<p><strong>ನವದೆಹಲಿ(ಪಿಟಿಐ</strong>): ಜಾಗತಿಕ ಉದ್ಯೋಗ ಮಾರುಕಟ್ಟೆ ಚೇತರಿಸಿಕೊಳ್ಳುತ್ತಿದೆ. ಇದರ ಬೆನ್ನಲ್ಲೇ, ಒಂದು ಕಂಪೆನಿಯಿಂದ ಇನ್ನೊಂದಕ್ಕೆ ಉದ್ಯೋಗ ಬದಲಿಸುವವರ ಸಂಖ್ಯೆಯೂ ಹೆಚ್ಚುತ್ತಿದೆ. ಮಾನವ ಸಂಪನ್ಮೂಲ ಸಲಹಾ ಸಂಸ್ಥೆ `ಹೇ ಗ್ರೂಪ್' ನಡೆಸಿದ ಅಧ್ಯಯನದಂತೆ ಹಾಲಿ ಉದ್ಯೋಗ ತ್ಯಜಿಸಿ ಹೆಚ್ಚಿನ ಆಕರ್ಷಣೆ ನೀಡುವ ಕಂಪೆನಿಗೆ ಜಾಗ ಬದಲಿಸುವವರ ಪಟ್ಟಿಯಲ್ಲಿ ಭಾರತ ಜಾಗತಿಕ ಮಟ್ಟದಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ!<br /> <br /> ಭಾರತದಲ್ಲಿನ ನಾಲ್ವರಲ್ಲಿ ಒಬ್ಬ ಉದ್ಯೋಗಿ ಹೆಚ್ಚಿನ ವೇತನ ಆಕರ್ಷಣೆ ಮತ್ತು ವೃತ್ತಿಪರ ಉದ್ದೇಶಗಳಿಂದ ಕಂಪೆನಿ ಬದಲಿಸುತ್ತಿದ್ದಾರೆ. ಒಟ್ಟಾರೆ ಜಾಗತಿಕ ಮಟ್ಟದಲ್ಲಿ ಮುಂದಿನ ಐದು ವರ್ಷಗಳಲ್ಲಿ 4.90 ಕೋಟಿ ಉದ್ಯೋಗಿಗಳು ತಮ್ಮ ಕಂಪೆನಿ ಬದಲಿಸಲಿದ್ದಾರೆ ಎಂದೂ ಈ ಅಧ್ಯಯನ ಹೇಳಿದೆ.<br /> <br /> ಏಷ್ಯಾ-ಪೆಸಿಫಿಕ್ ವಲಯದಲ್ಲಿ ಹೆಚ್ಚಿನ ಉದ್ಯೋಗಿಗಳು ಕಂಪೆನಿ ಬದಲಿಸಿದ್ದಾರೆ. ಭಾರತದಲ್ಲಿ ಸಂಘಟಿತ ವಲಯದಲ್ಲಿ ಉದ್ಯೋಗ ತ್ಯಜಿಸುವವರ ಸಂಖ್ಯೆ ಪ್ರಸಕ್ತ ವರ್ಷ ಶೇ 26.9ರಷ್ಟು ಹೆಚ್ಚಲಿದೆ ಎಂದು `ಹೇ ಗ್ರೂಪ್' ಅಂದಾಜು ಮಾಡಿದೆ. <br /> <br /> `ಸದ್ಯದ ಪರಿಸ್ಥಿತಿಯಲ್ಲಿ ವಿಶೇಷವಾಗಿ ಭಾರತದಲ್ಲಿ ಕಂಪೆನಿಗಳ ಆಡಳಿತ ಮಂಡಳಿ ತಮ್ಮ ಉದ್ಯೋಗಿಗಳನ್ನು ಉಳಿಸಿಕೊಳ್ಳಲು ಗಂಭೀರವಾಗಿ ಚಿಂತಿಸುವ ಅಗತ್ಯವಿದೆ' ಎಂದು ಹೇ ಗ್ರೂಪ್ನ ಭಾರತೀಯ ಮುಖ್ಯಸ್ಥರಾದ ಮೊಹಿನಿಶ್ ಸಿನ್ಹಾ ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಭಾರತದಲ್ಲಿ ಉದ್ಯೋಗಾವಕಾಶ ಹೆಚ್ಚಿದೆ. ಕಂಪೆನಿಗಳು ಸಹ ಪ್ರತಿಭೆಗೆ ತಕ್ಕಂತೆ ಗರಿಷ್ಠ ವೇತನದ ಕೊಡುಗೆ ನೀಡುತ್ತಿವೆ. ಇದರಿಂದ ಶೇ 55ರಷ್ಟು ಉದ್ಯೋಗಿಗಳು ಉದ್ಯೋಗ ಬದಲಿಸುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ. ಮೂರರಲ್ಲಿ ಒಬ್ಬ ಉದ್ಯೋಗಿ ವೃತ್ತಿಪರವಾಗಿ ಬೆಳೆಯಲು ಕಂಪೆನಿ ಬದಲಿಸುವುದಾಗಿ ಹೇಳಿದ್ದಾರೆ ಎಂದೂ ಈ ಅಧ್ಯಯನ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ(ಪಿಟಿಐ</strong>): ಜಾಗತಿಕ ಉದ್ಯೋಗ ಮಾರುಕಟ್ಟೆ ಚೇತರಿಸಿಕೊಳ್ಳುತ್ತಿದೆ. ಇದರ ಬೆನ್ನಲ್ಲೇ, ಒಂದು ಕಂಪೆನಿಯಿಂದ ಇನ್ನೊಂದಕ್ಕೆ ಉದ್ಯೋಗ ಬದಲಿಸುವವರ ಸಂಖ್ಯೆಯೂ ಹೆಚ್ಚುತ್ತಿದೆ. ಮಾನವ ಸಂಪನ್ಮೂಲ ಸಲಹಾ ಸಂಸ್ಥೆ `ಹೇ ಗ್ರೂಪ್' ನಡೆಸಿದ ಅಧ್ಯಯನದಂತೆ ಹಾಲಿ ಉದ್ಯೋಗ ತ್ಯಜಿಸಿ ಹೆಚ್ಚಿನ ಆಕರ್ಷಣೆ ನೀಡುವ ಕಂಪೆನಿಗೆ ಜಾಗ ಬದಲಿಸುವವರ ಪಟ್ಟಿಯಲ್ಲಿ ಭಾರತ ಜಾಗತಿಕ ಮಟ್ಟದಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ!<br /> <br /> ಭಾರತದಲ್ಲಿನ ನಾಲ್ವರಲ್ಲಿ ಒಬ್ಬ ಉದ್ಯೋಗಿ ಹೆಚ್ಚಿನ ವೇತನ ಆಕರ್ಷಣೆ ಮತ್ತು ವೃತ್ತಿಪರ ಉದ್ದೇಶಗಳಿಂದ ಕಂಪೆನಿ ಬದಲಿಸುತ್ತಿದ್ದಾರೆ. ಒಟ್ಟಾರೆ ಜಾಗತಿಕ ಮಟ್ಟದಲ್ಲಿ ಮುಂದಿನ ಐದು ವರ್ಷಗಳಲ್ಲಿ 4.90 ಕೋಟಿ ಉದ್ಯೋಗಿಗಳು ತಮ್ಮ ಕಂಪೆನಿ ಬದಲಿಸಲಿದ್ದಾರೆ ಎಂದೂ ಈ ಅಧ್ಯಯನ ಹೇಳಿದೆ.<br /> <br /> ಏಷ್ಯಾ-ಪೆಸಿಫಿಕ್ ವಲಯದಲ್ಲಿ ಹೆಚ್ಚಿನ ಉದ್ಯೋಗಿಗಳು ಕಂಪೆನಿ ಬದಲಿಸಿದ್ದಾರೆ. ಭಾರತದಲ್ಲಿ ಸಂಘಟಿತ ವಲಯದಲ್ಲಿ ಉದ್ಯೋಗ ತ್ಯಜಿಸುವವರ ಸಂಖ್ಯೆ ಪ್ರಸಕ್ತ ವರ್ಷ ಶೇ 26.9ರಷ್ಟು ಹೆಚ್ಚಲಿದೆ ಎಂದು `ಹೇ ಗ್ರೂಪ್' ಅಂದಾಜು ಮಾಡಿದೆ. <br /> <br /> `ಸದ್ಯದ ಪರಿಸ್ಥಿತಿಯಲ್ಲಿ ವಿಶೇಷವಾಗಿ ಭಾರತದಲ್ಲಿ ಕಂಪೆನಿಗಳ ಆಡಳಿತ ಮಂಡಳಿ ತಮ್ಮ ಉದ್ಯೋಗಿಗಳನ್ನು ಉಳಿಸಿಕೊಳ್ಳಲು ಗಂಭೀರವಾಗಿ ಚಿಂತಿಸುವ ಅಗತ್ಯವಿದೆ' ಎಂದು ಹೇ ಗ್ರೂಪ್ನ ಭಾರತೀಯ ಮುಖ್ಯಸ್ಥರಾದ ಮೊಹಿನಿಶ್ ಸಿನ್ಹಾ ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಭಾರತದಲ್ಲಿ ಉದ್ಯೋಗಾವಕಾಶ ಹೆಚ್ಚಿದೆ. ಕಂಪೆನಿಗಳು ಸಹ ಪ್ರತಿಭೆಗೆ ತಕ್ಕಂತೆ ಗರಿಷ್ಠ ವೇತನದ ಕೊಡುಗೆ ನೀಡುತ್ತಿವೆ. ಇದರಿಂದ ಶೇ 55ರಷ್ಟು ಉದ್ಯೋಗಿಗಳು ಉದ್ಯೋಗ ಬದಲಿಸುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ. ಮೂರರಲ್ಲಿ ಒಬ್ಬ ಉದ್ಯೋಗಿ ವೃತ್ತಿಪರವಾಗಿ ಬೆಳೆಯಲು ಕಂಪೆನಿ ಬದಲಿಸುವುದಾಗಿ ಹೇಳಿದ್ದಾರೆ ಎಂದೂ ಈ ಅಧ್ಯಯನ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
