ಮಂಗಳವಾರ, ಜೂಲೈ 7, 2020
22 °C

ಒರಂಗುಟಾನ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಒರಂಗುಟಾನ್

ಆಗ್ನೇಯ ಏಷ್ಯಾದ ಬೊರ್ನಿಯೊ ದ್ವೀಪಗಳು ಮತ್ತು ಸುಮಾತ್ರಾ ಕಾಡಿನಲ್ಲಿ ವಾಸಿಸುವ ಉದ್ದ ತೋಳಿನ ಕೆಂಚು ಕೂದಲಿನ ವಾನರನ ಹೆಸರು ಒರಂಗುಟಾನ್. ಬೊರ್ನಿಯೊ ದ್ವೀಪವಾಸಿಗಳು ಒರಂಗುಟಾನ್ ಅನ್ನು, ಕಾಡಿನಲ್ಲಿ ವಾಸಿಸಲು ಇಷ್ಟಪಡುವ ಒಂದು ರೀತಿಯ ಮನುಷ್ಯನೇ ಎಂದು ತಿಳಿದುಕೊಂಡಿದ್ದರು. ಆ ಕಾರಣದಿಂದಲೇ ಒರಂಗುಟಾನ್ ಎಂಬ ಹೆಸರು ಬಂತು.



ಅದರ ಅರ್ಥ ಕಾಡು ಮನುಷ್ಯ. ಉಳಿದ ವಾನರಗಳಿಗಿಂತ ಮನುಷ್ಯನನ್ನು ಹೆಚ್ಚು ಹೋಲುವ ಇದು ಗೋರಿಲ್ಲಾಗಳಷ್ಟು ದೊಡ್ಡ ಗಾತ್ರದ್ದಲ್ಲ. ಪೂರ್ಣ ಬೆಳೆದ ಒರಂಟುಗಾನ್ ಒಂದೂವರೆ ಮೀಟರ್ ಎತ್ತರ ಬೆಳೆಯುತ್ತದೆ. ಅವು ನೆಲದ ಮೇಲೆ ಹೆಚ್ಚು ಸಮಯ ಕಳೆಯುವುದಿಲ್ಲ. ಮರದಿಂದ ಮರಕ್ಕೆ ಹಾರುತ್ತಾ ಆಹಾರ ಹುಡುಕುತ್ತವೆ. ಎಲೆಗಳು, ಹಣ್ಣು, ಮೊಗ್ಗು, ಮೊಟ್ಟೆ, ಕೀಟಗಳು, ಪಕ್ಷಿಗಳ ಮೊಟ್ಟೆ, ಮರದ ತೊಗಟೆಗಳನ್ನು ತಿನ್ನುತ್ತವೆ.



ಮರದ ಕೊಂಬೆಯಲ್ಲೇ ಮಲಗುತ್ತವೆ. ಮಳೆಯಿಂದ ರಕ್ಷಣೆ ಪಡೆಯಲು ಮರದ ಮೇಲೆ ಸುರಕ್ಷಿತ ಜಾಗ ಮಾಡಿಕೊಂಡಿರುತ್ತವೆ. ಒರಂಗುಟಾನ್‌ಗೆ ದೊಡ್ಡ ಶತ್ರು ಮನುಷ್ಯ. ಕಾಡುಗಳನ್ನು ಮನುಷ್ಯರು ಕಡಿಯಲಾರಂಭಿಸಿದ್ದು ಅವುಗಳ ಸಂಖ್ಯೆ ಕ್ಷೀಣಿಸಲು ಕಾರಣವಾಯಿತು. ಒರಂಗುಟಾನ್ ಬೇಗ ಪಳಗುವ ಪ್ರಾಣಿಯಾದ್ದರಿಂದ ಸಾಕುಪ್ರಾಣಿಗಳನ್ನಾಗಿ ಮಾಡಿಕೊಳ್ಳುವ ಹವ್ಯಾಸ ಹೆಚ್ಚಾಯಿತು. ಸದ್ಯಕ್ಕೆ ಒರಂಗುಟಾನ್‌ಗಳನ್ನು ಮೃಗಾಲಯಗಳಲ್ಲಷ್ಟೇ ಕಾಣಬಹುದು. 

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.