<p><strong>ಹೊಳೆಹೊನ್ನೂರು:</strong> ಕನ್ನಡಕ್ಕೆ ಕನ್ನಡದ್ದೇ ಆದ ಒಂದು ವಿಮರ್ಶೆಯ ದಾರಿ ಬೇಕಾಗಿದೆ. ಅದು ಕಡ ತರುವ ಪರಿಭಾಷೆಯ ಮೂಲಕ ಕಟ್ಟುವಂತದ್ದಲ್ಲ. ಕನ್ನಡ ಬದುಕಿನಲ್ಲಿಯೇ ಅಂತಃಗತಗೊಂಡಿರುವ ಪ್ರಮಾಣುಗಳನ್ನು ಹುಡುಕಿ ಕಟ್ಟುವ ಕೆಲಸವಾಗಬೇಕು ಎಂದು ಲೇಖಕ ಪ್ರೊ.ಎಸ್.ಜಿ. ಸಿದ್ದರಾಮಯ್ಯ ತಿಳಿಸಿದರು.</p>.<p>ಪಟ್ಟಣದ ಸರ್ಕಾರ ಪ್ರಥಮದರ್ಜೆ ಕಾಲೇಜು ಆವರಣದ ಕುವೆಂಪು ಸಭಾಂಗಣದಲ್ಲಿ ಶನಿವಾರ ಹಂದರ ಸಾಹಿತ್ಯ ವೇದಿಕೆ, ಕನ್ನಡ ವಿಭಾಗ, ಯುಜಿಸಿ ನೆರವಿನಿಂದ ಹಮ್ಮಿಕೊಂಡಿದ್ದ ಶತಮಾನದ ವಾಗ್ವಾದಗಳು `ಕನ್ನಡ ವಿಮರ್ಶೆ ಕಟ್ಟುವ ಬಗೆ~ ವಿಚಾರ ಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು. </p>.<p>ಕನ್ನಡ ವಿಮರ್ಶೆಯ ಹುಡುಕಾಟ ನಿರಂತರವಾಗಿ ನಡೆಸಿಕೊಂಡು ಬಂದಂತಹ ದಿನಗಳಲ್ಲಿ ಕೆಲವು ಎಚ್ಚರದ ಪ್ರಜ್ಞೆಗಳ ಸಾಲೇ ಇದೆ. ಅದು ಸಂಶೋಧನೆಯಲ್ಲಿ ಶಂಭಾ ಜೋಷಿ, ಕುವೆಂಪು, ಡಾ.ಎಲ್. ಬಸವರಾಜು, ಪುಣೇಕರ್ ಹೀಗೆ ಸಾಲು ಬೆಳೆಯುತ್ತದೆ ಎಂದರು.</p>.<p>ಆದರೆ, ಇಂಥ ಧ್ವನಿಗಳನ್ನು ಅವಗ್ನೆಗೈಯುವ ಕೆಲಸ ವ್ಯವಸ್ಥಿತವಾಗಿ ಸಾಂಸ್ಕೃತಿಕ ರಾಜಕಾರಣ, ವರ್ಗ ಹಿತಾಸಕ್ತಿಯ ಹಿನ್ನೆಲೆಯಲ್ಲಿ ಅಕ್ರಮಣಶೀಲವಾಗಿದೆ. ಆದ್ದರಿಂದ, ಕನ್ನಡದ ಬದುಕಿನ ಕನ್ನಡ ವಿವೇಕದ ವಿಮರ್ಶೆಯ ದಾರಿಯನ್ನು ಕಂಡು ಕೊಳ್ಳಲಾಗಿದೆ. ಅದೇರೀತಿ ಕಟ್ಟಲಾಗುತ್ತಿದೆ ಎಂದು ತಿಳಿಸಿದರು. </p>.<p>ಸಭೆಯಲ್ಲಿ ಚಿಂತಕ-ರಂಗತಜ್ಞ ಡಾ.ಕೆ.ವೈ. ನಾರಾಯಣ ಸ್ವಾಮಿ `ಕನ್ನಡ ವಿಮರ್ಶೆ: ಲೋಕ ಗ್ರಹಿಕೆಗಳು~ ಅಳ್ವಾವರ ಪದವಿ ಕಾಲೇಜು ಧಾರವಾಡದ ಪ್ರಾಧ್ಯಾಪಕಡಾ.ಎಂ.ಡಿ. ಒಕ್ಕುಂದ `ನಡು ಕನ್ನಡ; ವಿಮರ್ಶೆಯ ಒಳನೋಟಗಳು~ ಶಿವಮೊಗ್ಗ ಸಹ್ಯಾದ್ರಿ ಕಾಲೇಜು ಪ್ರಾಧ್ಯಾಪಕ ಡಾ.