ಬುಧವಾರ, ಜನವರಿ 29, 2020
24 °C

ಖಯಾನಿ, ಪಾಶ ವಿರುದ್ಧ ಕ್ರಮ ಇಲ್ಲ: ಕೋರ್ಟ್‌ಗೆ ಸ್ಪಷ್ಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಇಸ್ಲಾಮಾಬಾದ್ (ಪಿಟಿಐ): ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಜನರಲ್ ಅಶ್ಫಾಕ್ ಪರ್ವೇಜ್ ಖಯಾನಿ ಮತ್ತು ಐಎಸ್‌ಐ ಮುಖ್ಯಸ್ಥ ಲೆ.ಜ. ಅಹಮದ್ ಶುಜಾ ಪಾಶ ಅವರ ವಿರುದ್ಧ  ಕ್ರಮ ಕೈಗೊಳ್ಳುವ ಆಲೋಚನೆ ಇಲ್ಲ ಎಂದು ಅಟಾರ್ನಿ ಜನರಲ್ ಅನ್ವರ್-ಉಲ್-ಹಖ್ ಸುಪ್ರೀಂ ಕೋರ್ಟ್‌ಗೆ ಸ್ಪಷ್ಟಪಡಿಸಿದ್ದಾರೆ.



ಇವರಿಬ್ಬರ ವಿರುದ್ಧ ಸರ್ಕಾರ ಯಾವುದೇ ಕ್ರಮ ತೆಗೆದುಕೊಳ್ಳದಂತೆ ಆದೇಶ ನೀಡಬೇಕೆಂದು ಕೋರಿ ಸಲ್ಲಿಸಲಾದ ಅರ್ಜಿಯ ವಿಚಾರಣೆ ವೇಳೆ ಮುಖ್ಯ ನ್ಯಾಯಮೂರ್ತಿ ಇಫ್ತಿಕಾರ್ ಅಹಮದ್ ನೇತೃತ್ವದ ಪೀಠಕ್ಕೆ  ಅವರು ಈ ಮಾಹಿತಿ ನೀಡಿದರು.



ರಕ್ಷಣಾ ಕಾರ್ಯದರ್ಶಿ  ಲೋಧಿ ಅವರನ್ನು ಗಿಲಾನಿ ಅವರು ವಜಾ ಮಾಡಿದ ಮಾದರಿಯಲ್ಲೇ ಖಯಾನಿ ಅವರನ್ನು ವಜಾಗೊಳಿಸದಂತೆ ಆದೇಶ ನೀಡಬೇಕೆಂದು ಅರ್ಜಿದಾರರು ಕೋರಿದ್ದರು. ಈ ಹಿನ್ನೆಲೆಯಲ್ಲಿ ಸೂಕ್ತ ಉತ್ತರ ನೀಡುವಂತೆ ಮುಖ್ಯ ನ್ಯಾಯಮೂರ್ತಿ ಅವರು ಅಟಾರ್ನಿ ಜನರಲ್ ಅವರಿಗೆ ಆದೇಶಿಸಿದ್ದರು.

 

 

ಪ್ರತಿಕ್ರಿಯಿಸಿ (+)