ಎಮ್ಮೆ ಸಾಗಾಟ: ಇಬ್ಬರ ಬಂಧನ

ಮುಂಡಗೋಡ ( ಉತ್ತರ ಕನ್ನಡ): ಪರವಾನಗಿ ಇಲ್ಲದೇ ವಾಹನದಲ್ಲಿ ಸಾಗಿಸುತ್ತಿದ್ದ ಮೂರು ಎಮ್ಮೆಗಳನ್ನು ಶುಕ್ರವಾರ ಪೊಲೀಸರು ವಶಪಡಿಸಿಕೊಂಡಿದ್ದು, ಈ ಸಂಬಂಧ ಇಬ್ಬರನ್ನು ಬಂಧಿಸಿದ್ದಾರೆ.



ಹಾವೇರಿ ಜಿಲ್ಲೆಯ ಶಿಗ್ಗಾವಿ ತಾಲ್ಲೂಕಿನ ಕುನ್ನೂರ ಗ್ರಾಮದ ನೂರ್ ಅಹ್ಮದ್‌ ಅಟೇಲ್‌ಸಾಬ್‌ ಒಂಟಿ ಹಾಗೂ ಹಿರೇಮಲ್ಲೂರ ಗ್ರಾಮದ ಅಬ್ದುಲ್‌ಖಾದರ್ ಹುಸೇನಸಾಬ್ ಗೋಂದಿ ಬಂಧಿತರು.



ಆರೋಪಿಗಳು ತಾಲ್ಲೂಕಿನ ಚವಡಳ್ಳಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಬ್ಯಾನಳ್ಳಿ ಕ್ರಾಸ್‌ನಲ್ಲಿ ಶುಕ್ರವಾರ ಮಧ್ಯರಾತ್ರಿ ಜಾನುವಾರು ಸಾಗಿಸುತ್ತಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಪಡೆದು, ಪಿಎಸ್ಐ ಲಕ್ಕಪ್ಪ ನಾಯ್ಕ ನೇತೃತ್ವದ ಪೊಲೀಸ್‌ ತಂಡ ದಾಳಿ ನಡೆಸಿದೆ. ಮೂರು ಎಮ್ಮೆಗಳನ್ನು ಸದ್ಯ ಇಲ್ಲಿಯ ಪೊಲೀಸ್ ಠಾಣೆ ಆವರಣದಲ್ಲಿ ಕಟ್ಟಿಹಾಕಲಾಗಿದೆ.