<p>`ಪ್ರಜಾವಾಣಿ ದೀಪಾವಳಿ ವಿಶೇಷಾಂಕದ ಮುಖಪುಟಕ್ಕೆ ನನ್ನನ್ನು ಆಯ್ಕೆ ಮಾಡಿದ್ದು ನನ್ನ ಸೌಭಾಗ್ಯವೆಂದೇ ಭಾವಿಸಿದ್ದೇನೆ. ಪ್ರಜಾವಾಣಿಯ ಮೂಲಕ ನಾಡಿಗೆ ದೀಪಾವಳಿ ಶುಭಾಶಯ ಹೇಳುವ ಅವಕಾಶ ಲಭಿಸಿದ್ದು ನನಗೆ ಅತೀವ ಸಂತಸ ತಂದಿದೆ. ಇದು ನನ್ನ ವೃತ್ತಿ ಜೀವನದಲ್ಲಿ ಸಿಕ್ಕ ದೊಡ್ಡ ಗೌರವ~.<br /> <br /> ದೀಪಾವಳಿ ವಿಶೇಷಾಂಕದ ಪುಟಗಳನ್ನು ತಿರುವುತ್ತಲೇ, `ಸಿನಿಮಾ ರಂಜನೆ~ ಜೊತೆ ಮಾತಿಗಿಳಿದ ನಟಿ ಕ್ಯಾಥರೀನ್ ತ್ರೇಸಾ ಅವರ ಮುಖ ಕೂಡ ದೀವಳಿಗೆ ಬೆಳಕಿನ ಒಂದು `ಹೂಕುಂಡ~ದಂತಿತ್ತು. <br /> <br /> ಕ್ಯಾಥರೀನ್ ಮೂಲತಃ ಮಲಯಾಳಿ. ಆದರೆ, ಹುಟ್ಟಿದ್ದು ಬೆಳೆದಿದ್ದು ದುಬೈನಲ್ಲಿ. ಶಿಕ್ಷಣದ ಸಲುವಾಗಿ ಬೆಂಗಳೂರಿಗೆ ಬಂದರು. ಕಲಿಕೆಯ ಕಾರಣದಿಂದಾಗಿ ಬೆಂಗಳೂರಿಗೆ ಬಂದ ಈ ಚೆಲುವೆಯನ್ನು `ಫ್ಯಾಷನ್ ಪ್ರಪಂಚ~ ಕೈಬೀಸಿ ಕರೆಯಲು ಹೆಚ್ಚು ದಿನ ಬೇಕಾಗಲಿಲ್ಲ. <br /> <br /> ಮಾಡಲಿಂಗ್ ಹವ್ಯಾಸವಾಯಿತು, ವೃತ್ತಿಯಾಗಿಯೂ ಬದಲಾಯಿತು. ರೂಪದರ್ಶಿಯಾಗಿ ಹಂತಹಂತವಾಗಿ ಮೇಲೇರಿದ ಈಕೆ ಹಲವು ಶೋಗಳ ಶೋ ಸ್ಟಾಪರ್. ಫ್ಯಾಷನ್ ಲೋಕಕ್ಕೂ ಚಿತ್ರರಂಗಕ್ಕೂ ಇರುವ ನಂಟಿನ ಕಾರಣದಿಂದಾಗಿ ಕ್ಯಾಥರೀನ್ಗೆ ಸಿನಿಮಾದಲ್ಲೂ ಅವಕಾಶಗಳು ಬರಲಾರಂಭಿಸಿದವು.<br /> <br /> ಹೀಗೆ, ಓದಲಿಕ್ಕೆಂದು ಬೆಂಗಳೂರಿಗೆ ಬಂದು ನಟಿಯಾದ ಕ್ಯಾಥರೀನ್ಗೆ ಕನ್ನಡ ಚಿತ್ರರಂಗದಲ್ಲಿ ನೆಲೆಯೂರುವ ಆಸೆ. ಅವರ ಸಂದರ್ಶನದ ಮುಖ್ಯಾಂಶಗಳು ಇಲ್ಲಿವೆ...<br /> <br /> <strong>ಬೆಂಗಳೂರು ಜೊತೆ ನಿಮ್ಮ ನಂಟು ಗಾಢವಾದದ್ದು ಹೇಗೆ?</strong><br /> ಶಿಕ್ಷಣಕ್ಕೆಂದು ಬೆಂಗಳೂರಿಗೆ ಬಂದೆ. `ಫ್ಯಾಷನ್ ಲೋಕ~ದಲ್ಲಿ ಬೆಂಗಳೂರು ವಿಶ್ವದ ಗಮನವನ್ನೇ ಸೆಳೆದಿದೆ. ಈ ಸೆಳೆತ ನನ್ನನ್ನೂ ಆಕರ್ಷಿಸಿತು. ಪ್ರಸಾದ್ ಬಿದಪ್ಪ ಅವರ ಮಾರ್ಗದರ್ಶನದಲ್ಲಿ ಕೆಲ ಕಾಲ ರ್ಯಾಂಪ್ ತುಳಿದೆ. ಇದರೊಂದಿಗೆ ಕನ್ನಡ ಚಿತ್ರರಂಗದಿಂದಲೂ ಸಾಕಷ್ಟು ಅವಕಾಶಗಳು ಬರತೊಡಗಿದವು. ಹೀಗಾಗಿ ಬೆಂಗಳೂರಲ್ಲಿ ನೆಲೆ ನಿಂತೆ.</p>.<p><strong>ಈವರೆಗಿನ ಸಿನಿಮಾ ಅವಕಾಶಗಳ ಬಗ್ಗೆ ಹೇಳಿ?</strong><br /> ಕನ್ನಡದಲ್ಲಿ ನನ್ನ ಮೊದಲ ಚಿತ್ರ `ಶಂಕರ್ ಐಪಿಎಸ್~. ಇದರ ನಂತರ ಚಿತ್ರರಂಗದಿಂದ ಒಂದೊಂದೇ ಅವಕಾಶಗಳು ಬರತೊಡಗಿದವು. ಅಭಿಜಿತ್ ಅವರ `ವಿಷ್ಣು~, ಉಪೇಂದ್ರ ನಟನೆಯ `ಗಾಡ್ ಫಾದರ್~ ಚಿತ್ರಗಳು ತೆರೆ ಕಾಣಲು ಸಿದ್ಧವಾಗಿವೆ. ಕನ್ನಡ ಚಿತ್ರರಂಗ, ನಿರ್ಮಾಪಕರು, ತಂತ್ರಜ್ಞರು ಹಾಗೂ ಕಲಾವಿದರು ನೀಡುತ್ತಿರುವ ಪ್ರೋತ್ಸಾಹ ನನ್ನನ್ನು ಇಲ್ಲಿಯೇ ಹಿಡಿದಿಟ್ಟಿವೆ. ಈ ನಡುವೆ `ಥ್ರಿಲ್ಲರ್~ ಎಂಬ ಮಲಯಾಳಿ ಚಿತ್ರವನ್ನೂ ಮಾಡಿದ್ದೇನೆ.</p>.<p><strong>ಕನ್ನಡ ಎಷ್ಟರಮಟ್ಟಿಗೆ ಗೊತ್ತು?<br /> </strong>ಈಗಷ್ಟೇ ಕಲಿಯಲು ಆರಂಭಿಸಿದ್ದೇನೆ.</p>.<p><strong>ಭಾಷೆ ಗೊತ್ತಿಲ್ಲದಿರುವುದು ತೊಡಕೆನ್ನಿಸುತ್ತಿಲ್ಲವೇ?</strong><br /> ನನ್ನ ಪ್ರಕಾರ ಕಲಾವಿದರಿಗೆ ಭಾಷೆ ಮುಖ್ಯವಲ್ಲ. ನಟನೆಗೆ ಅವಕಾಶವಿದ್ದಲ್ಲಿ ಒರಿಯಾ, ಬಂಗಾಳಿ ಹೀಗೆ ಯಾವ ಭಾಷೆಯ ಚಿತ್ರಗಳನ್ನಾದರೂ ಮಾಡಲು ನಾನು ಸಿದ್ಧ.</p>.<p><strong>ಗ್ಲಾಮರ್ ಪಾತ್ರಗಳ ಕುರಿತು?</strong><br /> ಅಭಿನಯಕ್ಕೆ ಅವಕಾಶ ಸಿಗಬೇಕು ಎನ್ನುವುದೇನೋ ನಿಜ. ಆದರೆ ಅದರಲ್ಲಿ ಅಲ್ಪ ಸ್ವಲ್ಪ ಗ್ಲಾಮರ್ ಪಾತ್ರವಿದ್ದರೆ ನನ್ನದೇನೂ ಅಭ್ಯಂತರವಿಲ್ಲ. ಹಾಗೆಂದ ಮಾತ್ರಕ್ಕೆ ಅತಿಯಾದ ತೊಗಲು ಪ್ರದರ್ಶನ ನನಗಿಷ್ಟವಿಲ್ಲ.