<p>ಕಾಲೇಜಿನಲ್ಲಿ `ಸಾಂಪ್ರದಾಯಿಕ ದಿನ~ ಅಥವಾ `ಎಥ್ನಿಕ್ ಡೇ~ ಆಚರಣೆಗೆ ನಿಗದಿತ ದಿನವಿಲ್ಲ. ತಮ್ಮ ಅನುಕೂಲಕ್ಕೆ ತಕ್ಕಂತೆ ಒಂದು ದಿನವನ್ನು ಸಾಂಪ್ರದಾಯಿಕ ದಿನವನ್ನಾಗಿ ಆಚರಿಸಲಾಗುತ್ತದೆ.<br /> <br /> ಆದರೆ ಎಚ್ಕೆಬಿಕೆ ಎಂಜಿನಿಯರಿಂಗ್ ಕಾಲೇಜಿನ ವಿದ್ಯಾರ್ಥಿಗಳು ಮಾತ್ರ ಇತ್ತೀಚೆಗೆ `ಎಥ್ನಿಕ್ ಡೇ~ಯನ್ನು ವಿಶಿಷ್ಟ ರೀತಿಯಲ್ಲಿ ಆಚರಿಸಿದರು. ಅದಕ್ಕೆಂದೇ ಅವರು `ಓಣಂ ಹಬ್ಬ~ದ ಥೀಮ್ ಅನ್ನು ಆರಿಸಿಕೊಂಡಿದ್ದರು.<br /> <br /> ಓಣಂ ಎಂದರೆ ಗೊತ್ತಲ್ಲ. ಮಹಾಬಲಿ, ಕೇರಳ ಸೀರೆ, ಮುಂಡು, ಪೂಕ್ಕಳಂ.... ಇತ್ಯಾದಿ. ಇಲ್ಲೂ ಅಷ್ಟೆ. ಕೇರಳದಲ್ಲಿ ಆಚರಿಸುವಂತೆ ಅದೇ ಸಾಂಪ್ರದಾಯಿಕ ಮಾದರಿಯಲ್ಲೇ ವಿದ್ಯಾರ್ಥಿಗಳು ಆಚರಿಸಿದರು.<br /> <br /> ಇದೇ ದಿನವನ್ನು ಹೊಸ ವಿದ್ಯಾರ್ಥಿಗಳನ್ನು ಸ್ವಾಗತ ಕೋರುವ ದಿನವನ್ನಾಗಿಯೂ ಆಚರಿಸಲಾಯಿತು. ಸಾಂಪ್ರದಾಯಿಕ ರೀತಿಯಲ್ಲಿ ಉಡುಪು ಧರಿಸಲು ವಿದ್ಯಾರ್ಥಿಗಳಿಗೆ ದೊರೆತ ಉತ್ತಮ ಸಂದರ್ಭ ಇದಾಗಿತ್ತು. <br /> <br /> ಯುವತಿಯರು ಕೇರಳ ಸೀರೆ, ಸಲ್ವಾರ್ನಲ್ಲಿ ಕಂಗೊಳಿಸಿದರೆ, ಯುವಕರು ಕೇರಳದ ಸಾಂಪ್ರದಾಯಿಕ ಮುಂಡು (ಪಂಚೆ)ಧರಿಸಿ ಎಲ್ಲರ ಗಮನ ಸೆಳೆದರು. ಮತ್ತೆ ಕೆಲವರು ಧೋತಿ ಮತ್ತು ಕುರ್ತಾ ಧರಿಸಿ ಕಾಲೇಜಿಗೆ ಬಂದಿದ್ದರು.<br /> <br /> `ಎಥ್ನಿಕ್ ಡೇ~ ಕೇರಳೀಯ ಶೈಲಿಯ `ಶಿಂಗಾರಿ ಮೇಳ~ ಅಥವಾ ಚೆಂಡೆ ಮೇಳ ದೊಂದಿಗೆ ಆರಂಭಗೊಂಡಿತು. ಸಾಂಪ್ರದಾಯಿಕ ರೀತಿಯಲ್ಲಿ ಉಡುಪು ಧರಿಸಿದ ಕಾಲೇಜಿನ ವಿದ್ಯಾರ್ಥಿಗಳು ಚೆಂಡೆ ಬಾರಿಸಿದಾಗ ಆ ಚೆಂಡೆಯ ನಾದ ಇಡೀ ಕಾಲೇಜಿಗೆ ಕೇಳಿಸುವಂತಿತ್ತು. <br /> <br /> ಇದೇ ವೇಳೆ ಕಾಲೇಜಿನ ನಾಲ್ಕನೇ ವರ್ಷದ ವಿದ್ಯಾರ್ಥಿ ಮಹಾಬಲಿಯ ವೇಷ ಧರಿಸಿ ಮತ್ತಷ್ಟು ರಂಗೇರಿಸಿದನು. <br /> <br /> ಕೇರಳದ ಸಾಂಪ್ರದಾಯಿಕ ಬಿಳಿ ಮತ್ತು ಚಿನ್ನದ ಬಣ್ಣದ ಬಾರ್ಡರ್ನ ಸೀರೆ ಧರಿಸಿದ ಯುವತಿಯರು ಶಿಂಗಾರಿ ಮೇಳ ಮತ್ತು ಮಹಾಬಲಿಯನ್ನು ಕಾರ್ಯಕ್ರಮ ನಡೆಯುವ ಮುಖ್ಯ ವೇದಿಕೆಯತ್ತ ಕರೆದುಕೊಂಡು ಹೋದರು. <br /> <br /> ಕಾಲೇಜಿನ ಆಡಳಿತಾಧಿಕಾರಿ ಅಬ್ದುಲ್ ಹಮೀದ್ ಮತ್ತು ಪ್ರಾಂಶುಪಾಲರಾದ ಸಿ.ಮಂಜುನಾಥ್ ಸೇರಿದಂತೆ ಕಾರ್ಯಕ್ರಮದ ಮುಖ್ಯ ಅತಿಥಿಗಳನ್ನು ಕೇರಳದ ಸಾಂಪ್ರದಾಯಿಕ ಶಾಲು `ಪೊನ್ನಾಡ~ ಹಾಕಿ ವಿದ್ಯಾರ್ಥಿಗಳು ಸ್ವಾಗತಿಸಿದರು. ನಂತರ ಹಲವು ಕಾರ್ಯಕ್ರಮಗಳು ನಡೆದವು.<br /> <br /> ಕಾರ್ಯಕ್ರಮದ ಮೊದಲ ಭಾಗವಾಗಿ ಹಿರಿಯ ವಿದ್ಯಾರ್ಥಿಗಳು ಹೊಸ ವಿದ್ಯಾರ್ಥಿಗಳಿಗಾಗಿ ಪ್ರತಿಭಾ ಶೋಧ ಸ್ಪರ್ಧೆ ಏರ್ಪಡಿಸಿದ್ದರು. ಮೂರು ಸುತ್ತುಗಳಲ್ಲಿ ಈ ಸ್ಪರ್ಧಾ ಕಾರ್ಯಕ್ರಮ ನಡೆಸಲಾಗಿತ್ತು. ಮೊದಲನೆಯದಾಗಿ ನಡೆದ ಪರಿಚಯ ಸುತ್ತಿನಲ್ಲಿ ವಿದ್ಯಾರ್ಥಿಗಳು ತಮ್ಮನ್ನು ಸಂಕ್ಷಿಪ್ತವಾಗಿ ಪರಿಚಯ ಮಾಡಿಕೊಳ್ಳಬೇಕಿತ್ತು.<br /> <br /> ಪ್ರತಿಭಾ ಸ್ಪರ್ಧೆಯಲ್ಲಿ ವಿದ್ಯಾರ್ಥಿಗಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಬೇಕಿತ್ತಲ್ಲದೆ `ಟಾಸ್ಕ್~ ಸುತ್ತಿನಲ್ಲಿ ವಿದ್ಯಾರ್ಥಿಗಳಿಗೆ ಅನಿರೀಕ್ಷಿತವಾದ ಪ್ರಶ್ನೆಗಳನ್ನು ಕೇಳಲಾಗಿತ್ತು. <br /> <br /> ವಿದ್ಯಾರ್ಥಿಗಳು ನೀಡಿದ ಉತ್ತರಗಳ ಆಧಾರದಲ್ಲಿ ಅವರ ಪ್ರತಿಭೆ ಅಳೆಯಲಾಗಿತ್ತು. ಪ್ರತಿಭಾ ಸುತ್ತಿನಲ್ಲಿ ಹೊಸ ವಿದ್ಯಾರ್ಥಿಗಳು ನೆರೆದಿದ್ದ ಸಭಿಕರನ್ನು ಮೂಕವಿಸ್ಮಿತರನ್ನಾಗಿಸಿದರು. <br /> <br /> ಜತೆಗೆ ಮೆಣಸಿನ ಕಾಯಿ ತಿನ್ನುವುದು, ಅಧ್ಯಾಪಕರಿಗಾಗಿ ನಿಧಾನವಾಗಿ ಬೈಕ್ ಓಡಿಸುವುದು ಮುಂತಾದ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತಲ್ಲದೆ ಅಂತರ್ ವಿಭಾಗದವರಿಗಾಗಿ ಪೂಕ್ಕಳಂ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು.<br /> <br /> `ಎಥ್ನಿಕ್ ಡೇ~ ಸಂಪ್ರದಾಯವನ್ನು ನೆನಪಿಸಿಕೊಳ್ಳುವ ದಿನವಾದರೂ ಕೂಡ ವಿದ್ಯಾರ್ಥಿಗಳಿಗೆ ಇದು ಅದಕ್ಕಿಂತಲೂ ಹೆಚ್ಚಾಗಿ ಪರಸ್ಪರ ಪರಿಚಯ ಮಾಡಿಕೊಳ್ಳುವ ಅವಕಾಶವನ್ನು ನೀಡುತ್ತದೆ. ಇಂತಹ ಆಚರಣೆಗಳು ಬಂದಾಗ ಪಾಠಗಳನ್ನೆಲ್ಲ ಬದಿಗಿತ್ತು ಸಂತೋಷದಿಂದ ಸಾಂಪ್ರದಾಯಿಕ ಉಡುಪು ಧರಿಸಿ ಖುಷಿ ಪಡುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಾಲೇಜಿನಲ್ಲಿ `ಸಾಂಪ್ರದಾಯಿಕ ದಿನ~ ಅಥವಾ `ಎಥ್ನಿಕ್ ಡೇ~ ಆಚರಣೆಗೆ ನಿಗದಿತ ದಿನವಿಲ್ಲ. ತಮ್ಮ ಅನುಕೂಲಕ್ಕೆ ತಕ್ಕಂತೆ ಒಂದು ದಿನವನ್ನು ಸಾಂಪ್ರದಾಯಿಕ ದಿನವನ್ನಾಗಿ ಆಚರಿಸಲಾಗುತ್ತದೆ.<br /> <br /> ಆದರೆ ಎಚ್ಕೆಬಿಕೆ ಎಂಜಿನಿಯರಿಂಗ್ ಕಾಲೇಜಿನ ವಿದ್ಯಾರ್ಥಿಗಳು ಮಾತ್ರ ಇತ್ತೀಚೆಗೆ `ಎಥ್ನಿಕ್ ಡೇ~ಯನ್ನು ವಿಶಿಷ್ಟ ರೀತಿಯಲ್ಲಿ ಆಚರಿಸಿದರು. ಅದಕ್ಕೆಂದೇ ಅವರು `ಓಣಂ ಹಬ್ಬ~ದ ಥೀಮ್ ಅನ್ನು ಆರಿಸಿಕೊಂಡಿದ್ದರು.<br /> <br /> ಓಣಂ ಎಂದರೆ ಗೊತ್ತಲ್ಲ. ಮಹಾಬಲಿ, ಕೇರಳ ಸೀರೆ, ಮುಂಡು, ಪೂಕ್ಕಳಂ.... ಇತ್ಯಾದಿ. ಇಲ್ಲೂ ಅಷ್ಟೆ. ಕೇರಳದಲ್ಲಿ ಆಚರಿಸುವಂತೆ ಅದೇ ಸಾಂಪ್ರದಾಯಿಕ ಮಾದರಿಯಲ್ಲೇ ವಿದ್ಯಾರ್ಥಿಗಳು ಆಚರಿಸಿದರು.