ ಮತ್ತು ನೇಹಾ ಒಂದೇ ಶಾಲೆಯಲ್ಲಿ ಓದುತ್ತಿದ್ದರು. <br /> <br /> ಈಗಲೂ ಜೊತೆಯಾಗಿರುವುದಕ್ಕೆ ಅವರು ಖುಷಿಯಾಗಿದ್ದಾರೆ ಜೊತೆಗೆ ಹೊಸ ಹೊಸ ಸ್ನೇಹಿತರನ್ನು ಸಂಪಾದಿಸುವಲ್ಲಿ ನಿರತರಾಗಿದ್ದಾರೆ. `ನಾನಂತೂ ತಮನ್ನಾಳ ಸೆಕ್ಷನ್ನಲ್ಲಿ ಕುಳಿತಿದ್ದೆ~ ಎಂದು ಹೇಳುವಾಗ ನೇಹಾ ಮುಖದಲ್ಲಿ ನಗುವಿನ ಅಲೆ. ಉಳಿದವರಂತೆಯೇ ಆಕೆಗೂ ಡಾನ್ಸ್ ತುಂಬಾ ಇಷ್ಟ. <br /> <br /> `ನನಗೆ ಕ್ರೈಸ್ಟ್ ಕಾಲೇಜಿನಲ್ಲಿ ಸೀಟು ದೊರಕಿತ್ತು. ಆದರೆ ಜ್ಯೋತಿ ನಿವಾಸ್ಗೆ ಸೇರಬೇಕೆಂದು ನನ್ನ ಹೆತ್ತವರು ಒತ್ತಾಯಿಸಿದರು. ನಾನು ಕೊ ಎಜುಕೇಶನ್ ಶಾಲೆಯಲ್ಲಿ ಕಲಿತ ಕಾರಣ ಆರಂಭದಲ್ಲಿ ಹುಡುಗಿಯರ ಕಾಲೇಜಿಗೆ ಬಂದಾಗ ಏನೋ ಸ್ಟ್ರೇಂಜ್ ಎನ್ನಿಸಿತ್ತು. <br /> <br /> ಆದರೆ ಈಗ ನಿಜವಾಗಿಯೂ ಎಂಜಾಯ್ ಮಾಡುತ್ತಿದ್ದೇನೆ~ ತಮನ್ನಾ ಹೇಳುತ್ತಾಳೆ. ತಮನ್ನಾಳಂತೂ ಎಲ್ಲದರಲ್ಲಲ್ಲೂ ಎತ್ತಿದ ಕೈ. ಹಾಗಾಗಿ ಕೊಯರ್, ಬಾಸ್ಕೆಟ್ಬಾಲ್, ನಾಟಕ ಮತ್ತು ನೃತ್ಯದಲ್ಲೂ ಭಾಗವಹಿಸಲು ಮುಂದಾಗಿದ್ದಾಳೆ.<br /> <br /> ಕಾಮರ್ಸ್ ವಿದ್ಯಾರ್ಥಿಯಾದ ನತಾಶಾಳಂತೂ ತರಗತಿಯ ಪ್ರತಿನಿಧಿಯಾಗಲು ಬಯಸುತ್ತಾಳೆ. `ಈ ವರ್ಷ ನನಗೆ ತರಗತಿ ಮತ್ತು ಕ್ರೀಡಾ ಪ್ರತಿನಿಧಿಯಾಗಲು ಇಷ್ಟವಿದೆ. ಮುಂದಿನ ವರ್ಷ ಕಾಲೇಜಿನ ಕ್ರೀಡಾ ಪ್ರತಿನಿಧಿಯಾಗಲು ಬಯಸುತ್ತೇನೆ~ ಎನ್ನುತ್ತಾಳೆ. <br /> <br /> ಇದುವರೆಗೂ ನಾನೂ ಒಳ್ಳೆಯ ಸಮಯವನ್ನು ಕಳೆದಿದ್ದೇನೆ. ಸೀನಿಯರ್ಗಳು ಕೂಡ ಚೆನ್ನಾಗಿದ್ದಾರೆ ಎಂದು ಹೇಳಲು ಆಕೆ ಮರೆಯಲಿಲ್ಲ. ಕಾಲೇಜಿನ ಬಗ್ಗೆ ತಿಳಿದುಕೊಳ್ಳಲು ಮತ್ತು ಕ್ಯಾಂಪಸ್ನೊಳಗೆ ಹಾಗೂ ಸಮೀಪದಲ್ಲಿನ ಫಲಾಹಾರಗಳು ಸಿಗುವ ಸ್ಥಳಗಳನ್ನು