<p><strong>ಜಕಾರ್ತ (ಪಿಟಿಐ/ಐಎಎನ್ಎಸ್</strong>): ಹಾಲಿ ಚಾಂಪಿಯನ್ ಕೂಡ ಆಗಿರುವ ಸೈನಾ ನೆಹ್ವಾಲ್ ಇಲ್ಲಿ ನಡೆಯುತ್ತಿರುವ ಇಂಡೊನೇಷ್ಯಾ ಸೂಪರ್ ಸರಣಿ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.<br /> <br /> ಇಸ್ಟೋರಾ ಗೆಲೋರಾ ಬಂಗ್ ಕರ್ನೊ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಸೈನಾ 21-13, 21-19ರಲ್ಲಿ ಜಪಾನ್ನ ಸಯಾಕಾ ತಕಾಹಾಶಿ ಅವರನ್ನು ಪರಾಭವಗೊಳಿಸಿದರು. ಈ ಹೋರಾಟ 39 ನಿಮಿಷ ನಡೆಯಿತು.<br /> <br /> ಮೊದಲ ಗೇಮ್ನ ಆರಂಭದಲ್ಲಿ ಸೈನಾ ಅವರಿಗೆ ಸಾಕಷ್ಟು ಪೈಪೋಟಿ ಎದುರಾಯಿತು. ಇದರಲ್ಲಿ ಸೈನಾ 14-13ರಲ್ಲಿ ಮುನ್ನಡೆ ಹೊಂದಿದ್ದರು. ಆದರೆ ನಂತರ ಸತತ ಏಳು ಪಾಯಿಂಟ್ ಗೆದ್ದು ಗೇಮ್ ತಮ್ಮದಾಗಿಸಿಕೊಂಡರು. ಎರಡನೇ ಗೇಮ್ನಲ್ಲಿ ವಿಶ್ವ ಎರಡನೇ ರ್ಯಾಂಕ್ನ ಸೈನಾ ಅವರಿಗೆ ಸಾಕಷ್ಟು ಪ್ರತಿರೋಧ ವ್ಯಕ್ತವಾಯಿತು. ಈ ಗೇಮ್ ಒಂದು ಹಂತದಲ್ಲಿ 12-12ರಲ್ಲಿ ಸಮಬಲವಾಗಿತ್ತು. ಅಷ್ಟು ಮಾತ್ರವಲ್ಲದೇ ಸತತ ಮೂರು ಪಾಯಿಂಟ್ ಗೆದ್ದ ಜಪಾನ್ ಆಟಗಾರ್ತಿ 15-12ರಲ್ಲಿ ಮುನ್ನಡೆದಿದ್ದರು.<br /> <br /> ಆಗ ತಿರುಗೇಟು ನೀಡಿದ ಸೈನಾ 18-18 ಸಮಬಲಕ್ಕೆ ಕಾರಣರಾದರು. ಆ ಬಳಿಕ ಮೂರು ಪಾಯಿಂಟ್ ಗೆದ್ದು ಪಂದ್ಯ ಜಯಿಸಿದರು. ಸೈನಾ ಮುಂದಿನ ಪಂದ್ಯದಲ್ಲಿ ಸ್ಪೇನ್ನ ಕರೊಲಿನಾ ಮರಿನ್ ಅವರನ್ನು ಎದುರಿಸಲಿದ್ದಾರೆ.<br /> <br /> ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಗುರುಸಾಯಿದತ್ 21-12, 9-21, 21-19ರಲ್ಲಿ ಜಪಾನ್ನ ಕಜುಮಸಾ ಸಕಾಯ್ ಎದುರು ಗೆಲುವು ಸಾಧಿಸಿ ಎಂಟರ ಘಟ್ಟ ತಲುಪಿದರು. ಮೊದಲ ಗೇಮ್ನಲ್ಲಿ ಸುಲಭವಾಗಿ ಗೆಲುವು ಸಾಧಿಸಿದ್ದ ಅವರು ಎರಡನೇ ಗೇಮ್ನಲ್ಲಿ ಆಘಾತ ಅನುಭವಿಸಿದರು. ಆದರೆ ತಕ್ಷಣವೇ ಚೇತರಿಸಿಕೊಂಡ ಭಾರತದ ಆಟಗಾರ ನಿರ್ಣಾಯಕ ಗೇಮ್ನ ಮೇಲೆ ಹಿಡಿತ ಸಾಧಿಸಿದರು.<br /> <br /> ಆದರೆ ಸೌರವ್ ವರ್ಮ ಎರಡನೇ ಸುತ್ತಿನ ಪಂದ್ಯದಲ್ಲಿ 16-21, 6-21ರಲ್ಲಿ ಇಂಡೊನೇಷ್ಯಾದ ಪೆಂಗ್ಯೂ ಡು ಎದುರು ಸೋಲು ಕಂಡರು.