<br /> <br /> ಇದೇ ದಿನವನ್ನು ಹೊಸ ವಿದ್ಯಾರ್ಥಿಗಳನ್ನು ಸ್ವಾಗತ ಕೋರುವ ದಿನವನ್ನಾಗಿಯೂ ಆಚರಿಸಲಾಯಿತು. ಸಾಂಪ್ರದಾಯಿಕ ರೀತಿಯಲ್ಲಿ ಉಡುಪು ಧರಿಸಲು ವಿದ್ಯಾರ್ಥಿಗಳಿಗೆ ದೊರೆತ ಉತ್ತಮ ಸಂದರ್ಭ ಇದಾಗಿತ್ತು. <br /> <br /> ಯುವತಿಯರು ಕೇರಳ ಸೀರೆ, ಸಲ್ವಾರ್ನಲ್ಲಿ ಕಂಗೊಳಿಸಿದರೆ, ಯುವಕರು ಕೇರಳದ ಸಾಂಪ್ರದಾಯಿಕ ಮುಂಡು (ಪಂಚೆ)ಧರಿಸಿ ಎಲ್ಲರ ಗಮನ ಸೆಳೆದರು. ಮತ್ತೆ ಕೆಲವರು ಧೋತಿ ಮತ್ತು ಕುರ್ತಾ ಧರಿಸಿ ಕಾಲೇಜಿಗೆ ಬಂದಿದ್ದರು.<br /> <br /> `ಎಥ್ನಿಕ್ ಡೇ~ ಕೇರಳೀಯ ಶೈಲಿಯ `ಶಿಂಗಾರಿ ಮೇಳ~ ಅಥವಾ ಚೆಂಡೆ ಮೇಳ ದೊಂದಿಗೆ ಆರಂಭಗೊಂಡಿತು. ಸಾಂಪ್ರದಾಯಿಕ ರೀತಿಯಲ್ಲಿ ಉಡುಪು ಧರಿಸಿದ ಕಾಲೇಜಿನ ವಿದ್ಯಾರ್ಥಿಗಳು ಚೆಂಡೆ ಬಾರಿಸಿದಾಗ ಆ ಚೆಂಡೆಯ ನಾದ ಇಡೀ ಕಾಲೇಜಿಗೆ ಕೇಳಿಸುವಂತಿತ್ತು. <br /> <br /> ಇದೇ ವೇಳೆ ಕಾಲೇಜಿನ ನಾಲ್ಕನೇ ವರ್ಷದ ವಿದ್ಯಾರ್ಥಿ ಮಹಾಬಲಿಯ ವೇಷ ಧರಿಸಿ ಮತ್ತಷ್ಟು ರಂಗೇರಿಸಿದನು. <br /> <br /> ಕೇರಳದ ಸಾಂಪ್ರದಾಯಿಕ ಬಿಳಿ ಮತ್ತು ಚಿನ್ನದ ಬಣ್ಣದ ಬಾರ್ಡರ್ನ ಸೀರೆ ಧರಿಸಿದ ಯುವತಿಯರು ಶಿಂಗಾರಿ ಮೇಳ ಮತ್ತು ಮಹಾಬಲಿಯನ್ನು ಕಾರ್ಯಕ್ರಮ ನಡೆಯುವ ಮುಖ್ಯ ವೇದಿಕೆಯತ್ತ ಕರೆದುಕೊಂಡು ಹೋದರು. <br /> <br /> ಕಾಲೇಜಿನ ಆಡಳಿತಾಧಿಕಾರಿ ಅಬ್ದುಲ್ ಹಮೀದ್ ಮತ್ತು ಪ್ರಾಂಶುಪಾಲರಾದ ಸಿ.ಮಂಜುನಾಥ್ ಸೇರಿದಂತೆ ಕಾರ್ಯಕ್ರಮದ ಮುಖ್ಯ ಅತಿಥಿಗಳನ್ನು ಕೇರಳದ ಸಾಂಪ್ರದಾಯಿಕ ಶಾಲು `ಪೊನ್ನಾಡ~ ಹಾಕಿ ವಿದ್ಯಾರ್ಥಿಗಳು ಸ್ವಾಗತಿಸಿದರು. ನಂತರ ಹಲವು ಕಾರ್ಯಕ್ರಮಗಳು ನಡೆದವು.