<p><strong>ಬೆಂಗಳೂರು: </strong>ಭಾರತೀಯ ವಿಜ್ಞಾನ ಸಂಸ್ಥೆಯ (ಐಐಎಸ್ಸಿ) ವಿದ್ಯಾರ್ಥಿಗಳ ಉದ್ಯೋಗ ಮಾರ್ಗದರ್ಶಿ ಘಟಕದ (ಪ್ಲೇಸ್ಮೆಂಟ್ ಸೆಲ್) ಸ್ವರೂಪದಲ್ಲಿ ಆಮೂಲಾಗ್ರ ಬದಲಾವಣೆ ತರಲು ಸಂಸ್ಥೆಯ ಆಡಳಿತ ನಿರ್ಧರಿಸಿದೆ.</p>.<p><br /> ಐಐಎಂ ಮತ್ತು ಐಐಟಿ ಉದ್ಯೋಗ ಮಾರ್ಗದರ್ಶಿ ಘಟಕಗಳ ಮಾದರಿಯಲ್ಲೇ ಐಐಎಸ್ಸಿ ಘಟಕವೂ ಕೆಲಸ ಮಾಡಬೇಕು ಎನ್ನುವುದು ಈ ಬದಲಾವಣೆ ಹಿಂದಿನ ಮುಖ್ಯ ಉದ್ದೇಶವಾಗಿದೆ. ಮ್ಯಾನೇಜ್ಮೆಂಟ್ ಸ್ಟಡೀಸ್ ವಿಭಾಗದ ಮುಖ್ಯ ಸಂಶೋಧನಾ ವಿಜ್ಞಾನಿ ಎಂ. ಮಥಿರಾಜನ್ ಅವರನ್ನು ಘಟಕದ ಮುಖ್ಯಸ್ಥರನ್ನಾಗಿ ನೇಮಿಸಲಾಗಿದೆ.<br /> <br /> ಐಐಎಸ್ಸಿಯಿಂದ ಪದವಿ ಕೋರ್ಸ್ಗಳನ್ನು ಆರಂಭಿಸಲಾಗಿದ್ದು 2015ರಲ್ಲಿ ಮೊದಲ ತಂಡ ಹೊರಬರಲಿದೆ. ಆ ವಿದ್ಯಾರ್ಥಿಗಳಿಗೆ ಉದ್ಯೋಗ ದೊರಕಿಸುವ ನಿಟ್ಟಿನಲ್ಲಿ ಮಥಿರಾಜನ್ ಈಗಾಗಲೇ ಎರಡು ಕಂಪೆನಿಗಳ ಜತೆ ಚರ್ಚೆ ನಡೆಸಿದ್ದಾರೆ. ಇದುವರೆಗೆ ಸಂಸ್ಥೆಯಿಂದ ಇಂತಹ ಪ್ರಯತ್ನಗಳು ಒಮ್ಮೆಯೂ ಆಗಿರಲಿಲ್ಲ. ಆಸಕ್ತಿವಹಿಸಿ ಬಂದ ಕಂಪೆನಿಗಳ ನೇಮಕಾತಿ ವಿಭಾಗದ ಮುಖ್ಯಸ್ಥರೇ ವಿದ್ಯಾರ್ಥಿಗಳ ಜತೆ ವ್ಯವಹರಿಸುತ್ತಿದ್ದರು.<br /> <br /> ‘ಈ ವರ್ಷ ಎಲ್ಲ ಕಂಪೆನಿಗಳಿಗೆ ಮುಂಚಿತವಾಗಿಯೇ ಆಹ್ವಾನವನ್ನು ಕಳುಹಿಸಲು ನಿರ್ಧರಿಸಲಾಗಿದೆ. ಇದರಿಂದ ನೇಮಕಾತಿ ಪ್ರಕ್ರಿಯೆಯನ್ನು ಬಲುಬೇಗ ಮುಗಿಸಲು ಸಾಧ್ಯವಾಗಲಿದೆ. ಸಾಮಾನ್ಯವಾಗಿ ಜುಲೈನಲ್ಲಿ ಕಂಪೆನಿಗಳಿಗೆ ಇ–ಮೇಲ್ ಕಳಿಸುತ್ತಿದ್ದೆವು. ಇದರಿಂದ ಅವಕಾಶಗಳು ತಪ್ಪಿದ್ದೂ ಉಂಟು. ಈ ಸಲ ಹಾಗಾಗದಂತೆ ನೋಡಿಕೊಳ್ಳುತ್ತೇವೆ’ ಎಂದು ವಿದ್ಯಾರ್ಥಿಗಳ ಸಮನ್ವಯಾಧಿಕಾರಿ ವಿವೇಕ್ ವರ್ಮಾ ಹೇಳುತ್ತಾರೆ.