ಹುಡುಕುವುದರಲ್ಲಿ ಫ್ರೆಶರ್ಗಳು ನಿರತರಾಗಿದ್ದಾರೆ. <br /> <br /> ಇನ್ನು ಸ್ಟೈಲ್ ಬಗ್ಗೆ ಹೇಳುವುದಾದಲ್ಲಿ ಕಾಲೇಜಿನ ಡ್ರೆಸ್ಕೋಡ್ ಅನ್ನು ಗಮನದಲ್ಲಿಟ್ಟುಕೊಂಡು ತಮ್ಮದೇ ಸ್ಟೈಲ್ ಸ್ಟೇಟ್ಮೆಂಟ್ಗಳನ್ನು ಹುಡುಕುವುದರಲ್ಲಿ ಅವರೀಗ ತಲ್ಲೆನರಾಗಿದ್ದಾರೆ. ಎಲ್ಲರಿಗೂ ಆಲ್ ದಿ ಬೆಸ್ಟ್ ಹೇಳೋಣ...<br /> <br /> <br /> ಕಾಲೇಜು ಪ್ರವೇಶಿಸಿದ ತರುಣ ತರುಣಿಯರ ಕಣ್ಮುಂದೆ ಸಾವಿರ ಕನಸು. ಒಲವಿನ ಬಣ್ಣಗಳ ಕಾಮನಬಿಲ್ಲು. ಹೊತ್ತಿಗೆ ತೆರೆದು ಅಧ್ಯಯನಕ್ಕೆ ಕುಳಿತರೆ ಡಾಕ್ಟರ್, ಎಂಜಿನೀಯರ್, <br /> <br /> ಪತ್ರಕರ್ತ/ರ್ತೆ, ಶಿಕ್ಷಕ/ಕಿ, ಚಾರ್ಟರ್ಡ್ ಅಕೌಂಟೆಂಟ್ ಆಗುವ ಮತ್ತದೇ ಭವಿಷ್ಯದ ಕನಸು. ಅವರೀಗ ಕ್ಯಾಂಪಸ್ನಲ್ಲಿ ಕನಸುಗಳನ್ನು ಹೆಣೆಯುತ್ತಿದ್ದಾರೆ...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಾಲೇಜಿನ ಮೊದಲ ದಿನ ಎಂದರೆ ಎಲ್ಲದೂ ಹೊಸತೇ. ಕ್ಯಾಂಪಸ್, ಅಧ್ಯಾಪಕರು, ಗೆಳೆಯರು ಎಲ್ಲರೂ ಹೊಸಬರೇ. ಹಾಗಾಗಿ ಒಂದಷ್ಟು ಉದ್ವೇಗ, ಒಂದಷ್ಟು ಕುತೂಹಲ, ಒಂದಷ್ಟು ತಳಮಳ ಸಾಮಾನ್ಯ. ಅಂತೆಯೇ ಬೆಂಗಳೂರಿನ ಜ್ಯೋತಿ ನಿವಾಸ್ ಕಾಲೇಜಿನ ವಿದ್ಯಾರ್ಥಿಗಳಿಗೆ ಮೊದಲ ದಿನವಂತೂ ಇವೆಲ್ಲವೂ ಮಿಳಿತಗೊಂಡಿತ್ತು. <br /> <br /> ಕಾಲೇಜು ಪ್ರವೇಶಿಸಿದ ಆ ಉತ್ಸಾಹದಲ್ಲಿ ಅವರು ತಮ್ಮ ಭವಿಷ್ಯದ ಕನಸುಗಳ ಬಗ್ಗೆ, ಕಾಲೇಜಿನ ಮೊದಲ ದಿನದ ಅನುಭವಗಳ ಬಗ್ಗೆ ಸಾಕಷ್ಟು ಮಾತುಗಳನ್ನು ಹಂಚಿಕೊಂಡರು. ಪತ್ರಕರ್ತೆ, ವೈದ್ಯೆ, ಎಂಜಿನಿಯರ್ನಿಂದ ಹಿಡಿದು ಚಾರ್ಟರ್ಡ್ ಅಕೌಂಟೆಂಟ್ ಆಗುವ ಕುರಿತು ಅವರು ಕನಸುಗಳನ್ನು ಅವರು ಹೆಣೆಯುತ್ತಿದ್ದಾರೆ.