<br /> <br /> ಕಾರ್ಯಕ್ರಮದ ಮೊದಲ ಭಾಗವಾಗಿ ಹಿರಿಯ ವಿದ್ಯಾರ್ಥಿಗಳು ಹೊಸ ವಿದ್ಯಾರ್ಥಿಗಳಿಗಾಗಿ ಪ್ರತಿಭಾ ಶೋಧ ಸ್ಪರ್ಧೆ ಏರ್ಪಡಿಸಿದ್ದರು. ಮೂರು ಸುತ್ತುಗಳಲ್ಲಿ ಈ ಸ್ಪರ್ಧಾ ಕಾರ್ಯಕ್ರಮ ನಡೆಸಲಾಗಿತ್ತು. ಮೊದಲನೆಯದಾಗಿ ನಡೆದ ಪರಿಚಯ ಸುತ್ತಿನಲ್ಲಿ ವಿದ್ಯಾರ್ಥಿಗಳು ತಮ್ಮನ್ನು ಸಂಕ್ಷಿಪ್ತವಾಗಿ ಪರಿಚಯ ಮಾಡಿಕೊಳ್ಳಬೇಕಿತ್ತು.<br /> <br /> ಪ್ರತಿಭಾ ಸ್ಪರ್ಧೆಯಲ್ಲಿ ವಿದ್ಯಾರ್ಥಿಗಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಬೇಕಿತ್ತಲ್ಲದೆ `ಟಾಸ್ಕ್~ ಸುತ್ತಿನಲ್ಲಿ ವಿದ್ಯಾರ್ಥಿಗಳಿಗೆ ಅನಿರೀಕ್ಷಿತವಾದ ಪ್ರಶ್ನೆಗಳನ್ನು ಕೇಳಲಾಗಿತ್ತು. <br /> <br /> ವಿದ್ಯಾರ್ಥಿಗಳು ನೀಡಿದ ಉತ್ತರಗಳ ಆಧಾರದಲ್ಲಿ ಅವರ ಪ್ರತಿಭೆ ಅಳೆಯಲಾಗಿತ್ತು. ಪ್ರತಿಭಾ ಸುತ್ತಿನಲ್ಲಿ ಹೊಸ ವಿದ್ಯಾರ್ಥಿಗಳು ನೆರೆದಿದ್ದ ಸಭಿಕರನ್ನು ಮೂಕವಿಸ್ಮಿತರನ್ನಾಗಿಸಿದರು. <br /> <br /> ಜತೆಗೆ ಮೆಣಸಿನ ಕಾಯಿ ತಿನ್ನುವುದು, ಅಧ್ಯಾಪಕರಿಗಾಗಿ ನಿಧಾನವಾಗಿ ಬೈಕ್ ಓಡಿಸುವುದು ಮುಂತಾದ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತಲ್ಲದೆ ಅಂತರ್ ವಿಭಾಗದವರಿಗಾಗಿ ಪೂಕ್ಕಳಂ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು.<br /> <br /> `ಎಥ್ನಿಕ್ ಡೇ~ ಸಂಪ್ರದಾಯವನ್ನು ನೆನಪಿಸಿಕೊಳ್ಳುವ ದಿನವಾದರೂ ಕೂಡ ವಿದ್ಯಾರ್ಥಿಗಳಿಗೆ ಇದು ಅದಕ್ಕಿಂತಲೂ ಹೆಚ್ಚಾಗಿ ಪರಸ್ಪರ ಪರಿಚಯ ಮಾಡಿಕೊಳ್ಳುವ ಅವಕಾಶವನ್ನು ನೀಡುತ್ತದೆ. ಇಂತಹ ಆಚರಣೆಗಳು ಬಂದಾಗ ಪಾಠಗಳನ್ನೆಲ್ಲ ಬದಿಗಿತ್ತು ಸಂತೋಷದಿಂದ ಸಾಂಪ್ರದಾಯಿಕ ಉಡುಪು ಧರಿಸಿ ಖುಷಿ ಪಡುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