ಮೇಟಿ ಮಲ್ಲಿಕಾರ್ಜನ `ಅನ್ಯ ಪ್ರಭಾವಗಳು ಮತ್ತು ಕನ್ನಡ ವಿಮರ್ಶೆ ಕುರಿತು ಮಾತನಾಡಿದರು.</p>.<p>ಸಂವಾದ ಕಾರ್ಯಕ್ರಮದಲ್ಲಿ ಡಾ.ಸಬಿತಾ ಬನ್ನಾಡಿ, ಡಾ.ಶುಭಾ ಮರವಂತೆ, ಡಾ.ಎಚ್.ಟಿ. ಕೃಷ್ಣಮೂರ್ತಿ ಮುಂತಾದವರು ಭಾಗವಹಿಸಿದ್ದರು.</p>.<p>ವಿದ್ಯಾರ್ಥಿಗಳಾದ ಅರ್ಪಿತಾ, ಜೆ.ಆರ್. ಪ್ರೇಮಾ, ಮಂಜುನಾಥ್ ಟಿಪ್ಪಣಿಗಳನ್ನು ಮಂಡಿಸಿದರು.<br /> ಶಿವಮೊಗ್ಗದ ವಿಚಾರವಾದಿ ಚಿಂತಕ ಡಾ. ಶ್ರೀಕಂಠ ಕೂಡಿಗೆ ಸಮಾರೋಪ ಭಾಷಣ ಮಾಡಿದರು. <br /> ಪ್ರಭಾರ ಪ್ರಾಂಶುಪಾಲರಾದ ಡಾ.ಜಯಂತಿ ಅಧ್ಯಕ್ಷತೆವಹಿಸಿದ್ದರು.</p>.<p>ಕಾರ್ಯಕ್ರಮದಲ್ಲಿ ಡಾ.ಕುಂಸಿ ಉಮೇಶ್ ಪ್ರಾಸ್ತಾವಿಕ ಮಾತನಾಡಿದರು. ವಿನಯ್ ಸಂಗಡಿಗರು ಪ್ರಾರ್ಥಿದರು. ಆರ್.ಕೆ. ವಿನಯ್ ಸ್ವಾಗತಿಸಿದರು. ಲೀಲಾವತಿ ವಂದಿಸಿದರು. ಪ್ರಶಾಂತ್ ಕಾರ್ಯಕ್ರಮ ನಿರೂಪಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೊಳೆಹೊನ್ನೂರು:</strong> ಕನ್ನಡಕ್ಕೆ ಕನ್ನಡದ್ದೇ ಆದ ಒಂದು ವಿಮರ್ಶೆಯ ದಾರಿ ಬೇಕಾಗಿದೆ. ಅದು ಕಡ ತರುವ ಪರಿಭಾಷೆಯ ಮೂಲಕ ಕಟ್ಟುವಂತದ್ದಲ್ಲ. ಕನ್ನಡ ಬದುಕಿನಲ್ಲಿಯೇ ಅಂತಃಗತಗೊಂಡಿರುವ ಪ್ರಮಾಣುಗಳನ್ನು ಹುಡುಕಿ ಕಟ್ಟುವ ಕೆಲಸವಾಗಬೇಕು ಎಂದು ಲೇಖಕ ಪ್ರೊ.ಎಸ್.ಜಿ. ಸಿದ್ದರಾಮಯ್ಯ ತಿಳಿಸಿದರು.</p>.<p>ಪಟ್ಟಣದ ಸರ್ಕಾರ ಪ್ರಥಮದರ್ಜೆ ಕಾಲೇಜು ಆವರಣದ ಕುವೆಂಪು ಸಭಾಂಗಣದಲ್ಲಿ ಶನಿವಾರ ಹಂದರ ಸಾಹಿತ್ಯ ವೇದಿಕೆ, ಕನ್ನಡ ವಿಭಾಗ, ಯುಜಿಸಿ ನೆರವಿನಿಂದ ಹಮ್ಮಿಕೊಂಡಿದ್ದ ಶತಮಾನದ ವಾಗ್ವಾದಗಳು `ಕನ್ನಡ ವಿಮರ್ಶೆ ಕಟ್ಟುವ ಬಗೆ~ ವಿಚಾರ ಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು. </p>.<p>ಕನ್ನಡ ವಿಮರ್ಶೆಯ ಹುಡುಕಾಟ ನಿರಂತರವಾಗಿ ನಡೆಸಿಕೊಂಡು ಬಂದಂತಹ ದಿನಗಳಲ್ಲಿ ಕೆಲವು ಎಚ್ಚರದ ಪ್ರಜ್ಞೆಗಳ ಸಾಲೇ ಇದೆ. ಅದು ಸಂಶೋಧನೆಯಲ್ಲಿ ಶಂಭಾ ಜೋಷಿ, ಕುವೆಂಪು, ಡಾ.