<p>ಈಡನ್ನಿಂದ ದೇವರು ಈವ್ಳನ್ನು ದೂರ ಮಾಡಿದ. ಆಗ ಅವಳ ಕಣ್ಣಿಂದ ಉದುರಿದ ಹನಿಗಳೆಲ್ಲಾ ಹೂಗಳಾದವು. ಆ ಹೂಗಳೇ ‘ಲಿಲಿ ಆಫ್ ವಿ ವ್ಯಾಲಿ’ ಅಥವಾ ಕಣಿವೆ ಕುಮುದ. ಈ ಕಥೆಯನ್ನು ಅನೇಕ ದೇಶಗಳ ಜನ ಹೇಳುತ್ತಾರೆ. ಶುದ್ಧತೆ ಹಾಗೂ ಪ್ರೀತಿಯ ಸಂಕೇತವಾದ ಈ ಹೂವನ್ನು ವಧುವಿನ ಅಲಂಕಾರಕ್ಕೆ ಬಳಸುವುದು ರೂಢಿ.<br /> <br /> ಏಷ್ಯಾ ಹಾಗೂ ಯುರೋಪ್ ಈ ಹೂಗಳಿಗೆ ತವರು. ಅತಿ ಹೆಚ್ಚು ತಂಪಾದ ಪ್ರದೇಶಗಳಲ್ಲಿ ಬೆಳೆಯುವ ಪುಷ್ಪವಿದು. 15–30 ಸೆಂ.ಮೀ. ಉದ್ದದ ಬಳ್ಳಿಯಂಥ ಗಿಡದಲ್ಲಿ ಇವು ಬಿಡುತ್ತವೆ. ಈ ಹೂಗಿಡಗಳು ಬಹು ಬೇಗ ಭೂಭಾಗದಲ್ಲಿ ಹಬ್ಬಿಕೊಳ್ಳುತ್ತವೆ. ಪ್ರತಿ ಗಿಡದ ಎರಡು ಎಲೆಗಳು ಮಾತ್ರ 10–25 ಸೆಂ.ಮೀ. ಉದ್ದ ಬೆಳೆಯುತ್ತವೆ.<br /> <br /> ಮೇ ತಿಂಗಳಲ್ಲಿ ಈ ಹೂಗಳು ಹೆಚ್ಚಾಗಿ ಬಿಡುತ್ತವೆ. ಹೂಗಳು ಚಿಕ್ಕವಾದರೂ ಅವು ಸೂಸುವ ಪರಿಮಳ ದೊಡ್ಡ ಹೂಗಳಿಗಿಂತ ಮಿಗಿಲು. ಸೆಪ್ಟೆಂಬರ್ ಹೊತ್ತಿಗೆ ಈ ಹೂಗಳು ಕೆಂಪು ಹಣ್ಣುಗಳಾಗಿ ಬದಲಾಗುತ್ತವೆ. ಈ ಹಣ್ಣುಗಳು ವಿಷಕಾರಿ. ಕೆಲವು ನಾಟಿವೈದ್ಯರು ನಿರ್ದಿಷ್ಟ ಪ್ರಮಾಣದಲ್ಲಿ ಹೂಗಳ ಭಾಗಗಳನ್ನು ಔಷಧದ ರೂಪದಲ್ಲಿ ಬಳಸುತ್ತಾರೆ. ಹೂವಿನ ಪರಿಮಳವನ್ನು ಸುಗಂಧದ್ರವ್ಯದ ತಯಾರಿಕೆಗೆ ಉಪಯೋಗಿಸಿದರೆ, ಎಲೆಗಳಿಂದ ಹಸಿರು ‘ಡೈ’ ತಯಾರಿಸುತ್ತಾರೆ.<br /> <br /> ‘ಅವರ್ ಲೇಡೀಸ್ ಟಿಯರ್ಸ್’ ಎಂದೂ ಈ ಹೂಗಳನ್ನು ಕರೆಯುತ್ತಾರೆ. ನಸುಗೆಂಪು ಬಣ್ಣದ ಕಣಿವೆ ಕುಮುದದ ಹೂವಿಗೆ ‘ರೋಸಿಯಾ’ ಎನ್ನುವ ಹೆಸರಿದೆ. ಫ್ರಾನ್ಸ್ನಲ್ಲಿ ‘ಮೇ ದಿನಾಚರಣೆ’ಯಂದು ಕಣಿವೆ ಕುಮುದವನ್ನು ಮಾರುವ ಸಂಪ್ರದಾಯವಿದೆ. ಇಂಗ್ಲೆಂಡ್ನ ಕಾಡುಗಳಲ್ಲಿ ಈ ಹೂಗಿಡಗಳು ದಟ್ಟವಾಗಿ ಬೆಳೆಯುತ್ತವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈಡನ್ನಿಂದ ದೇವರು ಈವ್ಳನ್ನು ದೂರ ಮಾಡಿದ. ಆಗ ಅವಳ ಕಣ್ಣಿಂದ ಉದುರಿದ ಹನಿಗಳೆಲ್ಲಾ ಹೂಗಳಾದವು. ಆ ಹೂಗಳೇ ‘ಲಿಲಿ ಆಫ್ ವಿ ವ್ಯಾಲಿ’ ಅಥವಾ ಕಣಿವೆ ಕುಮುದ. ಈ ಕಥೆಯನ್ನು ಅನೇಕ ದೇಶಗಳ ಜನ ಹೇಳುತ್ತಾರೆ. ಶುದ್ಧತೆ ಹಾಗೂ ಪ್ರೀತಿಯ ಸಂಕೇತವಾದ ಈ ಹೂವನ್ನು ವಧುವಿನ ಅಲಂಕಾರಕ್ಕೆ ಬಳಸುವುದು ರೂಢಿ.<br /> <br /> ಏಷ್ಯಾ ಹಾಗೂ ಯುರೋಪ್ ಈ ಹೂಗಳಿಗೆ ತವರು. ಅತಿ ಹೆಚ್ಚು ತಂಪಾದ ಪ್ರದೇಶಗಳಲ್ಲಿ ಬೆಳೆಯುವ ಪುಷ್ಪವಿದು. 15–30 ಸೆಂ.ಮೀ. ಉದ್ದದ ಬಳ್ಳಿಯಂಥ ಗಿಡದಲ್ಲಿ ಇವು ಬಿಡುತ್ತವೆ. ಈ ಹೂಗಿಡಗಳು ಬಹು ಬೇಗ ಭೂಭಾಗದಲ್ಲಿ ಹಬ್ಬಿಕೊಳ್ಳುತ್ತವೆ. ಪ್ರತಿ ಗಿಡದ ಎರಡು ಎಲೆಗಳು ಮಾತ್ರ 10–25 ಸೆಂ.ಮೀ. ಉದ್ದ ಬೆಳೆಯುತ್ತವೆ.<br /> <br /> ಮೇ ತಿಂಗಳಲ್ಲಿ ಈ ಹೂಗಳು ಹೆಚ್ಚಾಗಿ ಬಿಡುತ್ತವೆ. ಹೂಗಳು ಚಿಕ್ಕವಾದರೂ ಅವು ಸೂಸುವ ಪರಿಮಳ ದೊಡ್ಡ ಹೂಗಳಿಗಿಂತ ಮಿಗಿಲು. ಸೆಪ್ಟೆಂಬರ್ ಹೊತ್ತಿಗೆ ಈ ಹೂಗಳು ಕೆಂಪು ಹಣ್ಣುಗಳಾಗಿ ಬದಲಾಗುತ್ತವೆ. ಈ ಹಣ್ಣುಗಳು ವಿಷಕಾರಿ. ಕೆಲವು ನಾಟಿವೈದ್ಯರು ನಿರ್ದಿಷ್ಟ ಪ್ರಮಾಣದಲ್ಲಿ ಹೂಗಳ ಭಾಗಗಳನ್ನು ಔಷಧದ ರೂಪದಲ್ಲಿ ಬಳಸುತ್ತಾರೆ. ಹೂವಿನ ಪರಿಮಳವನ್ನು ಸುಗಂಧದ್ರವ್ಯದ ತಯಾರಿಕೆಗೆ ಉಪಯೋಗಿಸಿದರೆ, ಎಲೆಗಳಿಂದ ಹಸಿರು ‘ಡೈ’ ತಯಾರಿಸುತ್ತಾರೆ.<br /> <br /> ‘ಅವರ್ ಲೇಡೀಸ್ ಟಿಯರ್ಸ್’ ಎಂದೂ ಈ ಹೂಗಳನ್ನು ಕರೆಯುತ್ತಾರೆ. ನಸುಗೆಂಪು ಬಣ್ಣದ ಕಣಿವೆ ಕುಮುದದ ಹೂವಿಗೆ ‘ರೋಸಿಯಾ’ ಎನ್ನುವ ಹೆಸರಿದೆ. ಫ್ರಾನ್ಸ್ನಲ್ಲಿ ‘ಮೇ ದಿನಾಚರಣೆ’ಯಂದು ಕಣಿವೆ ಕುಮುದವನ್ನು ಮಾರುವ ಸಂಪ್ರದಾಯವಿದೆ. ಇಂಗ್ಲೆಂಡ್ನ ಕಾಡುಗಳಲ್ಲಿ ಈ ಹೂಗಿಡಗಳು ದಟ್ಟವಾಗಿ ಬೆಳೆಯುತ್ತವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>