<p><strong>*ನಾನು ಬಿ.ಇ ಕೋರ್ಸ್ ಸೇರಿದ್ದೇನೆ. ನನಗೆ ಓದಿದ್ದು ನೆನಪೇ ಇರುವುದಿಲ್ಲ. ಬೇಗ ಮರೆತುಹೋಗುತ್ತದೆ. ಏನು ಮಾಡುವುದು?<br /> <em>-ಸಾತ್ವಿಕ್, ಬೆಂಗಳೂರು</em></strong></p>.<p>ಪರೀಕ್ಷೆ ಹತ್ತಿರ ಇದೆ ಎಂದಾಗ ಓದಲು ಶುರು ಮಾಡುವುದು ಎಲ್ಲ ವಿದ್ಯಾರ್ಥಿಗಳು ಮಾಡುವ ಸಾಮಾನ್ಯ ತಪ್ಪು. ಪರೀಕ್ಷೆ ಬರೆದು ಪಾಸಾಗುವುದು ಮಾತ್ರವೇ ಓದಿನ ಉದ್ದೇಶವಾಗಿರಬಾರದು. ವಿಷಯದ ಬಗ್ಗೆ ಆಳವಾದ ಅಧ್ಯಯನ ನಡೆಸುವುದು, ಒಂದು ವಿಷಯದ ಬಗ್ಗೆ ಸೂಕ್ಷ್ಮವಾಗಿ ತಿಳಿದುಕೊಳ್ಳುವುದು ಓದಿನ ಉದ್ದೇಶವಾಗಬೇಕು.<br /> <br /> ಪ್ರತಿದಿನವೂ ತರಗತಿಗೆ ಹಾಜರಾಗಬೇಕು. ಅಲ್ಲಿ ಗಮನವಿಟ್ಟು ಪಾಠ ಕೇಳಬೇಕು. ಅದನ್ನು ಅದೇ ದಿನ ಪುನಃ ಓದಿ ಅರ್ಥ ಮಾಡಿಕೊಳ್ಳಬೇಕು. ಪ್ರತಿದಿನವೂ ಇದೇ ಅಭ್ಯಾಸ ಮುಂದುವರಿಸಿದರೆ ಓದಿದ ಪಾಠ ಮರೆಯುವುದಿಲ್ಲ. ಇದನ್ನು ಬಿಟ್ಟು ಕಲಿಕೆಗೆ ಸುಲಭ ಮಾರ್ಗ ಹುಡುಕುವುದು ಸರಿಯಲ್ಲ.<br /> <br /> <strong>*ಎಲ್ಲರೂ ನನ್ನನ್ನು ದಡ್ಡ, ಬೇಗ ಏನೂ ಕಲಿಯಲ್ಲ ಅಂತಾರೆ. ನನಗೆ ಹಾಡು ಹೇಳೋಕೆ ಬರುತ್ತೆ. ಚಿತ್ರ ಬರೆಯೋಕೆ ಬರುತ್ತೆ. ಅಕ್ಷರಗಳನ್ನು ಓದಿ ಕಲಿಯೋದ್ರಲ್ಲಿ ಮಜಾ ಇಲ್ಲ ಅನ್ಸುತ್ತೆ. ನಾನು ನಿಜವಾಗ್ಲೂ ದಡ್ಡನಾ?</strong><br /> <em>-ಕೋದಂಡರಾಮ, 5ನೇ ತರಗತಿ, ಹೆಬ್ಬಾಳ</em></p>.<p>ನೋಡು ಪುಟ್ಟಾ, ಇಷ್ಟು ಚಿಕ್ಕ ವಯಸ್ಸಿನಲ್ಲಿ ನಿನಗೆ ಸಂಗೀತ ಮತ್ತು ಚಿತ್ರಕಲೆಯಲ್ಲಿ ಇಷ್ಟೆಲ್ಲಾ ಆಸಕ್ತಿ ಇರುವುದು ತುಂಬಾ ಒಳ್ಳೆಯದು. ಇದು ನಿನಗೆ ಹುಟ್ಟುತ್ತಲೇ ಬಂದಿರುವ ಕಲೆ. ಇದರಲ್ಲಿಯೇ ನೀನು ಮುಂದುವರಿಯಬೇಕು ಎಂದರೂ ಅದರ ಬಗ್ಗೆ ಹೆಚ್ಚಿಗೆ ತಿಳಿದುಕೊಳ್ಳಬೇಕು ಅಲ್ವಾ?