ಗುರುವಾರ , ಏಪ್ರಿಲ್ 22, 2021
25 °C

ಕಾಜಿರಂಗ ಜಲಾವೃತ: ಪ್ರಾಣಿಗಳ ಸಾವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಗೋಲಾಘಾಟ್/ಅಸ್ಸಾಂ (ಪಿಟಿಐ): ಭಾರಿ ಪ್ರವಾಹದಿಂದಾಗಿ ಇಲ್ಲಿನ ಕಾಜಿರಂಗ ರಾಷ್ಟ್ರೀಯ ಉದ್ಯಾನದ ಶೇ 80ರಷ್ಟು ಭಾಗ ಜಲಾವೃತಗೊಂಡಿದ್ದು, ಘೇಂಡಾಮೃಗ ಸೇರಿದಂತೆ ನೂರಾರು ಪ್ರಾಣಿಗಳು ಮೃತಪಟ್ಟಿವೆ.



 13 ಘೇಂಡಾಮೃಗಗಳು, 475 ಜಿಂಕೆಗಳು, 29 ಹೆಬ್ಬಾವುಗಳು, 5 ಮುಳ್ಳುಹಂದಿಗಳು, ಹದಿನಾರು ಬಾರಸಿಂಗ ಕಾಡೆಮ್ಮೆಗಳು ಮತ್ತು ನೆಲಕರಡಿಗಳು ಪ್ರವಾಹದ ರಭಸಕ್ಕೆ ಸಿಲುಕಿ ಸತ್ತಿವೆ. ಪ್ರಾಣಿಗಳ ಸಾವಿನ ಸಂಖ್ಯೆ ಏರುವ ಸಾಧ್ಯತೆ ಇದೆ. ಈಗಾಗಲೇ ಪಾರ್ಕ್ ಅಂಗಳದಿಂದ ನಿತ್ಯವೂ ಪ್ರಾಣಿಗಳ ಶವಗಳನ್ನು ನಿತ್ಯ ಹೊರಸಾಗಿಸುವ ಕೆಲಸ ನಡೆಯುತ್ತಿದೆ ಎಂದು ಪಾರ್ಕ್‌ನ ನಿರ್ದೇಶಕ ಸಂಜೀವ್ ಬೋರಾ ತಿಳಿಸಿದ್ದಾರೆ.



ಉದ್ಯಾನದ ನಡುವಿನ ರಸ್ತೆಯಲ್ಲಿ ವೇಗವಾಗಿ ಸಂಚರಿಸುವ ವಾಹನಗಳಿಗೆ ಸಿಲುಕಿ 25ಕ್ಕೂ ಹೆಚ್ಚು ಬಾರಸಿಂಗ, ಎರಡು ಘೇಂಡಾಮೃಗಗಳು ಸಾವನ್ನಪ್ಪಿವೆ. ಉದ್ಯಾನವನ್ನು ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ 37ರಲ್ಲಿ ವೇಗವಾಗಿ ವಾಹನ ಓಡಿಸುವುದಕ್ಕೆ ಕಡಿವಾಣ ಹಾಕಲು ಗೊಲಾಘಾಟ್ ಜಿಲ್ಲಾಡಳಿತ ಹೆದ್ದಾರಿಗಳಲ್ಲಿ ಬ್ಯಾರಿಕೇಡ್ ನಿರ್ಮಿಸುತ್ತಿದೆ ಎಂದು ಜಿಲ್ಲಾಧಿಕಾರಿ ಸಂಜೀವ್ ಗೊಹೈನ್ ಬೆಹರಾ ಮಾಹಿತಿ ನೀಡಿದ್ದಾರೆ.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.