</p>.<p><strong>ಫ್ಯಾಷನ್ ಲೋಕ ಮತ್ತೆ ನಿಮ್ಮನ್ನು ಕರೆದರೆ ಹೋಗುತ್ತೀರಾ?</strong><br /> ಖಂಡಿತಾ. ನನಗೆ ನನ್ನ ಸಾಮರ್ಥ್ಯ ಪ್ರದರ್ಶನಕ್ಕೆ ವೇದಿಕೆ ಬೇಕು. ಅದು ಚಿತ್ರರಂಗವಾದರೂ ಆಯಿತು, ಫ್ಯಾಷನ್ ಲೋಕವಾದರೂ ಸರಿ ಅಥವಾ ಉತ್ಪನ್ನಗಳ ರೂಪದರ್ಶಿಯಾಗಿಯಾದರೂ ಸರಿ. ಆ ಕೆಲಸದಲ್ಲೇ ನಾನು ತೃಪ್ತಿಪಟ್ಟುಕೊಳ್ಳುತ್ತೇನೆ. <br /> <br /> ಸದ್ಯಕ್ಕೆ ಕನ್ನಡ ಚಿತ್ರರಂಗದಿಂದ ಬಹಳಷ್ಟು ಅವಕಾಶಗಳು ಬರುತ್ತಿವೆ. ಆಯ್ಕೆಯಲ್ಲಿ ಯಾವುದೇ ಅವಸರ ಮಾಡುತ್ತಿಲ್ಲ. ಅಭಿನಯಕ್ಕೆ ಅವಕಾಶವಿರುವ ಚಿತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇನೆ. ಒಂದೆರಡು ಉತ್ತಮ ಚಿತ್ರಗಳ ಮಾತುಕತೆ ಅಂತಿಮ ಹಂತದಲ್ಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಪ್ರಜಾವಾಣಿ ದೀಪಾವಳಿ ವಿಶೇಷಾಂಕದ ಮುಖಪುಟಕ್ಕೆ ನನ್ನನ್ನು ಆಯ್ಕೆ ಮಾಡಿದ್ದು ನನ್ನ ಸೌಭಾಗ್ಯವೆಂದೇ ಭಾವಿಸಿದ್ದೇನೆ. ಪ್ರಜಾವಾಣಿಯ ಮೂಲಕ ನಾಡಿಗೆ ದೀಪಾವಳಿ ಶುಭಾಶಯ ಹೇಳುವ ಅವಕಾಶ ಲಭಿಸಿದ್ದು ನನಗೆ ಅತೀವ ಸಂತಸ ತಂದಿದೆ. ಇದು ನನ್ನ ವೃತ್ತಿ ಜೀವನದಲ್ಲಿ ಸಿಕ್ಕ ದೊಡ್ಡ ಗೌರವ~.<br /> <br /> ದೀಪಾವಳಿ ವಿಶೇಷಾಂಕದ ಪುಟಗಳನ್ನು ತಿರುವುತ್ತಲೇ, `ಸಿನಿಮಾ ರಂಜನೆ~ ಜೊತೆ ಮಾತಿಗಿಳಿದ ನಟಿ ಕ್ಯಾಥರೀನ್ ತ್ರೇಸಾ ಅವರ ಮುಖ ಕೂಡ ದೀವಳಿಗೆ ಬೆಳಕಿನ ಒಂದು `ಹೂಕುಂಡ~ದಂತಿತ್ತು. <br /> <br /> ಕ್ಯಾಥರೀನ್ ಮೂಲತಃ ಮಲಯಾಳಿ. ಆದರೆ, ಹುಟ್ಟಿದ್ದು ಬೆಳೆದಿದ್ದು ದುಬೈನಲ್ಲಿ. ಶಿಕ್ಷಣದ ಸಲುವಾಗಿ ಬೆಂಗಳೂರಿಗೆ ಬಂದರು. ಕಲಿಕೆಯ ಕಾರಣದಿಂದಾಗಿ ಬೆಂಗಳೂರಿಗೆ ಬಂದ ಈ ಚೆಲುವೆಯನ್ನು `ಫ್ಯಾಷನ್ ಪ್ರಪಂಚ~ ಕೈಬೀಸಿ ಕರೆಯಲು ಹೆಚ್ಚು ದಿನ ಬೇಕಾಗಲಿಲ್ಲ. <br /> <br /> ಮಾಡಲಿಂಗ್ ಹವ್ಯಾಸವಾಯಿತು, ವೃತ್ತಿಯಾಗಿಯೂ ಬದಲಾಯಿತು. ರೂಪದರ್ಶಿಯಾಗಿ ಹಂತಹಂತವಾಗಿ ಮೇಲೇರಿದ ಈಕೆ ಹಲವು ಶೋಗಳ ಶೋ ಸ್ಟಾಪರ್. ಫ್ಯಾಷನ್ ಲೋಕಕ್ಕೂ ಚಿತ್ರರಂಗಕ್ಕೂ ಇರುವ ನಂಟಿನ ಕಾರಣದಿಂದಾಗಿ ಕ್ಯಾಥರೀನ್ಗೆ ಸಿನಿಮಾದಲ್ಲೂ ಅವಕಾಶಗಳು ಬರಲಾರಂಭಿಸಿದವು.<br /> <br /> ಹೀಗೆ, ಓದಲಿಕ್ಕೆಂದು ಬೆಂಗಳೂರಿಗೆ ಬಂದು ನಟಿಯಾದ ಕ್ಯಾಥರೀನ್ಗೆ ಕನ್ನಡ ಚಿತ್ರರಂಗದಲ್ಲಿ ನೆಲೆಯೂರುವ ಆಸೆ. ಅವರ ಸಂದರ್ಶನದ ಮುಖ್ಯಾಂಶಗಳು ಇಲ್ಲಿವೆ...<br /> <br /> <strong>ಬೆಂಗಳೂರು ಜೊತೆ ನಿಮ್ಮ ನಂಟು ಗಾಢವಾದದ್ದು ಹೇಗೆ?</strong><br /> ಶಿಕ್ಷಣಕ್ಕೆಂದು ಬೆಂಗಳೂರಿಗೆ ಬಂದೆ. `ಫ್ಯಾಷನ್ ಲೋಕ~ದಲ್ಲಿ ಬೆಂಗಳೂರು ವಿಶ್ವದ ಗಮನವನ್ನೇ ಸೆಳೆದಿದೆ. ಈ ಸೆಳೆತ ನನ್ನನ್ನೂ ಆಕರ್ಷಿಸಿತು. ಪ್ರಸಾದ್ ಬಿದಪ್ಪ ಅವರ ಮಾರ್ಗದರ್ಶನದಲ್ಲಿ ಕೆಲ ಕಾಲ ರ್ಯಾಂಪ್ ತುಳಿದೆ. ಇದರೊಂದಿಗೆ ಕನ್ನಡ ಚಿತ್ರರಂಗದಿಂದಲೂ ಸಾಕಷ್ಟು ಅವಕಾಶಗಳು ಬರತೊಡಗಿದವು. ಹೀಗಾಗಿ ಬೆಂಗಳೂರಲ್ಲಿ ನೆಲೆ ನಿಂತೆ.</p>.<p><strong>ಈವರೆಗಿನ ಸಿನಿಮಾ ಅವಕಾಶಗಳ ಬಗ್ಗೆ ಹೇಳಿ?</strong><br /> ಕನ್ನಡದಲ್ಲಿ ನನ್ನ ಮೊದಲ ಚಿತ್ರ `ಶಂಕರ್ ಐಪಿಎಸ್~. ಇದರ ನಂತರ ಚಿತ್ರರಂಗದಿಂದ ಒಂದೊಂದೇ ಅವಕಾಶಗಳು ಬರತೊಡಗಿದವು. ಅಭಿಜಿತ್ ಅವರ `ವಿಷ್ಣು~, ಉಪೇಂದ್ರ ನಟನೆಯ `ಗಾಡ್ ಫಾದರ್~ ಚಿತ್ರಗಳು ತೆರೆ ಕಾಣಲು ಸಿದ್ಧವಾಗಿವೆ. ಕನ್ನಡ ಚಿತ್ರರಂಗ, ನಿರ್ಮಾಪಕರು, ತಂತ್ರಜ್ಞರು ಹಾಗೂ ಕಲಾವಿದರು ನೀಡುತ್ತಿರುವ ಪ್ರೋತ್ಸಾಹ ನನ್ನನ್ನು ಇಲ್ಲಿಯೇ ಹಿಡಿದಿಟ್ಟಿವೆ. ಈ ನಡುವೆ `ಥ್ರಿಲ್ಲರ್~ ಎಂಬ ಮಲಯಾಳಿ ಚಿತ್ರವನ್ನೂ ಮಾಡಿದ್ದೇನೆ.