<br /> ಅದೆಲ್ಲಾ ತಿಳಿದುಕೊಳ್ಳಬೇಕು ಎಂದರೆ ನೀನು ಓದಬೇಕು. ದಿನವೂ ಶಾಲೆಗೆ ಹೋಗಬೇಕು. ಸಂಗೀತ, ಚಿತ್ರಕಲೆಯಂತೆಯೇ ನಿನ್ನ ಶಾಲೆಯ ಪುಸ್ತಕ ಕೂಡ ಎಂದು ತಿಳಿದು ಅದರಲ್ಲೂ ಆಸಕ್ತಿ ತೋರಿಸು.<br /> <br /> ಆಗ ನೋಡು, ನಿನ್ನನ್ನು ದಡ್ಡ ಎನ್ನುವವರೇ ಶಹಭಾಸ್ಗಿರಿ ಕೊಡುತ್ತಾರೆ. ನೀನಿನ್ನು ತುಂಬಾ ಚಿಕ್ಕವ. ಓದಿನ ಜೊತೆ ಸಂಗೀತ ಮತ್ತು ಚಿತ್ರಕಲೆಯನ್ನೂ ಮುಂದುವರಿಸಿದರೆ ನಿನಗೆ ಒಳ್ಳೆಯ ಭವಿಷ್ಯ ಇದೆ.<br /> <br /> <strong>*ನನಗೆ ಹುಡುಗರನ್ನು ಕಂಡರೆ ವಿಪರೀತ ಭಯ. ಯಾವುದಾದರೂ ಹುಡುಗ ಬಂದು ಮಾತಾಡಿಸಿದರೆ ನಡುಗಲಾರಂಭಿಸುತ್ತೇನೆ. ಬಾಯಿ ಒಣಗಿ ಮಾತೇ ಹೊರಡುವುದಿಲ್ಲ. ಹುಡುಗರ ಗುಂಪು ರಸ್ತೆ ಪಕ್ಕ ನಿಂತಿದ್ದರೆ ಅವರನ್ನು ದಾಟಿಕೊಂಡು ಹೋಗುವುದೂ ಸಾಧ್ಯವಾಗದೇ ಒದ್ದಾಡುತ್ತೇನೆ. ಇದರಿಂದ ಹೊರಬರುವುದು ಹೇಗೆ...?<br /> <em>-ಶಾಲಿನಿ</em></strong><br /> ವಯಸ್ಸನ್ನು ನೀವು ತಿಳಿಸಿಲ್ಲ. ಆದರೆ ನಿಮ್ಮ ಪ್ರಶ್ನೆ ನೋಡಿದರೆ ನೀವಿನ್ನೂ ಚಿಕ್ಕವರು ಎಂದುಕೊಳ್ಳುತ್ತೇನೆ. ಇದು ಹರಿಹರೆಯದಲ್ಲಿ ಸಾಮಾನ್ಯವಾಗಿ ಎಲ್ಲ ಹೆಣ್ಣುಮಕ್ಕಳೂ ಅನುಭವಿಸುವಂಥದ್ದು.<br /> <br /> ಇದಕ್ಕೇನೂ ಹೆದರಬೇಕಿಲ್ಲ. ನೀವು ಬೆಳೆದ ವಾತಾವರಣ, ನಿಮ್ಮ ಮನೆಯಲ್ಲಿ ಸಹೋದರರು, ಅಪ್ಪ... ಹೀಗೆ ಎಲ್ಲರ ಜೊತೆ ನಡೆದುಕೊಂಡ ರೀತಿ ನಿಮ್ಮ ಮೇಲೆ ಪ್ರಭಾವ ಬೀರುತ್ತದೆ. ಮುಂದೆ ಏನಾದರೂ ಅವಘಡ ಆಗಿಬಿಟ್ಟರೆ ಎಂಬ ಭಯ ಮನಸ್ಸಿನಲ್ಲಿ ಕಾಡತೊಡಗಿದಾಗ ಈ ರೀತಿಯ ಅಭದ್ರತೆ ಕಾಡುವುದು ಸಹಜ. <br /> <br /> ಮೊದಲು ಹೊರಗೆ ಹೋಗುವಾಗ ಜೊತೆಯಲ್ಲಿ ನಿಮ್ಮ ಸ್ನೇಹಿತರು, ಕುಟುಂಬ ವರ್ಗದವರು ಯಾರನ್ನಾದರೂ ಕರೆದುಕೊಂಡು ಹೋಗಿ. ಹೀಗೆ ಮಾಡುತ್ತಿದ್ದರೆ ನಿಮ್ಮಲ್ಲಿರುವ ಭಯ ಹೋಗುತ್ತದೆ.