ಎಲ್. ಬಸವರಾಜು, ಪುಣೇಕರ್ ಹೀಗೆ ಸಾಲು ಬೆಳೆಯುತ್ತದೆ ಎಂದರು.</p>.<p>ಆದರೆ, ಇಂಥ ಧ್ವನಿಗಳನ್ನು ಅವಗ್ನೆಗೈಯುವ ಕೆಲಸ ವ್ಯವಸ್ಥಿತವಾಗಿ ಸಾಂಸ್ಕೃತಿಕ ರಾಜಕಾರಣ, ವರ್ಗ ಹಿತಾಸಕ್ತಿಯ ಹಿನ್ನೆಲೆಯಲ್ಲಿ ಅಕ್ರಮಣಶೀಲವಾಗಿದೆ. ಆದ್ದರಿಂದ, ಕನ್ನಡದ ಬದುಕಿನ ಕನ್ನಡ ವಿವೇಕದ ವಿಮರ್ಶೆಯ ದಾರಿಯನ್ನು ಕಂಡು ಕೊಳ್ಳಲಾಗಿದೆ. ಅದೇರೀತಿ ಕಟ್ಟಲಾಗುತ್ತಿದೆ ಎಂದು ತಿಳಿಸಿದರು. </p>.<p>ಸಭೆಯಲ್ಲಿ ಚಿಂತಕ-ರಂಗತಜ್ಞ ಡಾ.ಕೆ.ವೈ. ನಾರಾಯಣ ಸ್ವಾಮಿ `ಕನ್ನಡ ವಿಮರ್ಶೆ: ಲೋಕ ಗ್ರಹಿಕೆಗಳು~ ಅಳ್ವಾವರ ಪದವಿ ಕಾಲೇಜು ಧಾರವಾಡದ ಪ್ರಾಧ್ಯಾಪಕಡಾ.ಎಂ.ಡಿ. ಒಕ್ಕುಂದ `ನಡು ಕನ್ನಡ; ವಿಮರ್ಶೆಯ ಒಳನೋಟಗಳು~ ಶಿವಮೊಗ್ಗ ಸಹ್ಯಾದ್ರಿ ಕಾಲೇಜು ಪ್ರಾಧ್ಯಾಪಕ ಡಾ.ಮೇಟಿ ಮಲ್ಲಿಕಾರ್ಜನ `ಅನ್ಯ ಪ್ರಭಾವಗಳು ಮತ್ತು ಕನ್ನಡ ವಿಮರ್ಶೆ ಕುರಿತು ಮಾತನಾಡಿದರು.</p>.<p>ಸಂವಾದ ಕಾರ್ಯಕ್ರಮದಲ್ಲಿ ಡಾ.ಸಬಿತಾ ಬನ್ನಾಡಿ, ಡಾ.ಶುಭಾ ಮರವಂತೆ, ಡಾ.ಎಚ್.ಟಿ. ಕೃಷ್ಣಮೂರ್ತಿ ಮುಂತಾದವರು ಭಾಗವಹಿಸಿದ್ದರು.</p>.<p>ವಿದ್ಯಾರ್ಥಿಗಳಾದ ಅರ್ಪಿತಾ, ಜೆ.ಆರ್. ಪ್ರೇಮಾ, ಮಂಜುನಾಥ್ ಟಿಪ್ಪಣಿಗಳನ್ನು ಮಂಡಿಸಿದರು.<br /> ಶಿವಮೊಗ್ಗದ ವಿಚಾರವಾದಿ ಚಿಂತಕ ಡಾ. ಶ್ರೀಕಂಠ ಕೂಡಿಗೆ ಸಮಾರೋಪ ಭಾಷಣ ಮಾಡಿದರು. <br /> ಪ್ರಭಾರ ಪ್ರಾಂಶುಪಾಲರಾದ ಡಾ.ಜಯಂತಿ ಅಧ್ಯಕ್ಷತೆವಹಿಸಿದ್ದರು.</p>.<p>ಕಾರ್ಯಕ್ರಮದಲ್ಲಿ ಡಾ.ಕುಂಸಿ ಉಮೇಶ್ ಪ್ರಾಸ್ತಾವಿಕ ಮಾತನಾಡಿದರು. ವಿನಯ್ ಸಂಗಡಿಗರು ಪ್ರಾರ್ಥಿದರು. ಆರ್.ಕೆ. ವಿನಯ್ ಸ್ವಾಗತಿಸಿದರು. ಲೀಲಾವತಿ ವಂದಿಸಿದರು. ಪ್ರಶಾಂತ್ ಕಾರ್ಯಕ್ರಮ ನಿರೂಪಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>