ಸೋಮವಾರ, ಮೇ 17, 2021
31 °C

ಎಂಎಸ್‌ಪಿ ಶಾಲೆಗೆ ಜಯ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕೇರಳದ ಎಂಎಸ್‌ಪಿ ಎಚ್‌ಎಸ್‌ಎಸ್ ಪ್ರೌಢಶಾಲಾ ತಂಡ ಬಿಡಿಎಫ್‌ಎ ಹಾಗೂ ಪ್ರೊಕಾಮ್ ಇಂಟರ್ ನ್ಯಾಷನಲ್ ಲಿಮಿಟೆಡ್ ಆಶ್ರಯದಲ್ಲಿ ನಡೆಯುತ್ತಿರುವ ಮಹೀಂದ್ರಾ ಯೂತ್ ಚಾಲೆಂಜ್ ಅಂತರ ಶಾಲಾ ಫುಟ್‌ಬಾಲ್ ಟೂರ್ನಿಯ ಪಂದ್ಯದಲ್ಲಿ 3-0ಗೋಲುಗಳಿಂದ ಗೋವಾದ ಬ್ರಿಟ್ಟೊ ಶಾಲಾ ತಂಡವನ್ನು ಮಣಿಸಿತು.



ವಿಜಯಿ ತಂಡದ ಮಹಮ್ಮದ್ ಸಾಜಿದ್ ಖಾನ್ 9 ಹಾಗೂ 18ನೇ ನಿಮಿಷದಲ್ಲಿ ಗೋಲು ಗಳಿಸಿದರೆ, ರೆಹಮಾನ್ 35ನೇ ನಿಮಿಷದಲ್ಲಿ ಗೋಲು ತಂದಿಟ್ಟು ಗೆಲುವಿನ ರೂವಾರಿಯೆನಿಸಿದರು.



ಎಂಎಸ್‌ಪಿ ಶಾಲೆ ವಿರಾಮದ ವೇಳೆಗೆ 3-0ರಲ್ಲಿ ಮುನ್ನಡೆ ಸಾಧಿಸಿತ್ತು. ಎರಡು ಗೋಲುಗಳನ್ನು ಗಳಿಸಿದ ಸಾಜಿದ್ `ಪಂದ್ಯ ಶ್ರೇಷ್ಠ~ ಗೌರವ ಪಡೆದರು.



ದಿನದ ಇತರ ಪಂದ್ಯಗಳಲ್ಲಿ ಕೋಲ್ಕತ್ತದ ಪಂಧು ಎಸ್‌ಬಿಎಸ್ ಪ್ರೌಢಶಾಲೆ 3-0ಗೋಲುಗಳಿಂದ ಮುಂಬೈನ ಡಾನ್ ಬಾಸ್ಕೊ ಪ್ರೌಢಶಾಲಾ ತಂಡದ ಮೇಲೂ, ದೆಹಲಿಯ ಸಿಆರ್‌ಪಿಎಫ್ ಶಾಲೆ 1-0 ಗೋಲಿನಿಂದ ಆತಿಥೇಯ ಬೆಂಗಳೂರಿನ ಅಲೋಶಿಯಸ್ ಶಾಲಾ ತಂಡದ ವಿರುದ್ಧವೂ ಗೆಲುವು ಸಾಧಿಸಿತು. ಸಿಆರ್‌ಪಿಎಫ್ ತಂಡದ ದಿನೇಶ್ ಸುಹಾಗ್ 41ನೇ ನಿಮಿಷದಲ್ಲಿ ಗೋಲು ಗಳಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.