<br /> <br /> ಕ್ರಮೇಣ ನೀವು ಒಬ್ಬರೇ ಹೋಗಬಹುದು ಎಂಬ ವಿಶ್ವಾಸ ಮೂಡುತ್ತದೆ. ತುಂಬಾ ಒಳ್ಳೆಯರು ಎಂದುಕೊಂಡ ಹುಡುಗರನ್ನೂ ಸ್ನೇಹಿತರನ್ನಾಗಿ ಮಾಡಿಕೊಳ್ಳಿ. ಇದರಲ್ಲಿ ಏನೂ ತಪ್ಪು ಇಲ್ಲ. ಆಗ ನಿಧಾನಕ್ಕೆ ನಿಮ್ಮಲ್ಲಿರುವ ಭಯ ಹೋಗಲು ಶುರುವಾಗುತ್ತದೆ.<br /> <br /> ಹೀಗೆಲ್ಲಾ ಮಾಡಿದ ಮೇಲೂ ಭಯ ಹೋಗಿಲ್ಲ ಎಂದರೆ ಮನಃಶಾಸ್ತ್ರಜ್ಞರನ್ನು ಸಂಪರ್ಕಿಸಿ. ಅವರು ನಿಮ್ಮಲ್ಲಿರುವ ಭಯವನ್ನು ದೂರ ಮಾಡಲು ಸಹಾಯ ಮಾಡುತ್ತಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>*ನಾನು ಬಿ.ಇ ಕೋರ್ಸ್ ಸೇರಿದ್ದೇನೆ. ನನಗೆ ಓದಿದ್ದು ನೆನಪೇ ಇರುವುದಿಲ್ಲ. ಬೇಗ ಮರೆತುಹೋಗುತ್ತದೆ. ಏನು ಮಾಡುವುದು?<br /> <em>-ಸಾತ್ವಿಕ್, ಬೆಂಗಳೂರು</em></strong></p>.<p>ಪರೀಕ್ಷೆ ಹತ್ತಿರ ಇದೆ ಎಂದಾಗ ಓದಲು ಶುರು ಮಾಡುವುದು ಎಲ್ಲ ವಿದ್ಯಾರ್ಥಿಗಳು ಮಾಡುವ ಸಾಮಾನ್ಯ ತಪ್ಪು. ಪರೀಕ್ಷೆ ಬರೆದು ಪಾಸಾಗುವುದು ಮಾತ್ರವೇ ಓದಿನ ಉದ್ದೇಶವಾಗಿರಬಾರದು. ವಿಷಯದ ಬಗ್ಗೆ ಆಳವಾದ ಅಧ್ಯಯನ ನಡೆಸುವುದು, ಒಂದು ವಿಷಯದ ಬಗ್ಗೆ ಸೂಕ್ಷ್ಮವಾಗಿ ತಿಳಿದುಕೊಳ್ಳುವುದು ಓದಿನ ಉದ್ದೇಶವಾಗಬೇಕು.<br /> <br /> ಪ್ರತಿದಿನವೂ ತರಗತಿಗೆ ಹಾಜರಾಗಬೇಕು. ಅಲ್ಲಿ ಗಮನವಿಟ್ಟು ಪಾಠ ಕೇಳಬೇಕು. ಅದನ್ನು ಅದೇ ದಿನ ಪುನಃ ಓದಿ ಅರ್ಥ ಮಾಡಿಕೊಳ್ಳಬೇಕು. ಪ್ರತಿದಿನವೂ ಇದೇ ಅಭ್ಯಾಸ ಮುಂದುವರಿಸಿದರೆ ಓದಿದ ಪಾಠ ಮರೆಯುವುದಿಲ್ಲ. ಇದನ್ನು ಬಿಟ್ಟು ಕಲಿಕೆಗೆ ಸುಲಭ ಮಾರ್ಗ ಹುಡುಕುವುದು ಸರಿಯಲ್ಲ.