<br /> <br /> ಪ್ರಥಮ ಪಿಯುಸಿ ಕಲಾ ವಿಭಾಗದ ವೀಣಾಗಂತೂ ಇಲ್ಲಿನ ಅಧ್ಯಾಪಕರ ಮೇಲೆ ಎಲ್ಲಿಲ್ಲದ ಮಮತೆ. `ಅವರು ಚೆನ್ನಾಗಿ ಕಲಿಸುತ್ತಾರೆ. ಮಾತ್ರವಲ್ಲ, ಸೀನಿಯರ್ ವಿದ್ಯಾರ್ಥಿಗಳೂ ಒಳ್ಳೆಯವರೇ~ ಇದು ವೀಣಾಳ ಅಭಿಪ್ರಾಯ. <br /> <br /> ವೀಣಾಳ ಹೆಚ್ಚಿನ ಸಂಬಂಧಿಗಳು ಇದೇ ಕಾಲೇಜಿನ ಹಳೆ ವಿದ್ಯಾರ್ಥಿಗಳಾಗಿದ್ದಾರೆ. ಅದರಲ್ಲೂ ತಂದೆಯ ಸಂಬಂಧಿಯೊಬ್ಬರಂತೂ ಕಾಲೇಜಿನ ಪ್ರಾಂಶುಪಾಲರೂ ಆಗಿದ್ದರಂತೆ.<br /> <br /> ಕಾಮರ್ಸ್ ವಿದ್ಯಾರ್ಥಿಗಳಂತೂ ಕಾಲೇಜಿನ ಜತೆ ಈಗಾಗಲೇ ಹೊಂದಿಕೊಂಡಾಗಿದೆ. `ಕಾಲೇಜಿನ ಒಳಗೆ ಕಾಲಿಟ್ಟಾಗಲಂತೂ ನಾನು ನರ್ವಸ್ ಆಗಿದ್ದೆ. <br /> <br /> ಎಷ್ಟು ನರ್ವಸ್ ಆಗಿದ್ದೆನೆಂದರೆ ಯಾವುದೋ ಅಪರಿಚಿತರ ಮಧ್ಯೆ ನುಗ್ಗಿದಂತೆ ಅನಿಸಿತು. ವಿದ್ಯಾರ್ಥಿಗಳ ಹೆಸರು ಕೇಳಲು ಕೂಡ ನನಗೆ ಸ್ವಲ್ಪ ಮುಜುಗರವಾಗಿತ್ತು. ಆದರೆ ನಿಧಾನವಾಗಿ ನಾನು ಸ್ನೇಹಿತರ ಗುಂಪನ್ನು ಕಟ್ಟಿಕೊಂಡೆ.~ ಇದು ಚಾರ್ಟರ್ಡ್ ಅಕೌಂಟೆಂಟ್ ಆಗಲು ಬಯಸುವ ಅಲೀನಾಳ ಅಭಿಪ್ರಾಯ.<br /> <br /> ಕಾಮರ್ಸ್ನ ಇನ್ನೋರ್ವ ವಿದ್ಯಾರ್ಥಿನಿ ಶರೋನ್ ಸ್ಟೀಫನ್ಸನ್ಗಂತೂ ಕಾಲೇಜಿನ ಮೊದಲ ದಿನ ಕುತೂಹಲದ ದಿನವಾಗಿತ್ತಂತೆ. `ನನ್ನದು ಯಾವ ತರಗತಿ ಎಂದು ಗೊತ್ತಿರಲಿಲ್ಲ. <br /> <br /> ಹಾಗಾಗಿ ಒಂದು ತರಗತಿಯಿಂದ ಇನ್ನೊಂದು ತರಗತಿಗೆ ಬದಲಾಗುತ್ತಾ ಇದ್ದೆ~ ಎಂದು ನಗುತ್ತಾ ಹೇಳಿದಳು. `ಸೀನಿಯರ್ಗಳು ತುಂಬಾ ಒಳ್ಳೆಯವರಾಗಿದ್ದರು. <br /> <br /> ಅವರು ನನಗೆ ಕಾಲೇಜಿನ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದರು~ ಎಂದು ಆಕೆ ವಿವರಿಸಿದಳು. ಈಗಂತೂ ಆಕೆ ನೃತ್ಯದ ಆಡಿಷನ್ನಲ್ಲಿ ಭಾಗವಹಿಸುತ್ತಿದ್ದು ಕಾಲೇಜಿನ ನೃತ್ಯ ತಂಡಕ್ಕೆ ಆಯ್ಕೆಯಾಗುವ ಸಾಧ್ಯತೆ ಇದೆ. ಬ್ಯಾಡ್ಮಿಂಟನ್ ಮತ್ತು ಥ್ರೋಬಾಲ್ ಆಡುವುದೂ ತನಗಿಷ್ಟ ಎನ್ನುತ್ತಾಳೆ ಆಕೆ.