<br /> <br /> ‘ಕಳೆದ ವರ್ಷ ಡಚ್ ಬ್ಯಾಂಕ್, ಸ್ಟ್ಯಾನ್ಲೆ ಮಾರ್ಗನ್ ಸೇರಿದಂತೆ ಹಲವು ಕಂಪೆನಿಗಳು ಕ್ಯಾಂಪಸ್ ಆಯ್ಕೆಗೆ ಆಸಕ್ತಿ ತೋರಿದ್ದವು. ಆದರೆ, ಜೂನ್ನಲ್ಲಿ ಈ ಕಂಪೆನಿಗಳೆಲ್ಲ ನೇಮಕಾತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವ ಕಾರಣ ನಮ್ಮ ವಿದ್ಯಾರ್ಥಿಗಳಿಗೆ ಭಾಗವಹಿಸಲು ಆಗಿರಲಿಲ್ಲ’ ಎಂದು ಅವರು ವಿವರಿಸುತ್ತಾರೆ.<br /> <br /> ‘ಈ ವರ್ಷ ಐಐಟಿಗಳಿಗಿಂತ ಮುಂಚಿತವಾಗಿ ಕ್ಯಾಂಪಸ್ ಆಯ್ಕೆ ಪ್ರಕ್ರಿಯೆ ಆರಂಭ ಮಾಡುವುದರಿಂದ ನಮ್ಮ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಅವಕಾಶ ಸಿಕ್ಕಂತಾಗುತ್ತದೆ. ಆದ್ದರಿಂದಲೇ ಈ ಬದಲಾವಣೆ ತಂದಿದ್ದೇವೆ’ ಎಂದು ಹೇಳುತ್ತಾರೆ.<br /> <br /> ಐಐಎಸ್ಸಿ ಉದ್ಯೋಗ ಮಾರ್ಗದರ್ಶಿ ಕೇಂದ್ರದ ವೆಬ್ಸೈಟ್ ಸಹ ಬದಲಾಗಲಿದೆ. ಸಂಸ್ಥೆಯ ಎಲ್ಲ 46 ವಿಭಾಗಗಳ ವಿದ್ಯಾರ್ಥಿಗಳು ಈ ವೆಬ್ಸೈಟ್ನಲ್ಲಿ ಹೆಸರು ನೋಂದಣಿ ಮಾಡಿಕೊಳ್ಳಲಿದ್ದು, ತಮ್ಮ ವೈಯಕ್ತಿಕ ವಿವರವನ್ನೂ ಅದರಲ್ಲಿ ನಮೂದಿಸಲಿದ್ದಾರೆ. ಕ್ಯಾಂಪಸ್ ಆಯ್ಕೆಯಲ್ಲಿ ಪಾಲ್ಗೊಳ್ಳುವ ಕಂಪೆನಿಗಳಿಗೆ ಮಾತ್ರ ಆ ವಿವರ ನೋಡಲು ಅವಕಾಶ ಒದಗಿಸಲಾಗುತ್ತದೆ.<br /> <br /> ‘ನಮ್ಮ ಕಾರ್ಯ ಚಟುವಟಿಕೆಗಳು ವಿಸ್ತರಣೆಗೊಳ್ಳುತ್ತಿವೆ. ಪದವಿ ಕೋರ್ಸ್ಗಳನ್ನು ಹೊಸದಾಗಿ ಪರಿಚಯಿಸಿದ್ದೇವೆ. ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚಿದ್ದು, ಅವರ ಗಾತ್ರಕ್ಕೆ ಅನುಗುಣವಾಗಿ ಉದ್ಯೋಗ ಮಾರ್ಗದರ್ಶಿ ಘಟಕಕ್ಕೆ ಹೊಸ ರೂಪ ನೀಡುವುದು ಅನಿವಾರ್ಯವಾಗಿದೆ’ ಎನ್ನುವುದು ಐಐಎಸ್ಸಿ ನಿರ್ದೇಶಕ ಪ್ರೊ. ಪಿ.