<br /> <br /> <strong>*ಎಲ್ಲರೂ ನನ್ನನ್ನು ದಡ್ಡ, ಬೇಗ ಏನೂ ಕಲಿಯಲ್ಲ ಅಂತಾರೆ. ನನಗೆ ಹಾಡು ಹೇಳೋಕೆ ಬರುತ್ತೆ. ಚಿತ್ರ ಬರೆಯೋಕೆ ಬರುತ್ತೆ. ಅಕ್ಷರಗಳನ್ನು ಓದಿ ಕಲಿಯೋದ್ರಲ್ಲಿ ಮಜಾ ಇಲ್ಲ ಅನ್ಸುತ್ತೆ. ನಾನು ನಿಜವಾಗ್ಲೂ ದಡ್ಡನಾ?</strong><br /> <em>-ಕೋದಂಡರಾಮ, 5ನೇ ತರಗತಿ, ಹೆಬ್ಬಾಳ</em></p>.<p>ನೋಡು ಪುಟ್ಟಾ, ಇಷ್ಟು ಚಿಕ್ಕ ವಯಸ್ಸಿನಲ್ಲಿ ನಿನಗೆ ಸಂಗೀತ ಮತ್ತು ಚಿತ್ರಕಲೆಯಲ್ಲಿ ಇಷ್ಟೆಲ್ಲಾ ಆಸಕ್ತಿ ಇರುವುದು ತುಂಬಾ ಒಳ್ಳೆಯದು. ಇದು ನಿನಗೆ ಹುಟ್ಟುತ್ತಲೇ ಬಂದಿರುವ ಕಲೆ. ಇದರಲ್ಲಿಯೇ ನೀನು ಮುಂದುವರಿಯಬೇಕು ಎಂದರೂ ಅದರ ಬಗ್ಗೆ ಹೆಚ್ಚಿಗೆ ತಿಳಿದುಕೊಳ್ಳಬೇಕು ಅಲ್ವಾ?<br /> ಅದೆಲ್ಲಾ ತಿಳಿದುಕೊಳ್ಳಬೇಕು ಎಂದರೆ ನೀನು ಓದಬೇಕು. ದಿನವೂ ಶಾಲೆಗೆ ಹೋಗಬೇಕು. ಸಂಗೀತ, ಚಿತ್ರಕಲೆಯಂತೆಯೇ ನಿನ್ನ ಶಾಲೆಯ ಪುಸ್ತಕ ಕೂಡ ಎಂದು ತಿಳಿದು ಅದರಲ್ಲೂ ಆಸಕ್ತಿ ತೋರಿಸು.<br /> <br /> ಆಗ ನೋಡು, ನಿನ್ನನ್ನು ದಡ್ಡ ಎನ್ನುವವರೇ ಶಹಭಾಸ್ಗಿರಿ ಕೊಡುತ್ತಾರೆ. ನೀನಿನ್ನು ತುಂಬಾ ಚಿಕ್ಕವ. ಓದಿನ ಜೊತೆ ಸಂಗೀತ ಮತ್ತು ಚಿತ್ರಕಲೆಯನ್ನೂ ಮುಂದುವರಿಸಿದರೆ ನಿನಗೆ ಒಳ್ಳೆಯ ಭವಿಷ್ಯ ಇದೆ.<br /> <br /> <strong>*ನನಗೆ ಹುಡುಗರನ್ನು ಕಂಡರೆ ವಿಪರೀತ ಭಯ. ಯಾವುದಾದರೂ ಹುಡುಗ ಬಂದು ಮಾತಾಡಿಸಿದರೆ ನಡುಗಲಾರಂಭಿಸುತ್ತೇನೆ. ಬಾಯಿ ಒಣಗಿ ಮಾತೇ ಹೊರಡುವುದಿಲ್ಲ. ಹುಡುಗರ ಗುಂಪು ರಸ್ತೆ ಪಕ್ಕ ನಿಂತಿದ್ದರೆ ಅವರನ್ನು ದಾಟಿಕೊಂಡು ಹೋಗುವುದೂ ಸಾಧ್ಯವಾಗದೇ ಒದ್ದಾಡುತ್ತೇನೆ. ಇದರಿಂದ ಹೊರಬರುವುದು ಹೇಗೆ...?