<br /> <br /> ಡಬಲ್ಸ್ ಹಾಗೂ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಅಶ್ವಿನಿ ಪೊನ್ನಪ್ಪ ಪರಾಭವಗೊಂಡರು. ಮಿಶ್ರ ಡಬಲ್ಸ್ನಲ್ಲಿ ತರುಣ್ ಕೋನಾ ಜೊತೆಗೂಡಿ ಆಡುತ್ತಿರುವ ಅವರು 14-21, 21-17, 13-21ರಲ್ಲಿ ಪೋಲೆಂಡ್ನ ರಾಬರ್ಟ್ ಮೆಟುಸಿಯಾಕ್ ಹಾಗೂ ನದಿಡಾ ಜಿಯೆಬಾ ಎದುರು ಸೋಲು ಕಂಡರು. ಡಬಲ್ಸ್ನಲ್ಲಿ ಪ್ರದ್ಯಾ ಗಾದ್ರೆ ಜೊತೆಗೂಡಿ ಆಡಿದ ಅಶ್ವಿನಿ 13-21, 19-21ರಲ್ಲಿ ಇಂಡೊನೇಷ್ಯಾದ ಅನೆಕಾ ಫಿನ್ಯಾ-ಡೆಲ್ಲಾ ಡೆಸ್ಟಿಯಾರ ಹ್ಯಾರಿಸ್ ಎದುರು ಆಘಾತ ಅನುಭವಿಸಿದರು.<br /> <br /> ರ್ಯಾಂಕಿಂಗ್ನಲ್ಲಿ ಮೇಲೇರಿಕೆ: ಅಜಯ್ ಜಯರಾಮ್ (25ನೇ ರ್ಯಾಂಕ್) ಹಾಗೂ ಗುರುಸಾಯಿದತ್ (23) ರ್ಯಾಂಕಿಂಗ್ನಲ್ಲಿ ಮೇಲೇರಿದ್ದಾರೆ. ಆದರೆ ಸೈನಾ (2ನೇ ರ್ಯಾಂಕ್), ಪಿ.ವಿ.ಸಿಂಧು (11ನೇ ರ್ಯಾಂಕ್) ಹಾಗೂ ಪಿ.ಕಶ್ಯಪ್ (10ನೇ ರ್ಯಾಂಕ್) ಅವರು ತಮ್ಮ ಸ್ಥಾನ ಉಳಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜಕಾರ್ತ (ಪಿಟಿಐ/ಐಎಎನ್ಎಸ್</strong>): ಹಾಲಿ ಚಾಂಪಿಯನ್ ಕೂಡ ಆಗಿರುವ ಸೈನಾ ನೆಹ್ವಾಲ್ ಇಲ್ಲಿ ನಡೆಯುತ್ತಿರುವ ಇಂಡೊನೇಷ್ಯಾ ಸೂಪರ್ ಸರಣಿ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.<br /> <br /> ಇಸ್ಟೋರಾ ಗೆಲೋರಾ ಬಂಗ್ ಕರ್ನೊ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಸೈನಾ 21-13, 21-19ರಲ್ಲಿ ಜಪಾನ್ನ ಸಯಾಕಾ ತಕಾಹಾಶಿ ಅವರನ್ನು ಪರಾಭವಗೊಳಿಸಿದರು. ಈ ಹೋರಾಟ 39 ನಿಮಿಷ ನಡೆಯಿತು.<br /> <br /> ಮೊದಲ ಗೇಮ್ನ ಆರಂಭದಲ್ಲಿ ಸೈನಾ ಅವರಿಗೆ ಸಾಕಷ್ಟು ಪೈಪೋಟಿ ಎದುರಾಯಿತು. ಇದರಲ್ಲಿ ಸೈನಾ 14-13ರಲ್ಲಿ ಮುನ್ನಡೆ ಹೊಂದಿದ್ದರು. ಆದರೆ ನಂತರ ಸತತ ಏಳು ಪಾಯಿಂಟ್ ಗೆದ್ದು ಗೇಮ್ ತಮ್ಮದಾಗಿಸಿಕೊಂಡರು. ಎರಡನೇ ಗೇಮ್ನಲ್ಲಿ ವಿಶ್ವ ಎರಡನೇ ರ್ಯಾಂಕ್ನ ಸೈನಾ ಅವರಿಗೆ ಸಾಕಷ್ಟು ಪ್ರತಿರೋಧ ವ್ಯಕ್ತವಾಯಿತು. ಈ ಗೇಮ್ ಒಂದು ಹಂತದಲ್ಲಿ 12-12ರಲ್ಲಿ ಸಮಬಲವಾಗಿತ್ತು. ಅಷ್ಟು ಮಾತ್ರವಲ್ಲದೇ ಸತತ ಮೂರು ಪಾಯಿಂಟ್ ಗೆದ್ದ ಜಪಾನ್ ಆಟಗಾರ್ತಿ 15-12ರಲ್ಲಿ ಮುನ್ನಡೆದಿದ್ದರು.