ಬಲರಾಮ್ ಅವರ ಅಭಿಪ್ರಾಯವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಭಾರತೀಯ ವಿಜ್ಞಾನ ಸಂಸ್ಥೆಯ (ಐಐಎಸ್ಸಿ) ವಿದ್ಯಾರ್ಥಿಗಳ ಉದ್ಯೋಗ ಮಾರ್ಗದರ್ಶಿ ಘಟಕದ (ಪ್ಲೇಸ್ಮೆಂಟ್ ಸೆಲ್) ಸ್ವರೂಪದಲ್ಲಿ ಆಮೂಲಾಗ್ರ ಬದಲಾವಣೆ ತರಲು ಸಂಸ್ಥೆಯ ಆಡಳಿತ ನಿರ್ಧರಿಸಿದೆ.</p>.<p><br /> ಐಐಎಂ ಮತ್ತು ಐಐಟಿ ಉದ್ಯೋಗ ಮಾರ್ಗದರ್ಶಿ ಘಟಕಗಳ ಮಾದರಿಯಲ್ಲೇ ಐಐಎಸ್ಸಿ ಘಟಕವೂ ಕೆಲಸ ಮಾಡಬೇಕು ಎನ್ನುವುದು ಈ ಬದಲಾವಣೆ ಹಿಂದಿನ ಮುಖ್ಯ ಉದ್ದೇಶವಾಗಿದೆ. ಮ್ಯಾನೇಜ್ಮೆಂಟ್ ಸ್ಟಡೀಸ್ ವಿಭಾಗದ ಮುಖ್ಯ ಸಂಶೋಧನಾ ವಿಜ್ಞಾನಿ ಎಂ. ಮಥಿರಾಜನ್ ಅವರನ್ನು ಘಟಕದ ಮುಖ್ಯಸ್ಥರನ್ನಾಗಿ ನೇಮಿಸಲಾಗಿದೆ.<br /> <br /> ಐಐಎಸ್ಸಿಯಿಂದ ಪದವಿ ಕೋರ್ಸ್ಗಳನ್ನು ಆರಂಭಿಸಲಾಗಿದ್ದು 2015ರಲ್ಲಿ ಮೊದಲ ತಂಡ ಹೊರಬರಲಿದೆ. ಆ ವಿದ್ಯಾರ್ಥಿಗಳಿಗೆ ಉದ್ಯೋಗ ದೊರಕಿಸುವ ನಿಟ್ಟಿನಲ್ಲಿ ಮಥಿರಾಜನ್ ಈಗಾಗಲೇ ಎರಡು ಕಂಪೆನಿಗಳ ಜತೆ ಚರ್ಚೆ ನಡೆಸಿದ್ದಾರೆ. ಇದುವರೆಗೆ ಸಂಸ್ಥೆಯಿಂದ ಇಂತಹ ಪ್ರಯತ್ನಗಳು ಒಮ್ಮೆಯೂ ಆಗಿರಲಿಲ್ಲ. ಆಸಕ್ತಿವಹಿಸಿ ಬಂದ ಕಂಪೆನಿಗಳ ನೇಮಕಾತಿ ವಿಭಾಗದ ಮುಖ್ಯಸ್ಥರೇ ವಿದ್ಯಾರ್ಥಿಗಳ ಜತೆ ವ್ಯವಹರಿಸುತ್ತಿದ್ದರು.<br /> <br /> ‘ಈ ವರ್ಷ ಎಲ್ಲ ಕಂಪೆನಿಗಳಿಗೆ ಮುಂಚಿತವಾಗಿಯೇ ಆಹ್ವಾನವನ್ನು ಕಳುಹಿಸಲು ನಿರ್ಧರಿಸಲಾಗಿದೆ. ಇದರಿಂದ ನೇಮಕಾತಿ ಪ್ರಕ್ರಿಯೆಯನ್ನು ಬಲುಬೇಗ ಮುಗಿಸಲು ಸಾಧ್ಯವಾಗಲಿದೆ. ಸಾಮಾನ್ಯವಾಗಿ ಜುಲೈನಲ್ಲಿ ಕಂಪೆನಿಗಳಿಗೆ ಇ–ಮೇಲ್ ಕಳಿಸುತ್ತಿದ್ದೆವು. ಇದರಿಂದ ಅವಕಾಶಗಳು ತಪ್ಪಿದ್ದೂ ಉಂಟು. ಈ ಸಲ ಹಾಗಾಗದಂತೆ ನೋಡಿಕೊಳ್ಳುತ್ತೇವೆ’ ಎಂದು ವಿದ್ಯಾರ್ಥಿಗಳ ಸಮನ್ವಯಾಧಿಕಾರಿ ವಿವೇಕ್ ವರ್ಮಾ ಹೇಳುತ್ತಾರೆ.