</p>.<p><strong>ಕನ್ನಡ ಎಷ್ಟರಮಟ್ಟಿಗೆ ಗೊತ್ತು?<br /> </strong>ಈಗಷ್ಟೇ ಕಲಿಯಲು ಆರಂಭಿಸಿದ್ದೇನೆ.</p>.<p><strong>ಭಾಷೆ ಗೊತ್ತಿಲ್ಲದಿರುವುದು ತೊಡಕೆನ್ನಿಸುತ್ತಿಲ್ಲವೇ?</strong><br /> ನನ್ನ ಪ್ರಕಾರ ಕಲಾವಿದರಿಗೆ ಭಾಷೆ ಮುಖ್ಯವಲ್ಲ. ನಟನೆಗೆ ಅವಕಾಶವಿದ್ದಲ್ಲಿ ಒರಿಯಾ, ಬಂಗಾಳಿ ಹೀಗೆ ಯಾವ ಭಾಷೆಯ ಚಿತ್ರಗಳನ್ನಾದರೂ ಮಾಡಲು ನಾನು ಸಿದ್ಧ.</p>.<p><strong>ಗ್ಲಾಮರ್ ಪಾತ್ರಗಳ ಕುರಿತು?</strong><br /> ಅಭಿನಯಕ್ಕೆ ಅವಕಾಶ ಸಿಗಬೇಕು ಎನ್ನುವುದೇನೋ ನಿಜ. ಆದರೆ ಅದರಲ್ಲಿ ಅಲ್ಪ ಸ್ವಲ್ಪ ಗ್ಲಾಮರ್ ಪಾತ್ರವಿದ್ದರೆ ನನ್ನದೇನೂ ಅಭ್ಯಂತರವಿಲ್ಲ. ಹಾಗೆಂದ ಮಾತ್ರಕ್ಕೆ ಅತಿಯಾದ ತೊಗಲು ಪ್ರದರ್ಶನ ನನಗಿಷ್ಟವಿಲ್ಲ.</p>.<p><strong>ಫ್ಯಾಷನ್ ಲೋಕ ಮತ್ತೆ ನಿಮ್ಮನ್ನು ಕರೆದರೆ ಹೋಗುತ್ತೀರಾ?</strong><br /> ಖಂಡಿತಾ. ನನಗೆ ನನ್ನ ಸಾಮರ್ಥ್ಯ ಪ್ರದರ್ಶನಕ್ಕೆ ವೇದಿಕೆ ಬೇಕು. ಅದು ಚಿತ್ರರಂಗವಾದರೂ ಆಯಿತು, ಫ್ಯಾಷನ್ ಲೋಕವಾದರೂ ಸರಿ ಅಥವಾ ಉತ್ಪನ್ನಗಳ ರೂಪದರ್ಶಿಯಾಗಿಯಾದರೂ ಸರಿ. ಆ ಕೆಲಸದಲ್ಲೇ ನಾನು ತೃಪ್ತಿಪಟ್ಟುಕೊಳ್ಳುತ್ತೇನೆ. <br /> <br /> ಸದ್ಯಕ್ಕೆ ಕನ್ನಡ ಚಿತ್ರರಂಗದಿಂದ ಬಹಳಷ್ಟು ಅವಕಾಶಗಳು ಬರುತ್ತಿವೆ. ಆಯ್ಕೆಯಲ್ಲಿ ಯಾವುದೇ ಅವಸರ ಮಾಡುತ್ತಿಲ್ಲ. ಅಭಿನಯಕ್ಕೆ ಅವಕಾಶವಿರುವ ಚಿತ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇನೆ. ಒಂದೆರಡು ಉತ್ತಮ ಚಿತ್ರಗಳ ಮಾತುಕತೆ ಅಂತಿಮ ಹಂತದಲ್ಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