<br /> <br /> ಆಗ ತಿರುಗೇಟು ನೀಡಿದ ಸೈನಾ 18-18 ಸಮಬಲಕ್ಕೆ ಕಾರಣರಾದರು. ಆ ಬಳಿಕ ಮೂರು ಪಾಯಿಂಟ್ ಗೆದ್ದು ಪಂದ್ಯ ಜಯಿಸಿದರು. ಸೈನಾ ಮುಂದಿನ ಪಂದ್ಯದಲ್ಲಿ ಸ್ಪೇನ್ನ ಕರೊಲಿನಾ ಮರಿನ್ ಅವರನ್ನು ಎದುರಿಸಲಿದ್ದಾರೆ.<br /> <br /> ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಗುರುಸಾಯಿದತ್ 21-12, 9-21, 21-19ರಲ್ಲಿ ಜಪಾನ್ನ ಕಜುಮಸಾ ಸಕಾಯ್ ಎದುರು ಗೆಲುವು ಸಾಧಿಸಿ ಎಂಟರ ಘಟ್ಟ ತಲುಪಿದರು. ಮೊದಲ ಗೇಮ್ನಲ್ಲಿ ಸುಲಭವಾಗಿ ಗೆಲುವು ಸಾಧಿಸಿದ್ದ ಅವರು ಎರಡನೇ ಗೇಮ್ನಲ್ಲಿ ಆಘಾತ ಅನುಭವಿಸಿದರು. ಆದರೆ ತಕ್ಷಣವೇ ಚೇತರಿಸಿಕೊಂಡ ಭಾರತದ ಆಟಗಾರ ನಿರ್ಣಾಯಕ ಗೇಮ್ನ ಮೇಲೆ ಹಿಡಿತ ಸಾಧಿಸಿದರು.<br /> <br /> ಆದರೆ ಸೌರವ್ ವರ್ಮ ಎರಡನೇ ಸುತ್ತಿನ ಪಂದ್ಯದಲ್ಲಿ 16-21, 6-21ರಲ್ಲಿ ಇಂಡೊನೇಷ್ಯಾದ ಪೆಂಗ್ಯೂ ಡು ಎದುರು ಸೋಲು ಕಂಡರು.<br /> <br /> ಡಬಲ್ಸ್ ಹಾಗೂ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಅಶ್ವಿನಿ ಪೊನ್ನಪ್ಪ ಪರಾಭವಗೊಂಡರು. ಮಿಶ್ರ ಡಬಲ್ಸ್ನಲ್ಲಿ ತರುಣ್ ಕೋನಾ ಜೊತೆಗೂಡಿ ಆಡುತ್ತಿರುವ ಅವರು 14-21, 21-17, 13-21ರಲ್ಲಿ ಪೋಲೆಂಡ್ನ ರಾಬರ್ಟ್ ಮೆಟುಸಿಯಾಕ್ ಹಾಗೂ ನದಿಡಾ ಜಿಯೆಬಾ ಎದುರು ಸೋಲು ಕಂಡರು. ಡಬಲ್ಸ್ನಲ್ಲಿ ಪ್ರದ್ಯಾ ಗಾದ್ರೆ ಜೊತೆಗೂಡಿ ಆಡಿದ ಅಶ್ವಿನಿ 13-21, 19-21ರಲ್ಲಿ ಇಂಡೊನೇಷ್ಯಾದ ಅನೆಕಾ ಫಿನ್ಯಾ-ಡೆಲ್ಲಾ ಡೆಸ್ಟಿಯಾರ ಹ್ಯಾರಿಸ್ ಎದುರು ಆಘಾತ ಅನುಭವಿಸಿದರು.<br /> <br /> ರ್ಯಾಂಕಿಂಗ್ನಲ್ಲಿ ಮೇಲೇರಿಕೆ: ಅಜಯ್ ಜಯರಾಮ್ (25ನೇ ರ್ಯಾಂಕ್) ಹಾಗೂ ಗುರುಸಾಯಿದತ್ (23) ರ್ಯಾಂಕಿಂಗ್ನಲ್ಲಿ ಮೇಲೇರಿದ್ದಾರೆ. ಆದರೆ ಸೈನಾ (2ನೇ ರ್ಯಾಂಕ್), ಪಿ.ವಿ.ಸಿಂಧು (11ನೇ ರ್ಯಾಂಕ್) ಹಾಗೂ ಪಿ.ಕಶ್ಯಪ್ (10ನೇ ರ್ಯಾಂಕ್) ಅವರು ತಮ್ಮ ಸ್ಥಾನ ಉಳಿಸಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