<br /> <br /> ‘ಕಳೆದ ವರ್ಷ ಡಚ್ ಬ್ಯಾಂಕ್, ಸ್ಟ್ಯಾನ್ಲೆ ಮಾರ್ಗನ್ ಸೇರಿದಂತೆ ಹಲವು ಕಂಪೆನಿಗಳು ಕ್ಯಾಂಪಸ್ ಆಯ್ಕೆಗೆ ಆಸಕ್ತಿ ತೋರಿದ್ದವು. ಆದರೆ, ಜೂನ್ನಲ್ಲಿ ಈ ಕಂಪೆನಿಗಳೆಲ್ಲ ನೇಮಕಾತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವ ಕಾರಣ ನಮ್ಮ ವಿದ್ಯಾರ್ಥಿಗಳಿಗೆ ಭಾಗವಹಿಸಲು ಆಗಿರಲಿಲ್ಲ’ ಎಂದು ಅವರು ವಿವರಿಸುತ್ತಾರೆ.<br /> <br /> ‘ಈ ವರ್ಷ ಐಐಟಿಗಳಿಗಿಂತ ಮುಂಚಿತವಾಗಿ ಕ್ಯಾಂಪಸ್ ಆಯ್ಕೆ ಪ್ರಕ್ರಿಯೆ ಆರಂಭ ಮಾಡುವುದರಿಂದ ನಮ್ಮ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಅವಕಾಶ ಸಿಕ್ಕಂತಾಗುತ್ತದೆ. ಆದ್ದರಿಂದಲೇ ಈ ಬದಲಾವಣೆ ತಂದಿದ್ದೇವೆ’ ಎಂದು ಹೇಳುತ್ತಾರೆ.<br /> <br /> ಐಐಎಸ್ಸಿ ಉದ್ಯೋಗ ಮಾರ್ಗದರ್ಶಿ ಕೇಂದ್ರದ ವೆಬ್ಸೈಟ್ ಸಹ ಬದಲಾಗಲಿದೆ. ಸಂಸ್ಥೆಯ ಎಲ್ಲ 46 ವಿಭಾಗಗಳ ವಿದ್ಯಾರ್ಥಿಗಳು ಈ ವೆಬ್ಸೈಟ್ನಲ್ಲಿ ಹೆಸರು ನೋಂದಣಿ ಮಾಡಿಕೊಳ್ಳಲಿದ್ದು, ತಮ್ಮ ವೈಯಕ್ತಿಕ ವಿವರವನ್ನೂ ಅದರಲ್ಲಿ ನಮೂದಿಸಲಿದ್ದಾರೆ. ಕ್ಯಾಂಪಸ್ ಆಯ್ಕೆಯಲ್ಲಿ ಪಾಲ್ಗೊಳ್ಳುವ ಕಂಪೆನಿಗಳಿಗೆ ಮಾತ್ರ ಆ ವಿವರ ನೋಡಲು ಅವಕಾಶ ಒದಗಿಸಲಾಗುತ್ತದೆ.<br /> <br /> ‘ನಮ್ಮ ಕಾರ್ಯ ಚಟುವಟಿಕೆಗಳು ವಿಸ್ತರಣೆಗೊಳ್ಳುತ್ತಿವೆ. ಪದವಿ ಕೋರ್ಸ್ಗಳನ್ನು ಹೊಸದಾಗಿ ಪರಿಚಯಿಸಿದ್ದೇವೆ. ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚಿದ್ದು, ಅವರ ಗಾತ್ರಕ್ಕೆ ಅನುಗುಣವಾಗಿ ಉದ್ಯೋಗ ಮಾರ್ಗದರ್ಶಿ ಘಟಕಕ್ಕೆ ಹೊಸ ರೂಪ ನೀಡುವುದು ಅನಿವಾರ್ಯವಾಗಿದೆ’ ಎನ್ನುವುದು ಐಐಎಸ್ಸಿ ನಿರ್ದೇಶಕ ಪ್ರೊ. ಪಿ.ಬಲರಾಮ್ ಅವರ ಅಭಿಪ್ರಾಯವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>