<br /> <em>-ಶಾಲಿನಿ</em></strong><br /> ವಯಸ್ಸನ್ನು ನೀವು ತಿಳಿಸಿಲ್ಲ. ಆದರೆ ನಿಮ್ಮ ಪ್ರಶ್ನೆ ನೋಡಿದರೆ ನೀವಿನ್ನೂ ಚಿಕ್ಕವರು ಎಂದುಕೊಳ್ಳುತ್ತೇನೆ. ಇದು ಹರಿಹರೆಯದಲ್ಲಿ ಸಾಮಾನ್ಯವಾಗಿ ಎಲ್ಲ ಹೆಣ್ಣುಮಕ್ಕಳೂ ಅನುಭವಿಸುವಂಥದ್ದು.<br /> <br /> ಇದಕ್ಕೇನೂ ಹೆದರಬೇಕಿಲ್ಲ. ನೀವು ಬೆಳೆದ ವಾತಾವರಣ, ನಿಮ್ಮ ಮನೆಯಲ್ಲಿ ಸಹೋದರರು, ಅಪ್ಪ... ಹೀಗೆ ಎಲ್ಲರ ಜೊತೆ ನಡೆದುಕೊಂಡ ರೀತಿ ನಿಮ್ಮ ಮೇಲೆ ಪ್ರಭಾವ ಬೀರುತ್ತದೆ. ಮುಂದೆ ಏನಾದರೂ ಅವಘಡ ಆಗಿಬಿಟ್ಟರೆ ಎಂಬ ಭಯ ಮನಸ್ಸಿನಲ್ಲಿ ಕಾಡತೊಡಗಿದಾಗ ಈ ರೀತಿಯ ಅಭದ್ರತೆ ಕಾಡುವುದು ಸಹಜ. <br /> <br /> ಮೊದಲು ಹೊರಗೆ ಹೋಗುವಾಗ ಜೊತೆಯಲ್ಲಿ ನಿಮ್ಮ ಸ್ನೇಹಿತರು, ಕುಟುಂಬ ವರ್ಗದವರು ಯಾರನ್ನಾದರೂ ಕರೆದುಕೊಂಡು ಹೋಗಿ. ಹೀಗೆ ಮಾಡುತ್ತಿದ್ದರೆ ನಿಮ್ಮಲ್ಲಿರುವ ಭಯ ಹೋಗುತ್ತದೆ.<br /> <br /> ಕ್ರಮೇಣ ನೀವು ಒಬ್ಬರೇ ಹೋಗಬಹುದು ಎಂಬ ವಿಶ್ವಾಸ ಮೂಡುತ್ತದೆ. ತುಂಬಾ ಒಳ್ಳೆಯರು ಎಂದುಕೊಂಡ ಹುಡುಗರನ್ನೂ ಸ್ನೇಹಿತರನ್ನಾಗಿ ಮಾಡಿಕೊಳ್ಳಿ. ಇದರಲ್ಲಿ ಏನೂ ತಪ್ಪು ಇಲ್ಲ. ಆಗ ನಿಧಾನಕ್ಕೆ ನಿಮ್ಮಲ್ಲಿರುವ ಭಯ ಹೋಗಲು ಶುರುವಾಗುತ್ತದೆ.<br /> <br /> ಹೀಗೆಲ್ಲಾ ಮಾಡಿದ ಮೇಲೂ ಭಯ ಹೋಗಿಲ್ಲ ಎಂದರೆ ಮನಃಶಾಸ್ತ್ರಜ್ಞರನ್ನು ಸಂಪರ್ಕಿಸಿ. ಅವರು ನಿಮ್ಮಲ್ಲಿರುವ ಭಯವನ್ನು ದೂರ ಮಾಡಲು ಸಹಾಯ ಮಾಡುತ್ತಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