<br /> <br /> ವಿಜ್ಞಾನ ವಿಭಾಗದ ಪಿಸಿಎಂಬಿ ವಿದ್ಯಾರ್ಥಿಯಾಗಿರುವ ನೇಹಾ ಕಾಲೇಜಿನ ಆತ್ಮೀಯ ವಾತಾವರಣವನ್ನು ಇಷ್ಟಪಡುತ್ತಾಳೆ. `ನಾನಂತೂ ಬಹಳಷ್ಟು ಗೆಳೆಯರನ್ನು ಸಂಪಾದಿಸಿಕೊಂಡೆ. ಬಯಾಲಜಿ ಸ್ವಲ್ಪ ಕಷ್ಟ ಅಂತ ನನಗನ್ನಿಸುತ್ತಿದೆ. <br /> <br /> ಹಾಗಾಗಿ ನಾನು ಸ್ವಲ್ಪ ಹಾರ್ಡ್ವರ್ಕ್ ಮಾಡಲೇ ಬೇಕು. ಆದರೆ ಡಾನ್ಸ್ ಮಾಡುವುದು ಬಾಸ್ಕೆಟ್ಬಾಲ್, ಫುಟ್ಬಾಲ್ ಮತ್ತು ಬ್ಯಾಡ್ಮಿಂಟನ್ ನನಗಿಷ್ಟ~ ಎನ್ನುತ್ತಾಳೆ ಆಕೆ.<br /> ಜ್ಯೋತಿ ನಿವಾಸ್ಗೆ ಸೇರುವುದಕ್ಕಿಂತ ಮೊದಲೇ ತಮನ್ನಾ ಮತ್ತು ನೇಹಾ ಒಂದೇ ಶಾಲೆಯಲ್ಲಿ ಓದುತ್ತಿದ್ದರು. <br /> <br /> ಈಗಲೂ ಜೊತೆಯಾಗಿರುವುದಕ್ಕೆ ಅವರು ಖುಷಿಯಾಗಿದ್ದಾರೆ ಜೊತೆಗೆ ಹೊಸ ಹೊಸ ಸ್ನೇಹಿತರನ್ನು ಸಂಪಾದಿಸುವಲ್ಲಿ ನಿರತರಾಗಿದ್ದಾರೆ. `ನಾನಂತೂ ತಮನ್ನಾಳ ಸೆಕ್ಷನ್ನಲ್ಲಿ ಕುಳಿತಿದ್ದೆ~ ಎಂದು ಹೇಳುವಾಗ ನೇಹಾ ಮುಖದಲ್ಲಿ ನಗುವಿನ ಅಲೆ. ಉಳಿದವರಂತೆಯೇ ಆಕೆಗೂ ಡಾನ್ಸ್ ತುಂಬಾ ಇಷ್ಟ. <br /> <br /> `ನನಗೆ ಕ್ರೈಸ್ಟ್ ಕಾಲೇಜಿನಲ್ಲಿ ಸೀಟು ದೊರಕಿತ್ತು. ಆದರೆ ಜ್ಯೋತಿ ನಿವಾಸ್ಗೆ ಸೇರಬೇಕೆಂದು ನನ್ನ ಹೆತ್ತವರು ಒತ್ತಾಯಿಸಿದರು. ನಾನು ಕೊ ಎಜುಕೇಶನ್ ಶಾಲೆಯಲ್ಲಿ ಕಲಿತ ಕಾರಣ ಆರಂಭದಲ್ಲಿ ಹುಡುಗಿಯರ ಕಾಲೇಜಿಗೆ ಬಂದಾಗ ಏನೋ ಸ್ಟ್ರೇಂಜ್ ಎನ್ನಿಸಿತ್ತು. <br /> <br /> ಆದರೆ ಈಗ ನಿಜವಾಗಿಯೂ ಎಂಜಾಯ್ ಮಾಡುತ್ತಿದ್ದೇನೆ~ ತಮನ್ನಾ ಹೇಳುತ್ತಾಳೆ. ತಮನ್ನಾಳಂತೂ ಎಲ್ಲದರಲ್ಲಲ್ಲೂ ಎತ್ತಿದ ಕೈ. ಹಾಗಾಗಿ ಕೊಯರ್, ಬಾಸ್ಕೆಟ್ಬಾಲ್, ನಾಟಕ ಮತ್ತು ನೃತ್ಯದಲ್ಲೂ ಭಾಗವಹಿಸಲು ಮುಂದಾಗಿದ್ದಾಳೆ.