<p><strong>ನವದೆಹಲಿ:</strong> ಪ್ರಸಕ್ತ ವಿಧಾನಸಭಾ ಚುನಾವಣಾ ಫಲಿತಾಂಶದ ಅತಿದೊಡ್ಡ ಸುದ್ದಿಯನ್ನು ಯಾವುದೇ ಮತಗಟ್ಟೆ ಸಮೀಕ್ಷೆಗಳು ಸ್ಪಷ್ಟವಾಗಿ ತಿಳಿಸಿರಲಿಲ್ಲ. <br /> <br /> ದೆಹಲಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್ ಅವರನ್ನು ಅವರ ಕ್ಷೇತ್ರದಲ್ಲೇ 25 ಸಾವಿರಕ್ಕೂ ಅಧಿಕ ಮತಗಳ ಅಂತರದಿಂದ ಅರವಿಂದ ಕೇಜ್ರಿವಾಲ್ ನೇತೃತ್ವದಲ್ಲಿ ಆಮ್ ಆದ್ಮಿ ಪಾರ್ಟಿ (ಎಎಪಿ) ಪರಾಭವಗೊಳಿಸಿರುವುದು ಗಮನಾರ್ಹ.<br /> ದೆಹಲಿಯಲ್ಲಿ ಹೊಸ ರಾಜಕೀಯ ಶಕ್ತಿಯಾಗಿ ಎಎಪಿ ಹೊರಹೊಮ್ಮುವುದಾಗಿ ಈ ಸಮೀಕ್ಷೆಗಳು ಹೇಳುವಲ್ಲಿ ಯಶಸ್ವಿಯಾಗಿದ್ದರೂ, ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಪಕ್ಷವು ಸಾರ್ವಜನಿಕ ಬೆಂಬಲ ಪಡೆಯುವುದು ಎಂದು ಇವು ಊಹಿಸಿರಲಿಲ್ಲ.<br /> <br /> 70 ಸದಸ್ಯ ಬಲದ ದೆಹಲಿ ವಿಧಾನಸಭೆಯ 28 ಸ್ಥಾನಗಳನ್ನು ಗೆದ್ದಿರುವ ಎಎಪಿ ಎರಡನೇ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದು, ಇದರಿಂದ ಬಿಜೆಪಿ ಮತ್ತು ಕಾಂಗ್ರೆಸ್ ತಲಾ 31 ಮತ್ತು 8 ಸ್ಥಾನಗಳಿಗೆ ಮಾತ್ರ ತೃಪ್ತಿ ಪಡಬೇಕಾಗಿದೆ.<br /> <br /> ಎಎಪಿಗೆ ಸಿ’ವೊಟರ್ಸ್, ಎಸಿ’ನೀಲ್ಸನ್ ಮತ್ತು ಆರ್ಗ್ಮಾರ್ಗ್ 8–16 ಸ್ಥಾನ ನೀಡಿದ್ದು, ಆದರೆ ಈಗ ಗೆದ್ದಿರುವಷ್ಟು ದೊಡ್ಡ ಅಂತರವನ್ನು ಹೇಳಿರಲಿಲ್ಲ. ಟುಡೇ’ಯ ಚಾಣಕ್ಯವು ಎಎಪಿಗೆ 31 ಸ್ಥಾನ ಹೇಳಿದ್ದರೂ, 9 ಸ್ಥಾನಗಳ ಅಂತರವನ್ನು ತಿಳಿಸಿತ್ತು. ಸಿಎನ್ಎನ್–ಐಬಿಎನ್ –ಎಸ್ಡಿಎಸ್–ದಿ ವೀಕ್ ಸಮೀಕ್ಷೆಗಳು ಕೂಡ ಇದೇ ರೀತಿ ಅಂದಾಜಿಸಿದ್ದವು.<br /> <br /> ಇತರ ಮೂರು ರಾಜ್ಯಗಳಾದ ಮಧ್ಯಪ್ರದೇಶ, ರಾಜಸ್ತಾನ ಹಾಗೂ ಛತ್ತೀಸಗಡದಲ್ಲಿ ಬಿಜೆಪಿ ಬಹುಮತ ಪಡೆಯುವ ಮತ್ತು ಕಾಂಗ್ರೆಸ್ ದೂಳಿಪಟವಾಗುವ ಅಂದಾಜನ್ನು ಸಮೀಕ್ಷೆಗಳು ಮಾಡಿದ್ದವು. ಆದರೆ ಕೇಸರಿ ಪಕ್ಷಕ್ಕೆ ಈಗ ಸಿಕ್ಕಿರುವಷ್ಟು ದೊಡ್ಡ ಬಹುಮತವನ್ನು ಯಾವುದೂ ತಿಳಿಸಿರಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಪ್ರಸಕ್ತ ವಿಧಾನಸಭಾ ಚುನಾವಣಾ ಫಲಿತಾಂಶದ ಅತಿದೊಡ್ಡ ಸುದ್ದಿಯನ್ನು ಯಾವುದೇ ಮತಗಟ್ಟೆ ಸಮೀಕ್ಷೆಗಳು ಸ್ಪಷ್ಟವಾಗಿ ತಿಳಿಸಿರಲಿಲ್ಲ. <br /> <br /> ದೆಹಲಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್ ಅವರನ್ನು ಅವರ ಕ್ಷೇತ್ರದಲ್ಲೇ 25 ಸಾವಿರಕ್ಕೂ ಅಧಿಕ ಮತಗಳ ಅಂತರದಿಂದ ಅರವಿಂದ ಕೇಜ್ರಿವಾಲ್ ನೇತೃತ್ವದಲ್ಲಿ ಆಮ್ ಆದ್ಮಿ ಪಾರ್ಟಿ (ಎಎಪಿ) ಪರಾಭವಗೊಳಿಸಿರುವುದು ಗಮನಾರ್ಹ.<br /> ದೆಹಲಿಯಲ್ಲಿ ಹೊಸ ರಾಜಕೀಯ ಶಕ್ತಿಯಾಗಿ ಎಎಪಿ ಹೊರಹೊಮ್ಮುವುದಾಗಿ ಈ ಸಮೀಕ್ಷೆಗಳು ಹೇಳುವಲ್ಲಿ ಯಶಸ್ವಿಯಾಗಿದ್ದರೂ, ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಪಕ್ಷವು ಸಾರ್ವಜನಿಕ ಬೆಂಬಲ ಪಡೆಯುವುದು ಎಂದು ಇವು ಊಹಿಸಿರಲಿಲ್ಲ.<br /> <br /> 70 ಸದಸ್ಯ ಬಲದ ದೆಹಲಿ ವಿಧಾನಸಭೆಯ 28 ಸ್ಥಾನಗಳನ್ನು ಗೆದ್ದಿರುವ ಎಎಪಿ ಎರಡನೇ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದು, ಇದರಿಂದ ಬಿಜೆಪಿ ಮತ್ತು ಕಾಂಗ್ರೆಸ್ ತಲಾ 31 ಮತ್ತು 8 ಸ್ಥಾನಗಳಿಗೆ ಮಾತ್ರ ತೃಪ್ತಿ ಪಡಬೇಕಾಗಿದೆ.<br /> <br /> ಎಎಪಿಗೆ ಸಿ’ವೊಟರ್ಸ್, ಎಸಿ’ನೀಲ್ಸನ್ ಮತ್ತು ಆರ್ಗ್ಮಾರ್ಗ್ 8–16 ಸ್ಥಾನ ನೀಡಿದ್ದು, ಆದರೆ ಈಗ ಗೆದ್ದಿರುವಷ್ಟು ದೊಡ್ಡ ಅಂತರವನ್ನು ಹೇಳಿರಲಿಲ್ಲ. ಟುಡೇ’ಯ ಚಾಣಕ್ಯವು ಎಎಪಿಗೆ 31 ಸ್ಥಾನ ಹೇಳಿದ್ದರೂ, 9 ಸ್ಥಾನಗಳ ಅಂತರವನ್ನು ತಿಳಿಸಿತ್ತು. ಸಿಎನ್ಎನ್–ಐಬಿಎನ್ –ಎಸ್ಡಿಎಸ್–ದಿ ವೀಕ್ ಸಮೀಕ್ಷೆಗಳು ಕೂಡ ಇದೇ ರೀತಿ ಅಂದಾಜಿಸಿದ್ದವು.<br /> <br /> ಇತರ ಮೂರು ರಾಜ್ಯಗಳಾದ ಮಧ್ಯಪ್ರದೇಶ, ರಾಜಸ್ತಾನ ಹಾಗೂ ಛತ್ತೀಸಗಡದಲ್ಲಿ ಬಿಜೆಪಿ ಬಹುಮತ ಪಡೆಯುವ ಮತ್ತು ಕಾಂಗ್ರೆಸ್ ದೂಳಿಪಟವಾಗುವ ಅಂದಾಜನ್ನು ಸಮೀಕ್ಷೆಗಳು ಮಾಡಿದ್ದವು. ಆದರೆ ಕೇಸರಿ ಪಕ್ಷಕ್ಕೆ ಈಗ ಸಿಕ್ಕಿರುವಷ್ಟು ದೊಡ್ಡ ಬಹುಮತವನ್ನು ಯಾವುದೂ ತಿಳಿಸಿರಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