<br /> <br /> ಕಾಮರ್ಸ್ ವಿದ್ಯಾರ್ಥಿಯಾದ ನತಾಶಾಳಂತೂ ತರಗತಿಯ ಪ್ರತಿನಿಧಿಯಾಗಲು ಬಯಸುತ್ತಾಳೆ. `ಈ ವರ್ಷ ನನಗೆ ತರಗತಿ ಮತ್ತು ಕ್ರೀಡಾ ಪ್ರತಿನಿಧಿಯಾಗಲು ಇಷ್ಟವಿದೆ. ಮುಂದಿನ ವರ್ಷ ಕಾಲೇಜಿನ ಕ್ರೀಡಾ ಪ್ರತಿನಿಧಿಯಾಗಲು ಬಯಸುತ್ತೇನೆ~ ಎನ್ನುತ್ತಾಳೆ. <br /> <br /> ಇದುವರೆಗೂ ನಾನೂ ಒಳ್ಳೆಯ ಸಮಯವನ್ನು ಕಳೆದಿದ್ದೇನೆ. ಸೀನಿಯರ್ಗಳು ಕೂಡ ಚೆನ್ನಾಗಿದ್ದಾರೆ ಎಂದು ಹೇಳಲು ಆಕೆ ಮರೆಯಲಿಲ್ಲ. ಕಾಲೇಜಿನ ಬಗ್ಗೆ ತಿಳಿದುಕೊಳ್ಳಲು ಮತ್ತು ಕ್ಯಾಂಪಸ್ನೊಳಗೆ ಹಾಗೂ ಸಮೀಪದಲ್ಲಿನ ಫಲಾಹಾರಗಳು ಸಿಗುವ ಸ್ಥಳಗಳನ್ನು ಹುಡುಕುವುದರಲ್ಲಿ ಫ್ರೆಶರ್ಗಳು ನಿರತರಾಗಿದ್ದಾರೆ. <br /> <br /> ಇನ್ನು ಸ್ಟೈಲ್ ಬಗ್ಗೆ ಹೇಳುವುದಾದಲ್ಲಿ ಕಾಲೇಜಿನ ಡ್ರೆಸ್ಕೋಡ್ ಅನ್ನು ಗಮನದಲ್ಲಿಟ್ಟುಕೊಂಡು ತಮ್ಮದೇ ಸ್ಟೈಲ್ ಸ್ಟೇಟ್ಮೆಂಟ್ಗಳನ್ನು ಹುಡುಕುವುದರಲ್ಲಿ ಅವರೀಗ ತಲ್ಲೆನರಾಗಿದ್ದಾರೆ. ಎಲ್ಲರಿಗೂ ಆಲ್ ದಿ ಬೆಸ್ಟ್ ಹೇಳೋಣ...<br /> <br /> <br /> ಕಾಲೇಜು ಪ್ರವೇಶಿಸಿದ ತರುಣ ತರುಣಿಯರ ಕಣ್ಮುಂದೆ ಸಾವಿರ ಕನಸು. ಒಲವಿನ ಬಣ್ಣಗಳ ಕಾಮನಬಿಲ್ಲು. ಹೊತ್ತಿಗೆ ತೆರೆದು ಅಧ್ಯಯನಕ್ಕೆ ಕುಳಿತರೆ ಡಾಕ್ಟರ್, ಎಂಜಿನೀಯರ್, <br /> <br /> ಪತ್ರಕರ್ತ/ರ್ತೆ, ಶಿಕ್ಷಕ/ಕಿ, ಚಾರ್ಟರ್ಡ್ ಅಕೌಂಟೆಂಟ್ ಆಗುವ ಮತ್ತದೇ ಭವಿಷ್ಯದ ಕನಸು. ಅವರೀಗ ಕ್ಯಾಂಪಸ್ನಲ್ಲಿ ಕನಸುಗಳನ್ನು ಹೆಣೆಯುತ್ತಿದ್ದಾರೆ...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>